Haren etxean bahituta zuten gizon bat askatu dute Torreviejan
Bi astez haren etxean bertan bahituta egondako gizonezko bat askatu du Alacanteko Guardia Zibilak. Gizonak desnutrizio zantzu argiak eta zauri larriak ditu.
Horren ondorioz, bost lagun atxilotu ditu Guardia Zibilak: 26 eta 35 urteko espainiar bi, 32 urteko marokoar bat, eta 26 eta 37 urteko emakumezko espainiar bi. Zauri larriak eragin izana, legez kanpoko atxiloketa eta mehatxua delituak leporatu dizkiete.
Biktima alemaniarra da. Bost pertsona horiek haren etxebizitzan giltzapetu zuten, Torreviejan (Alacant). Guardia Zibileko agenteak haren etxera heldu direnean, logela batean giltzapetuta aurkitu dute biktima. Zoruan botata zegoen, desnutrizio zantzuak zituen (ura eta ogia baino ez eman zioten jateko), eta hainbat erasoren zauriak zituen. Biktimarekin batera, atxilotuetako bat zegoen, hura zelatatzeko asmoz.
Dirudienez, gutxienez bi aste zeramatzan bahituta, eta haren arrebari esker aurkitu dute, biktima aske uzteko, bahitzaileek diru eskatu baitzuten.
Gizonezkoa ospitalera eraman dute, dituen zauriengatik artatu dezaten: bi saihets-hezur ditu apurtuta, pulmoietako bat zulatuta, eta kolpeak aurpegian eta gorputzean.
Zauri larriak eragin izana, legez kanpoko atxiloketa eta mehatxua delituak egotzi dizkiete bahitzaileei. Dena dela, litekeena da beste hainbat delitu leporatzea, ikerketa oraindik ez baitago itxita. Guardia Zibilak jakinarazi duenez, baldintzarik gabeko espetxealdia ezarri diete atxilotuei.
Zure interesekoa izan daiteke
Gasteizko bi udaltzain zigortu dituzte, adin txikiko bat atxikitzeko indar "neurrigabea" erabiltzeagatik
Gertakariak 2023ko martxoan izan ziren, Zabalgana auzoan, debekatutako eremu batean patinete elektrikoan zihoan gazte bat geldiarazi zutenean agenteek.
Xabier Anduagak San Sebastian martxa elkarrekin abesteko deia egin du bandera igoeran
Aurten Urrezko Danborra jasoko duen Xabier Anduaga tenor gazteak San Sebastian martxa abestuko du Konstituzio plazako oholtzan, Donostiako Orfeoiarekin batera. "Mundu guztiak nirekin abestea nahi dut, ez dut inor ni entzuten egotea nahi, baizik eta mundu guztiak gozatzea", nabarmendu du Anduagak.
"Arrazoizko tarte batean" ez da isunik jarriko V-16 baliza ez erabiltzeagatik
Espainiako Gobernuko Barne ministroaren hitzetan, bidaiarien "bizitzak salbatzea" da neurri berriaren helburua, eta ez gidariak "zigortzea eta dirua biltzea". Horregatik, egokitzeko denbora emango dutela jakinarazi du.
ChatGPT ongizateari laguntzeko tresna bat prestatzen ari da
Plataformak galdera medikoak erantzutea, emaitza pertsonalak aztertzea eta osasun aholku pertsonalizatuak eskaintzea ahalbidetuko du, osasun profesionalak ordezkatu gabe. Oraingoz, erabiltzaile talde txiki batekin probatzen ari dira, ofizialki merkaturatu aurretik.
Korrikaren 24. edizioaren ibilbidea
Euskararen aldeko lasterketa martxoaren 19an Atharratzetik abiatu eta hilaren 29an, igandearekin, iritsiko da Bilbora, hamaika egun geroago. Ikusi ibilbide osoa eta aurreikusitako ordutegiak.
Euskadik odol-emaileak behar ditu: Osakidetzak erreserben beherakada kritikoaz ohartarazi du
Gripearen bilakaerak eta gabonetako geldialdiak odol-emateen kopurua murriztu dute, eta deia indartzera behartu du; izan ere, osasun-jarduera bermatzeko, egunean 400 inguru behar dira.
Korrikak 2.175 kilometro egingo ditu 11 egunean
AEKk 24. Korrikaren ibilbidea aurkeztuko du gaur, ostegunarekin. Korrika Laguntzaileek izango dute lehenik ibilbide osoaren berri, primizian, eta 09:30ean zabalduko dute guztientzat. Euskararen aldeko lasterketa hiriburuetara noiz iritsiko den aurreratzen dizuegu EITBn.
Iruñeko Jaso ikastolaren eraikin zaharra hustu dute, sute baten ondorioz
Etxerik gabeko hainbat pertsonak erabiltzen zuten eraikina. Nafarroako Gobernuak jakinarazi duenez, ez da inor zauritu.
36 urteko gizon bat atxilotu dute Pasaian, droga-trafikoagatik
Saltzeko prest zuen hainbat droga atzeman dizkiote. Atxilotuak, gainera, aurretik atxilotzeko agindu judiziala zuen haren kontra.
40 urteko gizon bat atxilotu dute Bilbon, bikotekide ohiari sexu-erasoa egitea egotzita
Emakumeak ustezko erasotzailearengandik ihes egitea lortu du. Gizona epailearen esku geratzeko zain dago, ertzain-etxean. Genero-indarkeriaren eremuan sexu-erasoa egitea leporatzen diote.