Mendizabalen aurkako beste salaketa bat baieztatu du Munillak
Jose Ignacio Munilla Donostiako gotzainak baieztatu du beste salaketa bat jaso dutela Juan Kruz Mendizabal Gipuzkoako bikario ohiaren aurka, 1994an sexu-abusuak egitea egotzita. Haren aurkako hirugarren salaketa da, eta baliteke laugarren kasu bat ere egotea.
Munillak prentsaurrekoan azaldu duenez, biktimak justizia arruntera jotzeko asmoa du.
Elizak kondenatu egin zuen uztailean, 2001 eta 2005 urteen artean bi adingaberi sexu abusuak egin zizkiela jakin ostean.
Mendizabal Donostiako Elizbarrutiko bikario nagusi izendatu zuten 2013an, eta iazko apirilean kargugabetu zuten, salaketaren berri izan ondoren.
Munillak azaldu duenez, eliza-prozesu horretan Mendizabalek aitortu egin zuen errudun dela, eta “ministerioarekin jarraitzeko eta terapia psikologikoa eta espirituala jasotzeko” kondena ezarri zioten.
Nolanahi ere, hirugarren kasu honen berri izan ondoren, Gotzaintzak dekretu bat onartu du gaur, apaizari lau “prebentzio neurri” inposatzeko. Hauek dira, hain zuzen ere: “apaiz ministerioarekin jarraitzea debekatzea”, monasterio batean giltzapetzea (gotzainaren baimenarekin baino ezingo da irten), terapia psikologikoarekin eta espiritualarekin jarraitzea eta adingabeekin egotea debekatzea, beste heldu batekin batera ez badago.
Gotzainak zehaztu duenez, gaur goizean Juan Calparsoro EAEko fiskalburuarekin hitz egin du, biktimak auzitara jo nahi duelako.
Baliteke laugarren kasu bat egitea
Bestalde, Munillak baieztatu du Eliza laugarren kasu bat ote dagoen aztertzen ari dela.
Kasu horren inguruan, gotzainak esan du ezin izan duela balizko biktimaren testigantza jaso, baina Fiskaltzarekin kontaktuan dagoela.
Salaketa jartzeko deia egin du
Munillak sexu abusuak salatzeko deia egin die balizko biktimei, eta Mendizabal auzia hori egiteko "aukera paregabea" izan daitekeela adierazi du.
Gotzainak "gaitzespen irmoa" agertu du sexu abusuen aurrean, bereziki apaiz batek egin baditu.
"Elizaren izenean barkamena eskatu nahi diet biktimei eta horien senideei", nabarmendu du.
Albiste gehiago gizartea
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
Gizon bat atxilotu dute Almerian, emaztea labankadaz hil ostean
63 urteko emakumea hilik aurkitu dute haren etxebizitzan, arma zuriz eragindako zauriekin. Ustezko hiltzailea erietxean atxilotu dute, bere buruaz beste egiten saiatu ostean, ospitaleratuta dagoelako.
Ortzadarrak nagusi dira jada Euskal Herriko kaleetan LGTBI Harrotasunaren egunean
Egun osoan zehar martxak eta ekitaldi ugari izango dira hiriburu eta herri askotan, LGTBI pertsonen eskubideak aldarrikatzeko. Bilbon, martxa nagusia 12:00etan abiatu da Casillatik. Gasteizen, Donostian eta Iruñean arratsaldean izango dira manifestazioak.
Elkarretaratzea egin dute Hernanin, jaietan izandako eraso arrazisten aurka protesta egiteko
Astearte goizaldeko eraso ugariez gain, asteazkenean beste eraso bat izan zen, eta, Txozna Batzordeak salatu duenez, ez dira Hernanira soilik mugatu. "Ultraeskuinaren gorakadaren" ondorioa direla uste dute, eta "ez dira gertakari isolatuak" izan.
Adierazi gabeko alergenoak dituzten Bingqi Foods markako galletak Hego Euskal Herrian saltzen ari direla ohartarazi dute
Esnea, soja edo sulfitoak dituzte. Espainiako Elikagaien Segurtasunerako eta Nutrizio Agentziak (Aesan) alergia edo intolerantzia duten pertsonei gomendatu die ez kontsumitzeko. Produktu horiek kontsumitzeak ez du arriskurik gainerako herritarrentzat.
Ehgam-ek transfobian jarri du arreta aurten bere sariak banatzeko ekitaldian
Ehgam Euskal Herriko Sexu Askapenerako Mugimenduak Loratuz Lotu, Lumagorri, Anitzak eta SuminTrans kolektiboei eman die Urrezko Hirukia saria, Gurutzetako Ospitalearen Genero Identitatearen Unitateak pertsona transak artatzeko erabiltzen duen modua salatzen egindako lanagatik. Bestetik, feminista "transbaztertzaileek" Bilbon egin zituzten jardunaldiei eman diete Larruzko Espartina "antisaria", haur eta nerabe transak jomugan jartzeagatik.
Metro Bilbaok uztailaren 1ean jarriko du martxan udako ordutegia, maiztasunak egokituta
Ostiral eta larunbat gauetako zirkulazioa zerbitzu bereziekin osatuko dute, horren ibilbidean dauden udalerrietako jaiez eta kultura-ekitaldiez gozatu ostean etxera itzuli ahal izateko.
Motor-gidari bat hil da trafiko-istripuan Errezilen
Ezbeharra 17:45 inguruan gertatu da, Errezilen, GI-2634 errepidetik zihoan motozikleta bat bidetik atera denean. Gidaria, gizonezkoa, istripua izan den tokian bertan hil da.
"Profil etnikoaren araberako kontrolak egiteari" uztea eskatu diete Ertzaintzari eta udaltzaingoei
SOS Arrazakeriak gogorarazi du Giza Eskubideen Europako Auzitegiak Frantzia zigortu berri duela "kontrol arrazistak egiteagatik".
46 urteko barañaindar bat hil da Puiun, auto batek eta kamioi batek aurrez aurre talka eginda
58 urteko kamioilaria, berriz, onik atera da. Kamioia errepidetik atera eta irauli egin da.