AROZTEGIA AUZIA
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Diru bilketa abiatu dute Aroztegia auzian zigortutako zazpi kideei jarritako isunei aurre egiteko

Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Aroztegiko obren kontrako eserialdia.

Aroztegiko lanen kontra protesta ekintza egin zutenekoa. Argazkia: Eguzki

EITB

Azken eguneratzea

Aroztegiko Elkartasun Komiteak dirua biltzeko kanpaina abiatu du Lekarozko (Baztan) luxuzko hotelaren kontrako protestengatik zigortutako zazpi baztandarrei jarritako isunei aurre egiteko. Guztira, 70.000 euro bildu nahi dituzte, eta kontu korrontea zabaldu dute lagundu ahal izateko. 

Duela lau hilabete epaitu eta zigortu zituzten Aroztegia auziko zazpi auzipetuak. Talde kriminaleko kide izatea egotzi zieten arren, delitu horretatik absolbitu egin zituzten, eta, hortaz, ez zieten kartzela zigorrik ezarri. Nolanahi ere, 62.000 euroko isuna ezarri zien Iruñeko Zigor Arloko 3. Epaitegiak.

Isunok ordaintzeko zein defentsa gastuei aurre egiteko dirua bilduko du orain Aroztegiko Elkartasun Komiteak, guztira 70.000 euro behar baitituzte. 

Palacio de Arozteguia enpresak helegitea aurkeztu zuen epaiaren kontra, baina epaileak atzera bota zuen. Komiteak uste du akusazioa bide judiziala luzatu nahian ari dela, helegite gehiago aurkeztu baititu. Dena den, ez du uste zigor ekonomikoa arinduko dietenik.

Baztan Epaiketak Ingurumena Nafarroa Gizartea

Zure interesekoa izan daiteke

Gehiago ikusi
Publizitatea
X