Arbizuko hegazkin-istripuan hildako hiru lagunak frantsesak ziren
Arbizuko erdigunean erori zen hegazkin txikian hil diren hiru pertsonak frantziarrak ziren, bi gizon eta emakume bat, lehen ikerketen arabera. Dirudienez, Coimbratik (Portugal) abiatu ziren eta Akizera (Frantzia) zihoazen.
Gauean beste gorpu bat topatu dute, eta atzo arratsaldean gertatu zen istripuan hildakoak hiru dira dagoeneko.
Erortzean hegazkinak ez zuen herritarrik zauritu, baina batzuen nerbio-krisiak artatu behar izan zituzten larrialdi zerbitzuek, Nafarroako Gobernuak jakitera eman duenez.
Guardia Zibila ezbeharraren arrazoiak ikertzen ari da, baina lekuko baten arabera, hegazkinak putre baten aurka talka egin zuen eta Arbizuko etxeen artean erori zen orube batera, herriko haurtzaindegitik gertu. Istripuaren berri 18:10 aldera eman zuten.
Altsasuko eta Cordovillako suhiltzaileak, Nafarroako Gobernuaren helikoptero bat, Foruzaingoaren bi patruila, eskualdeko guardiako talde medikoa eta anbulantzia bat bertaratu ziren, baina larrialdi zerbitzuek ezin izan zuten ezer egin; izan ere, hegazkin txikiko bidaiariak berehala hil ziren eta hegazkina txikituta geratu zen.
Biktimen gorpuzkiak Nafarroako Auzitegiko Medikuntza Institutura eraman dituzte, autopsiak egiteko.
Hegazkinak putre baten aurka talka egin zuela esan du Nafarroako Gobernuak
Hegazkin txikia altitude araudia urratzen ari zela esateko “informaziorik ez” dagoela adierazi du Maria Jose Beaumont Nafarroako Barne kontseilariak. “Putre batekin talka egin eta erori zela azpimarratu dute lekukoek”, esan du Beaumontek.
Ezbeharra sumario-sekretupean dagoela azaldu die kontseilariak kazetariei.
Istripua gertatu eta suhiltzaileetako zuzendariarekin harremanetan jarri zela azaldu du Beaumontek, ezbeharraren tokira “berehala” joanda zelako. Gainera, Camen Alba Espainiako Gobernuko ordezkariarekin ere hitz egin zuen kontseilariak.
Gainera, “pilotuaren trebetasunaren inguruan zalantza txikiak” daudela esan du Beaumontek, “baina hegazkinak orube baten lurra jotzea lortu zuen, bi etxeren artean, edo kasualitatea izan zen”. “Hori jakiterik ez dago, pilotua hil egin delako”, gaineratu du. “Zorionez ez da inor zauritu herrian”, erantsi du.
g>, erantsi du. g>, erantsi du.Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.