Abadiñoko hilketaren akusatuak errudun jo du bere burua
2014an Abadiñon emaztea eta amaginarreba hiltzeagatik akusatutako gizonak errudun jo du bere burua astelehen honetan Bilbon abiatu den epaiketaren lehen jardunaldian. Akusazioek 43 urteko kartzela zigorra eskatzen dute; defentsak, berriz, 20 urtekoa. Gainera, 300.000 euro arteko isuna ere eskatu dute, biktimen familiari eta sutea dela-eta kaltetutako enpresei ordaindu beharrekoa.
Epaitegiaren aurrean egin duen deklarazioan, akusatuak egindako kaltea onartu du eta kalte horrengatik ordaindu behar duela gaineratu du. Halaber, barkamena eskatu du, ‘’batez ere’’ bere semeari, familiari eta lagunei.
"Enpresaren zorrarekin estututa nengoen eta emazteak laguntza ukatu zidan, nahiz eta aurrekoetan laguntza eman izan. Instintiboki jardun nuen, sen ona galdu nuen, egoeraren kontrola eta nire bizitzaren kontrola galdu nituen’’, adierazi du.
Fiskalaren eta defentsaren galderei erantzunda, akusatuak azaldu du 2014ko abenduaren 10ean ohetik altxatu zela 06:30ean, ohi bezala, eta lanera Joan aurretik bere emaztea esnatu egin zen, eta liskarrean hasi ziren-.
"Laguntza ukatu zidan’’, esan du, eta jarraian azaldu du burdin batekin kolpatu zuen. Borrokatu egin omen zuten, eta arnasbideak estali zizkion, akusatuak azaldu duenez.
Amaginarreba alboko gela batean lo zegoela adierazi du, eta esnatutakoan ‘’zer gertatzen da? Zer gertatzen da?’’ oihu egin zuen.
Bi kasuetan arnas egiteari utzi ziotenean askatu zituen biktimak, konortea galdua zutela uste zuela, adierazi du.
Gertatutako ‘’izugarrikeriaz’’ ohartuta, enpresa jo zuen, ‘’ezbeharraren erruduna’’, akusatuak esan duenez. Orduan buruaz beste egitea eta enpresa suntsitzea pentsatu zuen.
Horretarako, su eman zion lantegiari, eta bere burua eskegi zuen, deklarazio horretan azaldu duenez. Lantegiko langileek jaitsi zuten bertatik.
Su horrek kaleak eragin zituen inguruko enpresetan ere.
Sei gizonek eta hiru emakumek osatutako herri-epaitegiak epaituko du akusatua.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.