Euri denboraleak bi hildako eta uholde handiak utzi ditu Malagan
Andaluzia astindu duen euri eta haize denboraleak bi hildako eragin ditu; Esteponako emakume bat eta La Linea de la Concepcion hiriko gizon bat. Era berean, urak errepideak, kaleak eta eraikinak hartu ditu, eta, hortaz, pertsona askok behar izan dute larrialdi zerbitzuen laguntza.
Euriteek probintziaren mendebaldea zigortu dute gehien. Aemeten esanetan, metro koadroko 215,8 litro ur bota ditu Esteponan, 206,2 Marbellan, 182,6 Manilvan, 164 Benahavisen eta 135,6 Coinen, Efek egiaztatutako datuek diotenez.
26 urteko emakume baten hilotza berreskuratu dute suhiltzaileek Esteponako prostituta-klub batean. Lehen zantzuen arabera, itota hil da, urez betetako gune batean baitzegoen.
Biktimaren lagun batek Eferi azaldu dio hildakoak telefonoz abisatu ziola, ura lokalean sartu zenean, eta, hori dela eta, berak (lagunak) barra gainean igotzea ohartarazi ziola.
Gainera, beste gizon bat hil da bart La Linea de la Concepcionen (Cadiz), gidatzen ari zen autoa urak eramanda.
Orotara, Andaluziako 112 Larrialdiak Kudeatzeko Zentroak 1.117 abisu jaso ditu azken egunotan; horietatik, 805 Malagatik eta 218 Cadiztik.
Gobernuak laguntzak emango ditu
Gobernuak ostiralean laguntzak onartuko ditu Ministroen Kontseiluan, Malagan eta Cadizen denboraleagatik kalteak izan dituzten lekuentzat. Dagoeneko hasi dituzte garbiketa lanak, baita kalteen kalkuluak egiten ere, Susana Diaz Andaluziako presidenteak iragarri duenez.
Euri denboralearen ondorioz, larunbatetik metro karratuko 300 litro baino gehiago izan dira zenbait lekutan.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.