'Aldez aurretik ongi planeatuta zeukan', esan dute auziko ikertzaileek
Abadiñoko hilketa bikoitza ikertu zuten Ertzaintzako hainbat agentek deklaratu dute ostegun honetan, Bilbon egiten ari diren epaiketaren hirugarren egunean. Bertan adierazi dutenez, akusatuak aldez aurretik planeatuta zeukan egindakoa.
"Ez zen egun bateko kontua edo beroaldia izan… Ez dakit egun horretarako edo hurrengo egunerako planeatuta zeukan baina ematen du aldez aurretik ondo planeatuta zeukala", adierazi du ikertzaileetako batek.
Ertzaintzako zortzi agentek deklaratu dute epaiketaren hirugarren jardunaldian. Joan den astelehenean hasi zen epaiketa Bilbon. Agenteek azaldu dutenez, akusatuak hasieran esan zien bi lagun tailerrera sartu eta kolpatu zutela, eta ondoren bertan su piztu. Uneoro, baina, "hotz" eutsi zion kontaketari, agenteei begietara begiratu gabe. Jipoia jasan duen pertsona baten jarrerarekin ‘’bat egiten ez duen’’ jarrera da hau, ikertzaileen arabera. Gainera, ez zuen behin ere familiagatik galdetu, nabarmendu dute.
Ikertzaileetako baten hitzetan, "hasieratik" susmatu zuten akusatuaren deklarazioak "ez zuela inolako sostengurik". Bai etxean eta baita lantegian ere dena "oso zakarra" zen. "Eszenatoki moduko bat prestatu zuen", gaineratu du.
Bestalde, agenteek adierazi dute akusatua eskegita agertu zen modua kontua izanda, aukera zeukala igogailuaren botoiari sakatzeko, eta horrela sutea ekidin. Hala, baztertu egin dute akusatuak bere buruaz beste egin nahi izatea, eta uste dute "kalkulatuta atondu zuela eszena, kontuan izanda handik hamar minutura behargin bat iristekoa zela".
Halaber, ertzainek esan dute akusatuarekin izandako elkarrizketetan hark onartu egin omen ziela aurretik eskuak norberak nola lotu "trebatzen" aritu izana.
Laugarren jardunaldia
Lehen saioan, akusatuak berak onartu egin zuen hilketen "errudun" izatea, eta "kontrola galdu" zuela azaldu zuen. Bigarren saioan, berriz, 11 lekukok hartu zuten hitza, tartean biktimaren semeak.
Epaiketak ostiral honetan jarraituko du, bi biktimen autopsiak egin zituzten medikuen adierazpenekin.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.