70 urte eta erdiko zigorra ezarri diote Ciudad Linealeko pederastari
Madrilgo Lurralde Auzitegiaren Zazpigarren Atalak 70 urte eta sei hilabeteko kartzela zigorra ezarri dio Antonio Angel Ortizi, Ciudad Lineal auzoko (Madril) pederasta gisa ezagutzen denari.
Epaimahaiak frogatutzat eman du, 2013ko irailetik 2014 abuztura bitarte, Ortizek sexu erasoa egin ziela 5, 6, 7 eta 9 urteko lau neskatori, gezurrak esanez berarekin joatea lortu ondoren. Hala, Zazpigarren Atalaren arabera, sexu erasotzailea bi sexu erasoren erantzulea da, eta legearen aurkako bi atxiloketa delitu, bi sexu eraso delitu, legearen aurkako bi atxiloketa delitu eta lesioen delitu baten pilaketa mediala izan dela jaso dute epaian. Epaimahaiak frogatutzat eman du
Halaber, umeetako bat hiltzen saiatzearen delituagatik absolbitu du, baita leporatutako beste bi lesio-faltagatik ere.
Neskatoen gorputzean Ortizen DNA topatu zuten arren, honek errugabea dela defendatu du beti. Epaiketan esan zuenez, "benetan sentitzen dut neska horiei gertatu zaiena. Izugarria da, basakeria bat, eta batez ere TP4ren kasua, lotsagarria da. Familiengatik sentitzen dut, baina nik ez dut horrekin zerikusirik. Errugabea naiz, epaile jauna".
Ortizek bi urte eta bost hilabete daramatza preso, eta gehienez, beste 17 urte eta zazpi hilabete (guztira, 20 urte) eman beharko ditu giltzapean. Epaia ez da irmoa, eta kasazio helegitea aurkez daiteke Auzitegi Gorenean.
Kartzelatik irtenda, beste 10 urteko eman beharko ditu zaintzapeko askatasunean. Horrez gain, lau biktimei 426.000 euro ordaindu beharko dizkie kalte-ordain gisa. Urruntze agindua eta biktimekin harremanetan jartzeko debekua ere izango ditu indarrean (kilometro batekoa) 23 urtez eta 24 urte eta sei hilabeteko epean, hurrenez hurren.
Albiste gehiago gizartea
"Hemen ez dago duintasunik eta laguntza behar dugu"
50 migratzailek asteak daramatzate Donostiako Amara auzoan kale gorrian lo egiten, asilo-eskaeraren erantzunaren zain. Gehienak Malitik iritsi dira gurera, bertako gerratik ihesi eta Frantziak kanporatu ostean.
Vuelingek bertan behera utzi ditu Bilboko aireportuan lur hartu behar zuten bost hegaldi
Bost hegazkin horiek Bilbotik egin behar zituzten irteerak ere bertan behera geratu dira.
Polemika Arrigorriagan, Udalak Vulkano orkestra jaietako programatik kanpoan utzi ondoren, "taldeko emakumeak hipersexualizatzeagatik"
Vulkano orkestrak zazpi aldiz jo du Arrigorriagan, baina aurten ez du joko Udalaren ustekabeko erabakiaren ondoren. Orkestrak, ohar baten bidez, adierazi du taldeko emakumeek libreki aukeratzen dituztela jantziak. Erabakiak polemika handia eragin du herritarren artean.
Arabako Foru Aldundiak 11.000 euroko isuna jarri dio aita bati Gasteizen arbitro bati eta entrenatzaile bati eraso egiten saiatzeagatik
Foru erakundeak halako zehazpen-proposamena abiatzen duen bigarren aldia da, eta, ziurtatu duenez, "irmo" jokatuko du aurrerantzean ere, "gertakariak garrantzitsuak eta larriak direlako".
Bertan behera utzi dute haur, gazte eta familientzako egitaraua Iruñean, baina gaueko kontzertuei eta su artifizialei eutsiko diete
Bertan behera geratu dira Menudas Fiestas, Birjolastu Juego Rejuego, Kirolari Sport Kids eta Foru plazako Gazte Eremuko programazioa. Hiriko auzoetan egitekoak ziren jarduerak ere bertan behera geratu dira, baita Ardantzeta Dantza Taldearen emanaldia ere.
50 gazte migratzaile inguru Amarako kaleetan lo egiten ari dira, asilo-eskaeraren erantzunaren zain dauden bitartean
Frantziako agintariek kanporatu egin dituzte, asiloa Espainiako Estatuan eskatu behar dutela argudiatuta; hori dela eta, Donostiako Udalak izapideak azkartzeko eskatu dio Espainiako Gobernuari.
Ertzaintzak gizon bat atxilotu du Orioko haur-patio batetik gertu, exhibizionismoa egotzita
Asteartean gertatu zen, uztailaren 8an, 16:00ak aldera, gizonezkoa adingabe batzuk zeuden esparrura sartzeko hesiaren ondoan zegoela.
Bi adingabe inputatu dituzte Corellan, AP-68 autobidera harriak jaurtitzeagatik
Gutxienez lau ibilgailuk kalte handiak jasan zituzten: kamioi batek eta hiru autok. Ekaineko azken egunetan egin zituzten erasoak, guztiak gauez.
Voloteak eskainiko ditu Forondatik Madril eta Bartzelonarako hegaldiak, azaroaren 1etik aurrera
Urtean 135 hegaldi eskaini beharko ditu Foronda Madrilekin eta Bartzelonarekin lotzeko.
Baionako jaietan Aturri ibaian desagertutako pertsona baten bila ari dira
02:45 aldera desagertu omen da, jai-eremutik kilometro batera. Suhiltzaileak eta bi urpekari bertaratu dira, eta droneak ere baliatu dituzte hura bilatzeko lanetan.