Emakume bat eta bere bi umeak etxegabetu dituzte Gasteizen
Emakume bat eta bere bi umeak, adingabek, etxegabetu egin dituzte Gasteizen (Araba), Zabalgana auzoan, alokairua hainbat hilabetez ez ordaintzegatik. Edonola ere, udal instalazioetan hartuko dituzte familiako kideak, behin behinean. Etxebideren babes ofizialeko etxebizitzatik kaleratu dute, baina etxearen alokatzailea pertsona partikularra da, pisua saltzeko asmoa duena.
Stop Kaleratzeak elkarteko kideak bertara hurbildu dira, ez partikularren arteko gatazka batean esku hartzeko, baizik eta epailearen jarrera salatzeko, argitu dutenez. Izan ere, elkarteko kideek salatu dutenez, epaileak familia hori etxetik kaleratzeko erabakia hartu du, aldez aurretik bermatu gabe familia horrek bizileku gisa beste aukera bat zuenik.
Ildo horretan, Arturo Val elkarteko bozeramaileak gogora ekarri ditu Europako Giza Eskubideen Epaitegiak gai honen inguruan emandako argudioak. Epaitegi horren arabera, ostatu hartzeko beste aukerarik eman gabe, ezin da kaleratzerik egin, azpimarratu du Valek.
Elkarteko ordezkariek berretsi egin dute kritikak epaitegiaren aurkakoak direla, aldez aurretik ez baita harremanetan jarri Gasteizko Udaleko Gizarte Gaietako arduradunekin. Horren harian, Udaleko iturriek EFE agentziari baieztatu diotenez, epaitegia ez da Udalarekin harremanetan jarri kaleratzearen berri emateko; baina, hala ere, egoeraren berri izandakoan, emakumeari udal instalazioak eskaini dizkiote.
Emakumeak hasieran ez du eskaintza onartu, baina, azkenean, behin behinean egongo da bertan, familiarekin. Halaber, Udalak konpromisoa hartu du emakumearen erroldatzeari eusteko, hark diru-sarrerak bermatzeko errenta jasotzen jarraitzeko aukera izan dezan.
Zure interesekoa izan daiteke
Donostiako alkateak uste du Topoaren erdiguneko zatia uda bukaeran egongo dela prest
Jon Insausti Gipuzkoako hiriburuko alkateak esan duenez, Donostiako Topoaren obrarik handienak bukatuta daude, eta 2026ko uda bukaeran martxan jarri ahal izatea aurreikusten du.
Altsasuko alkateak salatu du pertsona talde bat udal eraikin batean indarrez sartzen saiatu zela
Gertakariak urtarrilaren 1eko goizaldean jazo ziren. Udaltzaingoak erasoa saihestu zuen, baina agenteak "larderia eta irain larrien" biktima izan ziren, alkatearen arabera.
Gaueko guardiako zerbitzua eskaintzen duen bigarren farmazia ireki dute Gasteizen
Eusko Jaurlaritzak hartu du erabakia, Gasteizko iazko errolda kontuan hartuta; izan ere, 250.000 biztanleko kopurua gainditu du hiriak. Larrialdiren bat izanez gero, beraz, aurrerantzean errazagoa izango da botikak eskuratzea.
Derrigorrezkoa al da eta funtzionatzen al du V16 balizak atzerrian?
Espainian matrikulatutako ibilgailuek V16 baliza erabil dezakete beste herrialde batzuetan, 1968ko Bide Zirkulazioari buruzko Vienako Konbentzioak ezartzen baitu nazioarteko zirkulazioan dauden ibilgailuek matrikulatuta dauden herrialdeko araudia bete behar dutela. Hala ere, kontuan izan behar da konektibitateak Estatu espainiarrean bakarrik funtzionazen duela eta matxura edo istripuren bat izanez gero, tokiko larrialdi-zerbitzuei deitu beharko zaiela.
225 eskaera baino gehiago jaso dituzte lehen egunean, guraso bakarreko familien ziurtagiri ofiziala lortzeko
Guraso bakarreko 21.000 familia inguru bizi dira Euskadin, horietatik % 80 emakumeak.
Gizon bat atxilotu dute Gasteizen, emakume bat jotzea leporatuta
Agenteek ostegun goizean jaso zuten abisua. Etxean emakumea aurkitu zuten, kolpatu izanaren zantzuekin, eta 48 urteko gizona, eskuak odoletan zituela. Atxilotu egin zuten, lesio-delitu bat egotzita.
Burguera anaiak Legazpiko elizako mantentze-lanez arduratzen dira eta herriko ondare historikoa babesten dute
Paco, Ricardo eta Juan Mari, Legazpiko parrokiaren mantentze-lanetaz arduratzen dira, borondatez. Duela 7 urte hasi ziren jarduera honekin eta ez dute erlijioagatik egiten, herriaren ondarea babesteko eta berreskuratzeko baizik. Egindako lanen artean kuttunena, organoaren funtzionamendua agerian uzten duen erakusleihoa.
Ikerketek genero-indarkeriako testuinguru batean kokatzen dute Fuenmayorgo parrizidioa
Familiako genero-indarkaria gertakari batean, 19 urteko gazte batek ustez bere aita hil zuen arma zuri batekin, abenduaren 31ko arratsaldean. Alarguna VioGén sisteman (Genero Indarkeria Kasuen Jarraipen Integralerako Sistema) agertu zen 2012an.
Magia, karrozak eta gozokiak: honelakoak izango dira Errege Magoen kabalgatak Bilbon, Gasteizen, Donostian eta Iruñean
Meltxor, Gaspar eta Baltasar (ia) prest daude kale nagusiak zeharkatzeko, berariaz prestatutako argi eta kolore ikuskizunekin lagunduta ibilbide osoan zehar.
Bi atxilotu Andoainen lapurtzera sartu ziren etxe bateko jabea itotzen saiatzeagatik
Bi biktimak esnatu egin ziren etxeko atea behin eta berriz jotzen ari zirela ikustean, eta atea irekitzean, beltzez jantzitako ezezagun bat gainera etorri zitzaien.