Ciudad Linealeko ustezko pederastak uko egin dio deklaratzeari
Antonio Ortiz Ciudad Linealeko ustezko pederastak uko egin dio deklaratzeari, lau neskatxa bahitzea eta sexu-gehiegikeriak egitea leporatuta egiten ari dioten epaiketan. Alabaina, onartu egin du gertakariak eta bere kontra eskatu dituzten kartzela-zigorrak ezagutzen dituela.
"Ez dut deklaratuko" esan du, Maria Luisa Aparicio Madrilgo Probintzia Auzitegiko Zazpigarren Sekzioko presidenteak Fiskaltzaren edota aldeetako baten galderei erantzungo ote dien galdetu dionean. Bere defentsaren galderei ere ez die erantzungo.
Halere, Aretoko presidenteak gertakariak eta 126 urterainoko zigor eskaerak ezagutzen ote dituen galdetu dionean erantzun egin du: "Bai, ezagutzen ditut, anderea".
Hala, Ciudad Linealeko ustezko pederastaren aurkako epaiketa hasi da dagoeneko gaur, asteartea, Madrilgo Probintzia Auzitegian, lau neskatori sexu-gehiegikeriak egiteagatik, 2014 eta 2014an. Garai horretan 'etsai publiko' nagusia bihurtu zen.
Zazpigarren Sekzioan -Madrid Arenaren auzia epaitu zuen- egitekoa da epaiketa. Antonio Ortizek behin behineko espetxealdian jarraitzen du, 2014ko irailean Santanderren atxilotu zuten egunetik. Poliziak egindako presioagatik ihes egin zuen Santanderrera, senide batzuen etxera.
Ortiz atxilotu zuten unean. Argazkia: EFE
Gehiegikeriak 2013ko iraila eta 2014ko abuztua bitartean egin zituen ustez eta, horregatik, 126 urterainoko kartzela-zigorra eta 426.300 eurorainoko isuna jaso litzake, halere, gehienez 25 urte beteko ditu.
Fiskaltzak hiru sexu-abusu, bortxaketa bat, lau legez kanpoko atxikitze delitu eta kalteak eragitea egotzi dizkio eta, horiengatik, 77 urteko zigorra eskatu du. Gainera, 40 urteko zaintzapeko askatasuna izatea eta 426.300 euroko kalte ordaina ordaintzea eskatu du. Horiez gain, akusazio partikularrek hainbat urteko zigorrak ere eskatu dituzte.
Bestalde, ez dute espero Ortizen abokatuak deklaratuko duenik, baizik eta absoluzioa eskatuko du errugabe dela eta horren frogak daudela argudiatuta. Edonola ere, hori baino lehen, epaiketa bertan behera uztea eskatuko du, ezagutze-erronda eta miaketak ez baitziren legearen arabera egin, bere ustean.
Epaiketa abenduaren 15era arte luzatuko da. Bitartean, instrukzio epean grabatutako umeen deklarazioen bideoak ikustaraziko dituzte eta ehun lekukok baino gehiagok parte hartuko dute.
Lehen erasoa 2013ko irailaren 24an izan zen. Egun horretan, Ortizek bost urteko neskato bati eraso zion; hurrengo gehiegikeria 2014ko apirilaren 10ean gertatu zen, orduan, bederatzi urteko neskatoa izan zen biktima, litxarreria-denda batetik atera zenean, bi lagunekin zegoela.
Handik bi hilabetera, ekainaren 17an, sei urteko neskato bat engainatu, autoan sartu eta leku ezezagun batera eraman zuen.
Beste bi hilabete igaro zirenean, abuztuaren 22an, zazpi urteko neskatxari eraso egin zion, nebarengandik banandu eta gero, parke batetik gertu.
>
Albiste gehiago gizartea
Giro nahasiarekin jarraituko dugu, eta abisu horian egongo dira Araban eta Nafarroan
Euri-zaparrada trumoitsuak espero dira arratsaldean, eta txingorra botatzeko arriskua ere badago. Dena den, badirudi ez direla bart bezain gogorrak izango.
Ikusi berriz uztailaren 12ko entzierroa
Entzierro azkarra, korrikaldi ikusgarriekin, eta tentsio uneak zezen plazan
Jose Escolar Avilako ganadutegiko zezenek aurtengo sanferminetako entzierro azkarrenetakoa korritu dute, garbia, korrikaldi ikusgarriekin, baina amaieran nahasi dena, zezen-plazan. Izan ere, zezenetako bat atzean geratu da bertan, eta korrikalariei oldartu bazaie ere, ez du minik egin, baina entzierroa bi minutu eta 40 segundora arte luzatu du. Jendetza elkartu da ibilbidean, larunbatetan izan ohi den legez, eta entzierroa bi minutu atzeratu da Santo Domingoko balkoi baten zati bat erori delako. Gizon bati erori zaio gainera, eta sorbaldan zauritu du. Gauean botatako euriak ez du Jose Escolarren animalien lasterketa mantsotu, eta ibilbidea irrist egin gabe osatu dute, erritmo konstantean, korrikalariei adar artean lasterraldi ederrak egiten utziz. Hirugarren urtea da jarraian ganadutegi honetako zezenek ez dutela adarkaturik uzten. Lehenengo balantzearen arabera, lau pertsona eraman dituzte kolpeengatik ospitalera, eta beste bat zezen-plazan bertan artatu dute.
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.
Ertzaintzak gizon bat atxilotu du Orioko haur-patio batetik gertu, exhibizionismoa egotzita
Asteartean gertatu zen, uztailaren 8an, 16:00ak aldera, gizonezkoa adingabe batzuk zeuden esparrura sartzeko hesiaren ondoan zegoela.