'Game Of Thrones' Barrikan da jada, misterioan murgilduta
Barrikako Muriola hondartzan abiatuko du 'Game Of Thrones' telesail ezagunak Euskal Herriko kostaldean zehar egingo duen grabaketen ibilbidea.
Hala, ekoiztetxeak jada dozenaka lagunez osatutako ekipoa bidali du bertara. ''Ez dute grabaketaren inguruan ezer baieztatu, ezta zenbat egunetan izango diren bertan ere. Baina litekeena da bi egun inguru izatea'', esan zuen asteartean Roberto Muñoz Barrikako alkateak.
Muñozek uste du gaur bertan hasi daitekeela grabaketa.
Zehazki, 50 bat kamioi elkartu dira inguruetan, eta makillaje set-ak eta kamerinoak jarri dituzte bertan jada. Aktoreak astelehenean iritsi ziren Bilbora eta, EiTBk jakin ahal izan duenez, Carlton hotelean hartu dute ostatu. Han ikusi ahal izan dute, besteak beste, Peter Dinklage aktorea (Tyrion Lannister telesailean).
Hurrengo agertokia: Gaztelugatx
Fresco Films etxeak erabateko hermetismoari eusten dio grabaketen inguruko xehetasunei dagokienez, tartean datak, ordutegiak eta tokiak. Edonola ere, jakin badakigu Barrikaren ostean Gaztelugatxera joko dutela, eta handik Zumaiara.
Oraingoz, Bakioko Udalak bakarrik baieztatu du Gaztelugatxeko grabaketa ostegunetik larunbatera bitartean egingo dutela. Bakioko Benta aparkalekuan karabanak jarriko dituzte, eta hor egongo dira makillajerako set-ak, jantzitokiak, kamerinoak eta bulegoak, Udalak berak jakitera eman duenez. Kanpamentua aparkalekuaren behealdean egongo da, eta tokia heziz inguratuko dute, "pribatutasunari" eusteko, Udalak gaineratu duenez.
Ostegunean hasiko dira entseguak eta grabaketak zuzendariekin, eta aktoreekin eta, ondorioz, Urizarretatik Gaztelugatxera doan oinezkoa bidea itxi egingo dute. Halaber, gune turistiko ezagun horretara heltzeko sarbide guztiak moztuta egongo dira, Udalak adierazi duenez.
Estrak
Oraingoz, telesailak 200 gizonezko hautatu ditu euskal kostaldean egingo dituzten grabaketatan estra moduan aritzeko. Zumaian eta Bermeon hainbat lagun bildu ziren, figurante, zaintzaile edo peoi gisa aritzeko asmoz.
Albiste gehiago gizartea
Hiru pertsona hil dira dagoeneko Espainiako suteetan
10.000 pertsona etxetik atera behar izan dira Estatuan suteengatik; Zamora, Leon eta Ourense kiskaltzen ari dira. 30 bat sute aktibo daude, horietatik 14 larriak, eta zortzi autonomia erkidego alertan daude sugarrengatik.
Eneko Goiak jaien lehen egunen "balantze positiboa" egin du eta Aste Nagusiaz gozatzen jarraitzeko deia egin die herritarrei eta bisitariei
Donostiako alkateak azpimarratu duenez, ez da "gertakari aipagarririk" izan, eta hori "albiste ona" dela uste du. Aste nagusia alaitasunez, giro onean eta umorez gozatzen jarraitzeko deia egin du Eneko Goiak.
Nafarroak 11 tularemia kasu baieztatu ditu aurten, eta horietako zazpik ospitaleratzea behar izan dute
2024an, bi kasu diagnostikatu ziren. Ultzama, Larraun eta Iza ibarretan izan dira kasu gehien. Lau kasutan gaixoek karraskarien gorpuak ukitu zituzten, eta beste lautan, berriki izan zuten kaparren ziztada. 2025ean 60 kasu baino gehiago baieztatu dira Espainiako Estatuan.
Bilboko Udalak eta konpartsek eraso matxisten, arrazisten eta LGTBIQfobikoen aurkako kanpaina aurkeztu dute Aste Nagusirako
Bilboko alkate Juan Mari Aburtok erakundeen eta herritarren "konpromisoa eta erantzukizun partekatua" eskatu ditu, eraso matxista, arrazista eta LGTBIQfobikorik gabeko Aste Nagusia bizitzeko.
Arrisku handiko baso-sute askok kontrolik gabe jarraitzen dute Espainian
Dozenaka baso-sutek Espainiako hainbat puntu astintzen jarraitzen dute, eta dagoeneko milaka hektarea kiskali dituzte. Suhiltzaileak sute-egun berri bati aurre egiten ari dira asteazken honetan, eta foku nagusiak Ourensen, Leonen eta Zamoran daude.
Bost pertsona espetxeratu dituzte Donostian pertsona bat jipoitzeagatik, hura lapurtzeko
Gertaera igandean izan zen, 7:30ean, Egiako pasabidean, Gipuzkoako hiriburuko autobus geltokiaren inguruan, bost pertsonak beste bati eraso egin zietenean, lapurtzeko. Epaileak bostak espetxeratzeko agindu du eman du.
Irungo Udalak martxan du Itzulera Operazioa, hirian ibilgailuen trafikoa arinduko duena
Joan den ostegunean jarri zuen martxan ekintza plana Udalak. Helburu nagusia da Irunera iritsi nahi duten tokiko ibilgailuei sarbidea lehenestea.
Arabako Foru Aldundiak Gorbeiako jarduerak murriztuko ditu oreinen orroaldi garaian, irailaren 8tik urriaren 10era
Debekatuta egongo da ibilgailuen trafiko osoa, zuraren, egurraren, larreen, luberritzeen edo baimendutako ikerketa zientifikoen aprobetxamenduekin lotutako berariazko baimena duten kasuetan izan ezik.
Espainian kiskaltzen ari diren suteen ondorioz milaka lagun etxetik aterarazi dituzte
Azken orduetan 7.000 lagun baino gehiagok gaua etxetik kanpo pasa dute. Leon eta Ourense probintziek 19 zauritu zenbatu dituzte. Gutxienez zazpi pertsona zauritu dira Leongo eta Zamorako suteen ondorioz; horietatik lau egoera kritikoan daude, eta beste hiru larri.
Baso-suteen erdia baino gehiago nahita eragindakoak izaten dira
Azken orduetan hainbat pertsona atxilotu dituzte baso-sute ezberdinen erantzule gisa, Avilako suhiltzaile bat, kasu, 2.200 hektarea baino gehiago erre baitzituen, antza, lana lortu asmoz.