Pitxiek jarritako salaketa artxibatu du epaileak
Pitxien familiako kide batek Abetxukuko Uribe Nogales auzokide elkarteko arduradunaren eta auzo horretako parrokoaren kontra jarritako salaketa behin-behinean artxibatu du Gasteizko epaitegi batek. Salaketa horren bitartez, bere familiako kideek mehatxuak eta indarkeria jasaten dutela salatu zuen.
Arabako SOS Arrazakeriak ohar baten bidez jakinarazi duenez, Pitxien familiako kideak jarritako salaketa behin-behinean artxibatu du Gasteizko 3. Instrukzio Epaitegiak. Azkenaldian, familia gatazkatsu horrek okupatutako etxearen aurrean manifestazio eta protesta ugari egin dituzte auzo horretako bizilagunek, eta legea bete dezatela eskatu diete agintariei.
Duela hilabete batzuk, Bilboko Ollerieta auzoan okupatutako etxetik alde egin zuten Pitxiek, baina Gasteizera joan ziren eta Abetxuku auzoan etxe bat okupatu zuten. Egoera horren aurrean, “legea bete arte” protesta egiten jarraituko dutela berretsi dute auzokideek.
Orain, Pitxiek jarritako salaketa artxibatu du epaitegiak, ustez, auzokideek manifestazioetan oihukatutako “kanpora” edota “akabatu” bezalako adierazpenak ez dituztelako pertsona jakin baten kontra zuzentzen. Ondorioz, epaileak ez du gorroto deliturik epaituko.
Bestalde, jazarpen-salaketari dagokionez, 2014ko urtarrilean Madrilgo Lurralde Auzitegiak eskratxeei buruz eman zuen epaia gogora ekarri du Gasteizko epaitegiak. Zehazki, protesta egiteko modu bat dela eta horrek herritarren aniztasun politikoa erakusten duela esan zuen Madrilgo Lurralde Auzitegiak.
Gasteizko 3. Instrukzio Epaitegiak hartutako erabakiaren aurrean, helegitea jarriko duela iragarri du Arabako SOS Arrazakeriak.
Halaber, Gasteizko Udalak Pitxiak erroldatzeko eskaera aztertzen duen bitartean, familia horrek sei urteko neskatoa eskolatzeko eskaera egin duela gaineratu du Arabako SOS Arrazakeriak.
Zure interesekoa izan daiteke
Gizon bat atxilotu dute Basaurin, bikotekidea hiltzeagatik
Biktimak, 44 urteko emakume batek, ondoeza izan zuen eta, ondorioz, hil egin zen. Auzitegiko medikuek egindako azterketen arabera, indarkeriazko heriotzaren zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.