Argi berdea eman diote 112ren erabilera okerra zigortzen duen legeari
Babes zibilaren alorrean administrazioaren baliabideen eskuhartzea martxan jartzen duten dei faltsuengatik 600.000 euro arteko isunak jarri ahal izango dituzte EAEn, eta 30.000 euro artekoak 112ra gehiegizko deiak edo iraingarriak egiteagatik.
Eusko Legebiltzarrak 1996tik indarrean dagoen Larrialdien Kudeaketarako Legearen erreforma onartu du gaur, eta, berrikuntzen artean, larrialdien eta babes zibilaren alorrean arau hausteak egiten dituztenentzako isunen zerrenda sartu dute.
EAEko Larrialdi eta Babes Zibil sistema "berrituko" duen testu horrek alderdi guztien babesa jaso du, baina EH Bilduk abstentzioa eman du hein handi batean, araua hobetzeko aukera bat galdu dutelako eta Itsas Salbamenduarekin ahaztu direlako "beste behin ere".
Estefania Beltran de Heredia Segurtasun sailburuak esan du gaur onartutako erreforma "albiste ona" dela, hobekuntza tekniko handiak dituelako eta bere garaian aitzindari izan zen legea berritzen duelako.
Hala, ohiko larrialdien eta hondamendien kudeaketa sistema bakarrean uztartu dute. Pertsonalaren trebakuntza ere indartzen omen du, eta alerten sarea arautu eta meteorologia zerbitzua babes zibilarekin lotzen du.
Gainera, arriskua eragin dezaketen enpresei autobabeserako egitasmo bat exijituko zaie, eta Larrialdien Koordinaziorako Zentroen egitekoak eguneratu dira.
Larrialdietan parte hartzen duten langileei eta laguntzen duten herritarrei aitortza egiteko bideak irekitzen dira.
Isunak
Legearen erreformak isunak ere aurreikusten ditu, oso larrietatik hasi eta arinetara, 150 eurotik 600.000ra.
Hala, 112 telefonoaren erabilera okerra zigortuko da, eta oso arau hauste larritzat joko da babes zibileko baliabideak mobilizatzea suposatzen duen dei faltsua.
Oso arau hauste larria izango da, era berean, babes zibilaren eremuan dauden ekitaldietarako edo zentroetarako ardura zibileko asegururik ez izatea.
Arau hauste larrien artean egongo dira gehiegizko deiak, iraingarriak edo mehatxuak.
Albiste gehiago gizartea
Herriko saltokien aldeko txupinazoarekin hasi dira Lesakako sanferminak
Gurekin Zerbitzu Elkarteak bota du aurtengo txupinazoa, Udalaren hitzetan, "urtean zehar denda eta zerbitzu txikiek egindako ekarpena eskertzeko". Uztailaren 12ra arte luzatuko dira Lesakako sanferminak.
Elkartasunaren txupinazoak eman die hasiera 2025eko sanferminei
Palestina gogoan, Yala Nafarroako ordezkariek kufiyak lepoan zituztela bota dute suziria. 12:01 zirenean, Palestinaren askatasunaren oihuarekin batera lehertu da suzia Iruñeko zeruan, eta horrekin batera egin du eztanda festak.
Deban N-634 errepidean itxitako erreietako bat astelehenean irekiko dute
Errei bat irekiko dute, semaforoz araututa txandaka pasatzeko. Hala ere, aurreikuspenen arabera, azaroan irekiko dute erabat bidea, lanak amaitutakoan.
204 orduko etenik gabeko festa abiatu du txupinazoak Iruñean
Kostata baina txupina bota du aurten Palestinaren aldeko Yala Nafarroa plataformak. 2025eko sanferminak uztailaren 14ra arte luzatuko dira, tradizioz, musikaz eta kulturaz betetako egitarau zabala eskainita.
Pertsona bat atxilotu dute Portugaleten, beste bat birritan sastatzeagatik
Biktima Gurutzetako Ospitalera eraman dute. Ertzaintzak jakinarazi duenez, atxilotua 24 urteko bizilagun bat da.
Iruñea, sanferminei hasiera emango dien txupinazoaren zain
Ordu gutxi falta dira sanferminetarako, eta Iruñean dena prest dute jaiei hasiera emateko. Yala Nafarroa Palestinarekin elkartea arduratuko da aurtengoan txupina botatzeaz.
Gipuzkoako alkateek soka berari eutsi diote, "Ipuscua" hitzaren milurtekoan
Txistu eta danbolinaren erritmoan dantzatu dira Gipuzkoako 70 bat alkate eta alkateorde. Diputatu nagusia buru, eskutik helduta, jostari aritu dira soka-dantzan. Horrela ospatu dute Gipuzkoako alkateek Tolosan "Ipuscua" hitzaren milurtekoa.
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.