Ernek dimititzea eskatu dio Ertzaintzako buruari
Erne sindikatuak dimititzea eskatu dio Gervasio Gabirondo Ertzaintzako zuzendariari. Izan ere, atzo Bilbon Marseillako ultrek eragindako istiluen aurrean "kudeaketa txarra" egin izana egotzi dio.
Roberto Seijoo Erneko zuzendariak EFE agentzian kritikatu duenez, Gabirondo "Madrilgo azoka batean argazkiak egiten" ari zen bitartean, Bilbon "segurtasun publikoarekin lotutako arazo bat zegoen".
Sindikalistak salatu du EAEn ez dela ondo kudeatzen "segurtasun publikoa", ez baitute dirurik "gastatu" nahi arlo horretan. Horregatik, "ez dute segurtasun operazio [egokirik] diseinatzen istilu aurreikuspenak daudenean".
"Ekitaldi pribatuetan, ertzainen jardunagatik kobratu egingo dutela esaten duten bitartean (oharra: atzoko operazioa Athletici kobratu zion Jaurlaritzak), zerbitzu publikoak pribatizatzen ari dira", ohartarazi du.
Horren esanetan, Osakidetzan eta Hezkuntzan "ordezkapenak" egiten dira langileak faltatzen direnean, baina Ertzaintzan "ezin da egin halakorik", eta lan egitea ez dagokien langileei lan egitea eskatu behar diete. "Ez dietenez ordaindu nahi, aurreikuspen eskasak eta ez nahikoak egiten dituzte", gaineratu du.
Ertzain gutxiko operazio bat diseinatzea ertzainentzat eurentzat ere arriskutsua izan daitekeela nabarmendu du Seijook, eta, gainera, arazo judizialak izan ditzaketela azaldu du, indarraren erabilera bortitza egiten badute.
Horren aurrean, Erneren ordezkariak berriro eskatu du Ertzaintzako zuzendariaren kargu uztea, azken hiru urteetako haren "gaitasun ezak arazo ugari eragin baititu".
Seijook adierazi duenez, bere sindikatuak, ELArekin batera, bilera bat izango du datorren asteazkenean Euskadiko fiskal nagusiarekin, euskal Polizia autonomoaren egoera azaldu eta haren babesa eta laguntza eskatzeko xedearekin.
Sindikatu biek lehendakariari ere jakinarazi nahi dizkiote Ertzaintzaren kolektiboak dituen arazoak, horien aurrean Iñigo Urkulluk "ezin dezakeelako begiak itxita jarraitu".
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.