Orozkoko gizon bat hil da Zumaian belaontzi batetik behera erorita
Orozkoko (Bizkaia) 68 urteko gizonezko bat hil da noraezean zebilen belaontzi batetik uretara erori eta gero, Zumaian (Gipuzkoa). Hildakoa beste bi gizonekin zegoen, Santiago hondartzaren inguruetan, herri gipuzkoarrean, eta onik daude, Segurtasun Sailak zabaldu duenez.
Hiru gizonak jausi ondoren, bertan zeuden hainbat surflarik uretatik erreskatatu dituzte, baina ezin izan dute suspertu horietako bat, eta Zumaian hil da.
13:20 inguruan, Zumaiako ahotik gertu zegoen herritar batek ikusi du belaontzia norabiderik gabe zebilela Orrua izenez ezagututako gune batean, hortaz, SOS-Deiak abisuan jarri du.
Ondoren, larrialdietako euskal zerbitzuak Itsas Salbamenduari laguntza eskatu eta horrek Gurutze Gorriko talde bat mugiarazi du, Getariatik. Halaber, inguruetan zebilen surflari talde bat hiru gizonen bila abiatu da, ordurako uretara eroriak baitziren.
Operatiboan, Bilboko Itsas Salbamenduko Zentroak koordinatuta, Ertzaintzako helikoptero batek eta Osakidetzako beste batek parte hartu du, baita Itsas Salbamenduko beste ontzi batek ere.
Belaontziak, noraezean, arroken kontra talka egin du eta erabat apurtuta geratu da.
Zure interesekoa izan daiteke
Bizkaiko eta Gipuzkoako bigarren mailako hainbat errepide itxi dituzte, luiziak eta ur putzuak direla eta
GI-3440 errepidea erabat itxi dute Lezon, eta luizi gehiago gertatu dira Gipuzkoako errepideetan. Bizkaian gorabeherak izan dira Trapagaran inguruan, eta arretaz gidatzea gomendatu dute ur putzuak direla eta.
Gutxienez bost kilometroko auto-ilarak BI-10 errepidean, Barakaldon, bi ibilgailuk izandako istripu baten ondorioz
Ezbeharra 124. kilometroan gertatu da, Irungo noranzkoan, eta eragin handia izaten ari da trafikoan.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak oso beteta gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.