Sara Majarenas presoak alaba ikusi ahal izan du erietxean
Sara Majarenas presoaren alabak larri jarraitzen du Valentziako La Fe erietxean, aitak labanaz eraso ostean. Hain justu, amak haurrarekin egoteko aukera izan zuen atzo arratsaldean, Urtzi Errazkin Etxerateko bozeramaileak Euskadi Irratiari jakinarazi dionez.
Errazkinen hitzetan, Majarenasen abokatuak ahalik eta bisita gehien lortzeko lanean ari dira orain.
Umea Picassenteko kartzelan bizi zen amarekin (hiru urte bete arte, horretarako eskubidea du), baina asteburuan aitarekin egon da, hitzartutako baimen batean. Gizonak Poliziari igandean aitortu zionez, labankadaz sabelean eta bizkarrean zauritu zuen umea. Sastaden eraginez, birika bat zulatuta du neskatoak.
Bi urte eta erdiko haurra erietxeko zainketa intentsiboetako unitatean dago, "oso larri baina nahiko egonkor". Lehen 72 orduak erabakigarriak dira, eta, Errazkinen esanetan, "aurrera egiten duen ordu bakoitza" seinale ona da.
Majarenasen bikotekide ohiak gaur deklaratuko du Carlet herriko 1. zenbakiko epaitegian. Atxilotu zutenetik Guardia Zibilaren kalabozoetan egon da. Gizonak deklaratu baino lehen, Majarenasen ama eta etxebizitzan zegoen beste gizon bat galdekatuko ditu epaileak. Nonbait, erasoa gertatu zen unean lo zegoen gizona, eta ez zen ezertaz ohartu.
Sara Majarenas donostiarrak 12 urte daramatza preso, ETAko kidea izatea egotzita. Zigorra oso-osorik beteta, 2018an egon beharko luke aske. Dagoeneko kondenaren hiru laurdenak bete ditu, beraz. Horren ildoan, eta umearen ongizatea bermatze aldera, Majarenas libre uzteko eskatu du gaur Marian Beitialarrangoitia EH Bilduko diputatuak Radio Euskadin.
Donostiako Udalak deituta, indarkeria matxistaren kasu hau salatzeko elkarretaratzea egin dute eguerdian Alderdi Ederren. Arratsalderako (19:30) bilkura deitu du Boulevarden Euskal Herriko Mundu Martxak.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.