Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Bilboko Plaza Biribilean egin dute protesta, polizia-oldarraldia izan zen lekutik gertu. Argazkia: Europa Press
Mbolo Moye Doole eta Manteroekin bat! plataformek deituta, dozenaka herritarrek elkarretaratzea egin dute gaur Bilbon, Poliziak ostegunean Kale Nagusian manteroen kontra egin zuen "esku-hartze bortitza" salatzeko. Bertaratutakoen esanetan, "hilero" gertatzen dira halakoak, eta "baliabide ekonomiko eta teknikoak" eskatu dituzte pertsona horiek erregularizatzeko.
Elkarretaratzea Bilboko Plaza Biribilean egin dute, 13:00etan hasita, "Pertsona manteroen aurkako jazarpen gehiagorik ez! Bizirautea ez da delitua" lelopean.
"Inor ez da ilegala" aldarrikatu eta manteroen aldeko oihuak egin dituzte bertan. Ondoren, bi plataformetako ordezkariek oharra irakurri dute gertatutakoa gogora ekarri eta jazarpena bukatzea eskatzeko.
"Ostegunean, 18:00ak aldera, Ertzaintzaren 10 ibilgailu inguru agertu ziren Kale Nagusian, eta, minutu batzuk geroago, Udaltzaingoaren brigada bat azaldu zen, ezkutuak eta borrak eskuetan eta txakur-unitateak lagun zituela. Bi polizia indarrek Kale Nagusiko zati hori blokeatu zuten, eta esku-hartze bortitza egin zuten merkantziak jasotzen saiatzen ari ziren lankideen kontra. Agenteek lesioak egin zizkieten bi kideri besoetan eta hanketan, eta kalez jantzitako ertzain bati ere eraso zioten, esku-hartzearen kontra azaldu zelako", esan dute bertan.
Horien arabera, ostegunean gertatutakoa "ez da kontu isolatua", eta "indarkeria instituzionaltzat" jo daiteke; gainera, "hilero" izaten dira horrelako esku-hartze neurrigabeak. "Manteroei salgaiak kendu, gauza pertsonalak (mugikorrak, giltzak, dirua...) konfiskatu eta tratu txarrak ematen dizkiete. Gure kideek duten zaurgarritasun egoeraren aurrean, gehiegikeriaz jokatzen dute", kritikatu dute.
Poliziaren esku-hartze horiek dauden artean publikoki salatzen jarraituko dutela jakinarazi dute plataformek, eta "polizia-dispositibo neurrigabe horiek egiteko dagoen diru publikoa pertsona horiek erregularizatzeko erabiltzea" eskatu dute.
Zure interesekoa izan daiteke
Zuzenean: Abordatze Pirata
Donostiako Piraten esku izaten da hiriaren abordaia, Gipuzkoako hiriburuko kaitik irten eta Kontxako hondartzan lehorreratuz. Ekitaldiaren emanaldia 16:25ean hasiko da.
Zuzenean: Artillerok hasiera emango dio 2026ko Donostiako Aste Nagusiari
Kanoikadak Donostiako Aste Nagusiari hasiera emango dio. "Artillero 2026", zuzenean 18:00etatik aurrera.
Trumpek presioa egin dio Irani; Teheran eta Oman, ordea, Ormuzko itsasartea irekitzeko negoziatzen ari dira
Iranek ziurtatu duenez, Omanekin itsas pasabide estrategikoan nabigazio mekanismo berri bat ezartzeko elkarrizketak modu positiboan ari dira aurrera egiten. AEBk berriro irekitzea eskatu du, eta Donald Trumpek mehatxu egin du akordorik lortu ezean Teheranen aurka eraso egingo duela.
Bi ibilgailuren arteko talkak auto-ilarak sortu ditu Galdakaon AP-8 autobidean, Donostiarako noranzkoan
Ibilgailuetako bat errepidetik atera da, eta bestea bidean iraulita geratu da. Istripuaren ondorioz, bi errei itxita egon dira.
Donostiako hiru hondartzetan bainatzea debekatu dute, karabela portugesak agertu direlako
Donostiako hiru hondartzetan bainatzea debekatu dute, eta Getarian eta Zarautzen ere ale handiak iritsi direla ohartarazi dute. Saturraranen, Mutrikun, bainuzale bat anbulantizan eraman dute, karabela portugesek ziztatu egin dutelako.
Gasteizko jaietako egun handia heldu da, eta programazioaren zati handi bat kolokan dago, greba dela eta
Blusen eta nesken koadrilek Andre Maria Zuriari egindako lore eskaintza eta aurreskua izango dira asteazken honetan Gasteizko jaietako egun nagusiko ekitaldi nagusiak. Ikuskizunetako teknikarien grebak La pasión infinita lanaren funtzioa bertan behera uztera behartu du dagoeneko, eta programaren beste ekitaldi batzuk zalantzan mantentzen ditu.
69 urteko motozale bat hil da Gaubean, auto baten aurka talka eginda
Istripuaren ondoren, Txagorritxuko Ospitalera eraman dute zauri larriekin, eta han hil da ordu batzuk geroago.
Martxoaren 3ko sarraskia gogoan, Zeledonek hasiera eman die Ama Zuriaren jaiei
Baskoniaren ordezkariek suziria piztu eta Zeledon jaitsita, festa lehertu da Gasteizen, Andra Maria Zuriaren plaza gainezka zegoela.
Gizon bat hil da Lizarran, balkoi batetik erorita, Poliziarengandik ihesi zihoala, genero-indarkeria kasu baten ostean
Ikerketaren arabera, hildakoa laugarren solairutik erori da balkoi batetik bestera igarotzen saiatzen ari zela, agenteak Santiago plazako etxebizitza batera iritsi direnean. Bertan, emakume batek eraso baten berri eman du. Auzia sekretupean dagoenez, ez dute emakumearen egoeraz informatu.
Uharteko parrokoak "Rabat bonbardatzea" eta migratzaileei suarekin erantzutea proposatu du
Javier Aizpun apaizak hainbat mezu argitaratu ditu X sare sozialean Ceutako migrazio krisiaren inguruan, eta Marokoren eta migratzaileen aurkako muturreko neurri gogorrak proposatu ditu.