Bi lagun atxilotu dituzte Gordexolan lapurtutako bizikletekin lotuta
26 urteko bi gizonezko epailearen aurrera eraman dituzte, Gordexolako Bizkairoute enpresan izandako 12 bizikletaren lapurretarekin zerikusia dutelakoan. Lapurtutako hamabi bizikletetako bederatzi berreskuratu dituzte, Eusko Jaurlaritzako Segurtasun Sailak gaur jakinarazi duenez.
Otsailaren 19ko goizaldean, hainbat pertsonak gama altuko hamabi bizikleta lapurtu zituzten Gordexolako Bizkairoute enpresaren lokalean.
Lapurretaren egileek ate bat behartu zuten eta balio ekonomiko handiko hamabi bizikleta lapurtu zituzten, mendiko bizikletak zein errepidekoak. Horrez gain, bizikletetarako lau GPS aparatu ere eraman zituzten.
Ertzaintzak enpresa batzuetan lapurretak egiteagatik aurrekariak zituzten hainbat pertsona identifikatu zituen, guztiak inguru horretako industrialdeetan hauteman ondoren: Zallan, Balmasedan eta Gordexolan.
Egun batzuk geroago, agenteak susmagarrietako bi zihoazen ibilgailuaren atzetik joan ziren, Galdakaon, eta bi gizonezkoak pista batetik barrena pinudi batera iritsi zirela ikusi zuten. Ondoren, inguru horretan egindako miaketa batean, lapurtutako bizikletetako bederatzi aurkitu zituzten. Mendian ezkutatuta zeuden, sasi eta ote artean, baso-eremu itxi batean.
Bi pertsona horiek bizikleten lapurretekin lotura zutela egiaztatutakoan, bi susmagarriak atxilotu eta epailearen aurrera eraman zituzten. Horietako bat ikerketapean dago.
Ikerketa zabalik dago lapurretan nahasita egon daitezkeen gainerako pertsonak aurkitzeko eta atxilotzeko, eta lapurtutako gainerako materiala berreskuratzeko.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.