Aretxabaletak eta Legazpik bosgarren edukiontziaren alde egin dute
Bosgarren edukiontziaren aukera izan da garaile atera den aukera bai Aretxabaletan, bai Legazpin hondakinen kudeaketari buruz gaur egin dituzten herri-galdeketetan.
Guztira 13.000 herritar zeuden botoa ematera deituta Gipuzkoako udalerri bietan, eta bosgarren edukiontziaren edo atez atekoaren artean aukeratu behar zuten
Herri bietan bosgarren edukiontzia atera da garaile. Gauzak horrela, Aretxabaletan, % 60ko parte-hartzearekin (3.406 auzokide), herritarren % 76k babestu du (2.600 boz) edukiontzien sistema. Antzeko datuak izan dituzte Legazpin ere: parte-hartzea % 60koa izan da ere (4.228 auzokide), eta bosgarren edukiontziak bozen % 68,9 eskuratu du (2.912 boz).
Aldaketa udal gobernuetan
Azken udal hauteskundeetan, EAJk EH Bilduri alkatetza kendu zion aipaturiko bi herrietan, eta hondakinak biltzeko sistemaren inguruan sortutako "gatazka"ri amaiera emateko herri galdeketak egiteko konpromisoa hartu zuten jeltzaleek.
Legazpin, sistema mistoa dago indarrean. Koldobika Olabide Legazpiko alkatearen esanetan, bosgarren edukiontziaren sistema "merkeagoa" da eta posible da horren bidez egungo hondakin-bilketa mailari eustea. EH Bildu, berriz, atez atekoaren alde agertu da.
Aretxabaletan, egungo atez ateko sistemaren eta bosgarren edukiontziaren artean aukeratu behar izan dute. Aretxabaletako EH Bilduk sailkatzeari eta birziklatzeari eman dio lehentasuna eta, horregatik, begi onez ikusten ditu bi sistemak baldin eta % 80tik gorako gaikako bilketa bermatzen bada.
Zure interesekoa izan daiteke
Itsasadarrak gainezka egin du Zorrotzaurren, marea biziak direla eta
Bilboko itsasadarrak gainezka egin du berriro ere ostegun honetan Zorrotzaurreko zenbait tokitan, marea biziak direla eta. Euskalmeten abisu horiak, itsasaldeko arriskuagatik, larunbatera arte iraungo du.
Forondak Madrilekin eta Bartzelonarekin lotzen dituen hegaldiak estreinatu ditu
Astean lau izango dira Gasteiz eta bi hirien artean, baina aldi baterako astean bi izango dira urtarrilean.
Euskaltzaletasunaren giharra indartu, euskararen pizkunde berri bat abiarazteko
“Euskaltzaleon garaia da” izenburuko adierazpena aurkezteko agerraldia egin du Euskalgintzaren Kontseiluak, Arantzazuko Santutegian. Euskararen pizkunde berri baterako abiapuntua jarri nahi da, eta horretarako, abenduaren 27an Bilbao Arena milaka euskaltzalez betetzeko deia egin dute berriro.
Gripe kasuen kopurua "murrizten" ari da Bizkaian, txertaketari esker
Azken datuen arabera, 417.744 pertsonak jarri dute arnas-gaixotasun horren aurkako txertoa EAEn, iaz baino % 11 gehiago.
EAEko udalekuek euren jarduerari buruzko "erantzukizunpeko adierazpena" sinatu beharko dute
Bernedon gertatutakoaren ondotik, Eusko Jaurlaritza, hiru aldundiak eta EUDEL udalekuei buruzko protokolo berri bat ari dira lantzen.
Hegazti-gripeari aurre hartzeko neurri prebentiboak agindu ditu Espainiako Gobernuak
Arrisku- eta zaintza-eremu zehatzetan etxeko eta haztegietako hegaztiei eragingo dieten neurriak indarrean sartuko dira azaroaren 10etik aurrera. Horrelako eremuak daude Arabako eta Nafarroako zenbait udalerritan. Nolanahi ere, Europatik datorren birusaren aurrean arretaz eta arduraz jardutea eskatu dute agintariek, kutsatzeek eta birusaren hedapenak ekar ditzaketen kalteak saihesteko.
Vuelingek kalte-ordaina eman beharko dio esklerosia duen emakume bati, motoa hegazkinera sartzen ez uzteagatik
2021ean gertatu zen, Sevilla-Bilbo hegaldi batean. Salaketa jarri zuen emakumeak mugikortasun arazoak ditu, esklerosi anizkoitzak eragindakoak. Motoa behar du bidaiatzeko.
Zer protokolo aktibatzen dira ikastetxe batek jazarpen kasu bat egon daitekeela susmatzen duenean?
522 ikasle eskola-jazarpenaren biktima izan ziren joan den ikasturtean EAEn. Zenbakien atzean atzean ikasleen bizipenak daude; beldurra eta isiltasuna protagonista. Ikastetxeetan geroz eta sentsibilizazio handiagoa dago, eta kasuak goiz atzematea oso lagungarria da.
Iaz eskoletan abiatutako 2.263 protokoloetatik 522 eskola jazarpen kasuak izan zirela baieztatu du Hezkuntza Sailak
2024-25 ikasturtean aurrekoetan baino eskola jazarpen kasu gehiago ikertu dira (aurreko ikasturtean baino 364 gehiago) eta baieztatutakoak ere igo egin dira (522). Begoña Pedrosa Hezkuntza sailburuak azaldu duenez, datuek erakusten dute "sentsibilizazio handiagoa, detekzio goiztiarra eta prozeduretan konfiantza handiagoa" dagoela.
San Juan ontziaren uretaratzea, zuzenean
Jarraitu zuzenean Albaolatik Itsas Kultur Faktoria (Pasai San Pedro), San Juan ontziaren uretaratzea, munduko itsas ondarearen historian mugarri izango den gertaera.