75 taldek babestu dute Zubietako erraustegiaren aurkako martxa
75 taldek bat egin dute datorren martxoaren 25ean, larunbata, Zubietako erraustegiaren aurka antolatu duten manifestazioaren alde. Antolatzaileek agerraldia egin dute gaur Anoetako estadioaren aurrean, eta ekimena ‘jendetsua’ izan dadin eskatu dute. Anoetatik abiatuko da martxa, "Alternatiba dagoelako, Errausketarik ez!” lemapean.
Hiritarrek diotena entzun dezaten eskatu diote Eusko Jaurlaritzari, erraustegiaren proiektua "gelditu" eta "hondakinak ondo kudeatzen hasteko". Era berean, erraustegiak "baduela alternatiba" azpimarratu dute. "Alternatiban funtzionatzen duela" berresteaz gain, gipuzkoarrak "erraustegirik gabe hondakinak kudeatzeko gai direla" azpimarratu dute.
"Gipuzkoa punta-puntako lurraldea izan daiteke hondakinak zentzuz eta modu jasangarrian kudeatzen. Dena den, eredu desegokia ere izan daiteke Gipuzkoa, lurralde kutsakorra eta morroia, baldin eta agintariei errausketaren aldeko apustua egiten uzten badiegu", salatu dute agiri batean.
Albiste gehiago gizartea
Pablo Ibarren senideak "itxaropentsu, baina zuhur", agertu baita Floridako krimenak nork egin zituen dakien lekukoa
Pablo Ibarren senideak "itxaropentsu, baina zuhur" daude, Floridako krimenen benetako egileak ezagutzen dituen lekuko bat agertu berritan.
Alarde zatitua beste urte batez Irunen, San Martzial egunarekin batera
7:40an atera da Alarde Tradizionala, eta 10:20ean hasi du ibilbidea Parekideak.
Gizon bat hil da Donostian, patinete batekin istripu larria izanda
55 urteko gizaseme bat hil da Altza auzoan, istripuz. Familiak salatu duenez, patinetearen kontrola galdu zuen txarto zegoen estolda batetik pasatzean, eta ingurua konpontzeko eskatu diote Udalari.
Beroak ez du etenik Euskal Herrian
Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.
Garbitzaile bat hil da bero-bolada betean, Bartzelonan
Bartzelonako Udalak baieztatu egin du gertakaria, baina oraindik ezin da ziurtatu beroak eragin izana heriotza.
Lekeitiok bere egun handia ospatu du gaur Kaxarranka dantza tradizionalarekin
Zortzi arrantzalek eutsitako kutxaren gainean aritu da Olatz Maruri dantzaria. Bigarrengoz, emakume bat, duela bi urte Ane bere ahizpak egin ostean.
Pertsona bat atxilotu dute Donostian hiru edukiontzi erretzea egotzita
28 urteko gizonezko bat atxilotu dute, kalte-delituak egotzita.
Adina ez da oztopo euskal dantzak ikasten hasteko
Errenteriako Beti Bizkor erretiratuen elkarteko emakumeek adinari eta gaixotasunei aurre egin diete eta euskal dantzak ikasten dabiltza Nekane irakaslearekin. Ariketa fisikoa egitearekin batera, burua ere arin mantentzea da helburua.
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.