Beloa daramaten nesken eskolaratzea ez oztopatzeko eskatu dute
Eusko Jaurlaritzaren Hezkuntza Sailak zirkularra igorri die Euskal Autonomia Erkidegoko ikastetxeei buruan zapia daramaten nesken eskolaratzea ez oztopatzeko eskatuz.
Hezkuntza Sailak joan den ikasturtean Gasteizko ikastetxe batean izandako polemika berriro errepikatzea saihestu nahi du.
Eskola horretan debekatuta dago burua edozein motatako arroparekin estalita eramatea eta, beraz, neskatila musulman bati beloa jartzea debekatu zioten. Gurasoek, baina, ez zuten onartu euren alabak beloa kendu behar izatea gelan sartzeko.
Bi aldeak adostasun batera heltzea ezinezkoa izan zen, eta Hezkuntza Sailaren Ikuskaritzak esku hartuta, behin-behineko soluzio bat topatu zuten: neskatoa ezin izan zen beloarekin klasean sartu, baina bai ikastetxean. Irakasleak zuzendaritzaren gela batera joaten ziren eta han ematen zizkioten klaseak.
Hezkuntza Sailaren oharrak dio beloa daramaten ikasleei ez zaiela eskolaratzea oztopatu behar eta zapia eramatea baimenduta ez duten ikastetxeei araudia aldatzeko aukera azter dezatela eskatzen die, “hezkuntza barneratzailearen ikuspuntutik eta aniztasuna kontuan hartuta”.
Horrez gain, Hezkuntza Sailak azpimarratzen du Euskal Autonomia Erkidegoko ikasleria gero eta globalizatuagoa den munduan bizitzeko prestatu behar dela eta horretarako oso garrantzitsua dela kultura bakoitzak dituen beharrizanei erantzuteko gaitasuna izatea.
Zure interesekoa izan daiteke
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.