Festa-giroa nagusi, Irungo alardeetan
Festa-giroa izan da nagusi gaur Irunen, San Martzial egunean. Alarde tradizionalak eta alarde mistoak herriko kaleak zeharkatu dituzte istilurik gabe, bakoitzak bere aldetik, eta gorriz, zuriz eta beltzez jantzi dituzte Irungo bazterrak, jaietako egun handian.
Zeru argi eta tenperatu atsegina lagun, 7:40ean abiatu da desfile tradizionala. Urdanibia plazatik atera eta San Juan plazara jo dute 19 konpainiek.
San Juan plazan arma-ikuskatzea eta deskargak gidatu ditu lehendabizikoz Paco Castillo jenerala, zaldi gainean.
Emakumeek kantinera gisa bakarrik parte hartzen dute alarde horretan; 19 konpainiaz osatuta dago, bakoitzak bere kantinera du, eta 7.857 gizon biltzen ditu. Kaleak jendez gainezka izan dira ibilbide osoan.
Alarde mistoak konpainietan emakumeen agertzea aldarrikatzen du, eta 10:20an abiatu da 1.200 lagunekin, Alarde tradizionalak egindako ibilbide beretik.
Aurreko urteetan bezala, Jose Antonio Santano Irungo alkate sozialistak Alarde tradizionalari baino ez dio harrera egin, Udalean.
Bestalde, Manuel Lezertua Arartekoa eta Izaskun Landaida Emakundeko zuzendaria Alarde mistoan parte hartu dute emakumeei babesa emateko.
Halaber, Denis Itxaso (PSE-EE) Kultura foru diputatuak alarde mistoa hartu du Udaleko etxabean. Itxasok desfile bietan parte hartzeko konpromisoa hartu zuen 2015eko foru hauteskundeetan.
Bestalde, Xabier Olano eta Ainhoa Elola izan dira, besteak beste, EH Bilduren ordezkari gisa.
Alardeen inguruko polemikak 20 urte bete ditu aurten. 1996an emakume talde batek alarde tradizionalean sartu zen emakumeen parte hartzea kantineraz haratago joatea aldarrikatzeko.
Albiste gehiago gizartea
Bilboko Konpatsek eraso sexisten aurkako elkarretaratzea egin dute
Arriaga Antzokiaren aurrean egindako elkarretaratze jendetsu batean, Bilboko Konpartsek azken egunetan izandako eraso sexisten aurka egin dute. Aste Nagusiaz gozatzeko gonbitea luzatu diete herritarrei, baina erasotzaileei etxean geratzeko eskatu diete.
Antonio Aretxabala, geologoa: "Mendia ustiatzen duen jendeak zaindu behar du"
Antonio Aretxabala geologoak adierazi du bereizi egin behar direla basoa ekosistema gisa eta mendia industria-ustiapen gisa, hortxe baitago arriskua. Ohartarazi du hurrengo uholdeak okerragoak izango direla inguruan, lurra higatuta dagoelako. Ohartarazi du, gainera, norbaitek baso-sute batetik onura ateratzea arriskutsua dela.
Txupinerek ere egun handia dute Aste Nagusian!
Bilboko Aste Nagusiko txupinerak gaur eguerdian bildu dira, urtero bezala, Areatzako ohiko ongietorria egiteko. Guztiek txupinak bota dituzte berriro, euren uniformea jantzita, Malu Crespok duela 40 urte jantzi zuen jaka gorri tipikoarekin.
Gizon bat atxilotu dute Gasteizen, bikotekidea etxeko hozkailuaren kontra bultzatu eta mugikorra botatzeagatik
Eraso matxista asteazken arratsaldean jazo zen, Pilar auzoko etxe batean. Emakumeak hematoma bat zuen aurpegian.
Carlos Uriagereka (Bizkaiko Baso Zerbitzua): “Suteen mehatxupean zegoen herri bat salbatzeko aukera izan dugu”
Bizkaitar profesional ugari izan dira Leongo Casasuertes herrian, astelehenetik Gaztela eta Leonen penintsulako ipar-mendebaldea kiskaltzen duten suteak itzaltzen laguntzen. Carlos Uriagereka, Bizkaiko Aldundiko Baso Zerbitzuaren buruak adierazi du gogorra izan dela, baina pozik itzuli direla Euskal Herrira, lortu dutelako suebakiak eginez sutea kontrolatu eta bizilagunak etxera itzultzea.
Rozalen musikariak liluratu egin ditu Bilbon bildutako zaleak
Albaceteko artistak kontzertua egin du, bart, Europa Parkeko eszenatokian.
Gizon bat ikerketapean, autoa mozkor eta gidabaimenik gabe gidatzeagatik, bi bidaiari gorputza sabaitik ateratzen ari zirela, Iruñean
23 urteko gidaria bide-segurtasunaren aurkako delitu batengatik ikertu dute. Autoan zihoazen bi bidaiariak ere salatu dituzte, segurtasun-uhalik gabe zihoazelako, mugikorrarekin grabatzen.
Baso-suteek 350.000 hektarea baino gehiago erre dituzte abuztua hasi denetik, Espainian
Oraindik, hogei bat su daude aktibo Gaztela eta Leonen, Galizian eta Extremaduran, eta haizea sua itzaltzeko lanak zailtzen ari da hainbat tokitan. Bien bitartean, azken orduetan Leongo iparraldean botatako euriak garrak kontrolatzen lagundu du Europako mendien inguruan. Bestalde, EAEtik sua itzaltzera joandako suhiltzaileek etxerako bidea hartu dute.
11 pertsona atxilotu dituzte Bilboko Aste Nagusiko bosgarren gauean; batek osasun-langileei eraso egin die
Atxiloketa gehienak indarkeriaz egindako ebasketekin eta lapurretekin lotuta daude. Dena dela, beste delitu batzuk ere jazo dira, eta gizon bat ere atxilotu dute emakume bati ukituak egitea leporatuta.
Hona hemen Faltzesko Piloneko bosgarren entzierroko irudiak
Faltzesko Piloneko bosgarren entzierroak minutu bat eta 11 segundo iraun du, orain arteko bigarren entzierro luzeena izan da eta Eulogio Mateo de Carcarren zezenak izan dira protagonista. Hainbat eroriko eta estropezu izan dira ibilbidean zehar.