Nor da nor Noos auzian: 17 auzipetuak
Hamazazpi pertsona eseri dira Noos auziako epaiketaren akusatuen aulkian. Hauek dira, hain zuzen ere:
CRISTINA BORBOIKOA.- Felipe VI.a Espainiako erregearen arrebari 2007-2008 urteetan Ogasun Publikoari iruzur egitea eta bi delitu fiskaletan ezinbesteko laguntzaile izatea egotzi dio epaileak. Herri akusazioak, Manos Limpiasek, bakarrik eskatu du zigorra infantarentzat: zortzi urteko kartzela-zigorra eta bi milioi euroko isuna.
IÑAKI URDANGARIN.- Cristina infantaren senar eta Palmako duke ezkontideari zortzi delitu egotzi dizkiote: influentzia-trafikoa, bidegabeko eralgitzea, prebarikazioa, iruzurra, maula, faltsutzea, Ogasunaren kontra aritzea eta kapitalak zuritzea. Ustez Noos institutua eta haren inguruan sortutako enpresak erabili zituen Balear Uharteetako, Valentziako eta Madrilgo erakunde publikoen funtsak arpilatzeko. Fiskaltzak 19,5 urteko kartzela-zigorra eskatu du berarentzat; Manos Limpiasek, 26,5 urtekoa.
DIEGO TORRES.- Noos Institutuan Urdangarinen bazkidea izandakoa. Prebarikazioa, iruzurra, influentzia-trafikoa, bidegabeko eralgitzea, Ogasunaren kontrako aritzea, faltsutzea, maula eta zuritzea egotzi diote. 16,5 (Fiskaltza) eta 22,5 (Manos Limpias) urte arteko kartzela-zigorra eskatu dute Torresentzat.
JAUME MATAS.- Balear Uharteetako presidente eta PPko burua eta Ingurumen ministro ohiari lau delitu leporatu dizkiote: prebarikazioa, bidegabe eralgitzea, influentzia-trafikoa eta iruzurra. Noos institutua Legearen aurka kontratatu izana egotzi diote. Matas preso dago gaur egun Palma Arena auziarengatik. 11 urteko espetxe-zigorra eskatu dute berarentzat.
ANA MARIA TEJEIRO.- Diego Torresen emazte eta Noos Institutuko pertsonal burua. Senarrari egotzitako delitu berak leporatu dizkio Manos Limpiasek eta 19 urte eta erdiko kartzela-zigorra eskatu du. Fiskaltzak dezente murriztu du eskaera, kapital zuritzea baino ez baitio egotzi (bi urteko zigorra).
MARCO ANTONIO TEJEIRO.- Torresen koinatua eta Noos Institutuko kontularia. Bidegabeko eralgitzeagatik, faltsutzeagatik, maulagatik, influentzia-trafikoagatik, kapital zuritzeagatik eta prebarikazioagatik epaituko dute. Fiskaltzak bi urteko espetxe-zigorra galdegin du berarentzat, gertakariak aitortu zituela argudiatuta. Manos Limpiasek 11 urteko eskaera egin du.
SALVADOR TRINXET.- Noos eta haren inguruan sortutako enpresak sortzeko Urdangarinek eta Torresek izan zuten aholkulari fiskala. Ogasunari enpreson irabaziak zelan ezkutatu esan omen zien biei. Manos Limpiasek bakarrik eskatu du haren kontrako zigorra: 3 urte, kapitalak zuritzeagatik.
JOSE LUIS "PEPOTE" BALLESTER.- Balear Uharteetako Kirol zuzendari nagusi ohia eta Palmako dukeen laguna. Ikerketan lagundu duenez, zigor-eskaera murriztu diote, eta bi urteko zigorra galdegin dute, bidegabeko eralgitzea, prebarikazioa, faltsutzea eta iruzurra egotzita.
GONZALO BERNAL.- Illesport Fundazioko zuzendaria. Noos Institutua modu irregularrean kontratatu zuela uste dute akusazioek, eta prebarikazioa, faltsutzea, iruzurra eta influentzia-trafikoa egotzi dizkiote. Zortzi eta 11 urte arteko kartzela-zigorra ezar diezaiokete.
JUAN CARLOS ALIA.- Ibatur Balear Uharteetako Turismo Institutuaren zuzendari izandakoa. Prebarikazioa, bidegabe eralgitzea, iruzurra, maula eta influentzia-trafikoa delituak egotzi dizkiote Noos institutuari turismoaren eta kirolaren inguruko bi jardunaldi antolatzeko eskatzeagatik. Lau eta 11 urte bitarteko zigor-eskaera dago haren kontra.
MIGUEL ANGEL BONET.- Ibaturreko idazkari ohia. Aliari egotzitako delitu berak leporatu dizkiote. Fiskaltzak 5,5 urte eskatu du berarentzat, eta Manos Limpiasek, 13.
LUIS LOBON.- Valentziako Turismo idazkaria. Honako delituak egotzi dizkiote: prebarikazioa, faltsutzea, bidegabeko eralgitzea eta influentzia-trafikoa. Noos Institutua kontratatu zuen Valencia Summit jardunaldiak antolatzeko eta Europako Joku Olinpikoak Valentziaren hautagaitza sustatzeko. Zortzi-hamaika urte arteko kartzela-zigorra eskatu dute Lobonentzat.
JOSE MANUEL AGUILAR.- Valentziako Arteen eta Zientziaren Hiriaren zuzendari ohia. Luis Loboni egotzitako delitu berak egotzi dizkiote. Manos Limpiasek 11 urteko eskaera egin du eta Fiskaltzak, 6koa.
JORGE VELA.- Valentziako Finantza Institutuaren zuzenari ohia. Lau delitu egotzi dizkiote eta Aguilarrentzat eskatutako zigor bera eskatu dute harentzat.
ELISA MALDONADO.- Valentziako Arteen eta Zientziaren Hiriaren arduradun juridikoa. Honi ere lau delitu leporatu dizkiote eta 8-11 urte arteko kartzela-zigorra ezar diezaiokete.
MERCEDES COGHEN.- Madril 2016 hautagaitzaren kontseilari delegatua izandakoa. Noos Institutuaren ondorengoa izan zen Gizarte Integraziorako, Kulturarako eta Kiroletarako Fundazioari 114.000 euro emategatik bidegabeko eralgitzea, faltsutzea, prebarikazioa, iruzurra eta influentzia-trafikoa egotzi dizkiote. Fiskaltzak 6,5 urteko kartzela-zigorra eskatu du, Manos Limpiasek, 9.
ALFONSO GRAU. Valentziako alkateorde ohia. Besteak beste, dirua bidegabe erabiltzea egotzi diote. 11 urteko espetxe zigorra eskatu dute horrentzat.
Zure interesekoa izan daiteke
Ertzaintzak alkohol eta droga kontrolak areagotuko ditu errepideetan datorren astean
Alkoholemia-proba batean positibo ematea arau-hauste oso larria da, eta 500-1.000 €-ko zigorra eta gehienez 6 puntu kentzea dakar.
Epaitegiak arrazoia eman dio ezgaitasuna duen gazte bati, eta Gasteizko Udalean funtzionario izateko aukera izango du
Udalak erabaki zuen ez zituela LEParen oinarriak betetzen, baina gazteak bere desgaitasun-maila frogatu ahal izan zuen eta epaitegiak arrazoia eman dio.
Etxegabetzeen aurkako dekretua luzatzeko eskatu dute, 2026an dozenaka familia kalean ez geratzeko
Donostian egindako prentsaurreko batean, Kaleratzeak Stop elkarteko ordezkariek, EH Bilduko, Podemoseko eta EB-IUko kideekin batera, abenduaren 31n amaituko den "babes soziala" luzatzeko eskatu dute, eta Eusko Legebiltzarrak aste honetan onartutako Etxebizitzaren, Lurzoruaren eta Hirigintzaren arloko Premiazko Neurriei buruzko Legearen kontra agertu dira.
Mitika diskotekako atezain batek kolpatuta hil zen Kerman Villate gaztea omendu dute Gasteizen
Kerman Villateren senideek prozesu judizialaren nondik norakoak salatu dituzte, eta egia eta justiziaren bila jarraituko dutela adierazi dute. Ehunka pertsona bildu dira Kermanen omenez egindako ekitaldian.
UEMAren esanetan, 2026ak “hizkuntza politika berriaren orubeak sendotzeko urtea” izan behar du
Urdiain eta Zeberio sartuta, 120 udalerrik osatzen dute jada Udalerri Euskaldunen Mankomunitatea (355.000 biztanle). Euskararen kontrako oldarraldia dela eta, “euskarak benetako lege-babesa izan dezan akordioak adosteko ahalegin guztiak” egingo dituela esan du Martin Aramendi UEMAko lehendakariak.
Zorteak irribarre egin dio Barakaldori: loteriaren bigarren sari batek 1,2 milioi euro utzi ditu
Larunbat honetako Espainiako Loteriaren zozketak 1,2 milioi euro utzi ditu Barakaldon. Loteriaren 17. administrazioak oso-osorik saldu du bertan 54299 zenbakia.
Adingabe batek Getxoko talde batean jasandako erasoak eta jazarpena salatu ditu horren familiak
Biktimak bi urtez jaso ditu ezkutuko deiak, irainak, jazarpena sare sozialetan eta eraso fisikoak. Eraso larriena udan jaso zuen, erasotzaileek inguratu eta jo egin baitzuten. Konortea galduta, lurrera erori zen, eta erasoa grabatu egin zuten.
1932an Eibarrek Niceto Alcala Zamorari oparitutako pistola berreskuratu dute Frantzian
Pistola 1931 eta 1936 artean II. Errepublikako presidente izan zen Alcala Zamorari oparitu zioten Eibarko elkarte errepublikarreko emakume talde batek. Frantziako poliziak urtarrilean berreskuratu zuen legez kanpo bildumagile frantziarren eskuetan zegoen arma.
Aita Marik 56 pertsona erreskatatu ditu 2025eko azken misioan
Erreskatea gaur goizean egin dute, Lampedusatik 34 mila nautika hegoekialdera. Erreskatatutakoen artean 7 haurtxo eta 16 adingabe daude. Bi hilabeteko haurra eta bere gurasoak Aita Maritik eraman behar izan dituzte haurrak muturreko desnutrizioa eta deshidratazioa zituelako.
Iruñeko Irabia ikastetxeko ikasle ohi batek salatu du Opus Deiko apaiz batek sexu erasoak egin zizkiola nerabezaroan
Opus Deik, bere aldetik, gertatutakoa onartu du, bai eta Donostian eta Madrilen ere antzeko bi kasu izan zirela argitu ere. Lehenengoa, adingabe batekin jazo zen; bigarrena, berriz, 45 urteko emakume batekin.