Forondako aireportura iritsi da lehen hegaldi komertziala
Igande honetan hegaldi komertzialak itzuli dira Forondako aireportura. Ryanair-en eskutik, asteko loturak izango dira Bergamo-Milanekin eta Teneriferekin, Euskadi Irratiak jakitera eman duenez.
Gaurko txartel gehienak salduta daude. Orain hegaldi komertzialak indartzearekin batera, turisten etorreran jarri nahi du arreta Arabako Foru Aldundiak.
16:55ean Bergamotik iritsi da Forondako aireportuan etapa berria ireki duen Ryanairren lehenengo hegaldia. Irlandako konpainiak Bergamo-Milan eta hego Teneriferekin loturak estreinatu ditu 2017an.
Datorren urtean, Mallorca eta Bukarest gehituko zaizkie, eta, 2019an, Malaga. Ryanerren aurreikuspenen arabera, urtean 150.000 bidaiari pasako dira Forondako aireportutik.
Aireportua eta Gasteiz lotuko dituen autobus berriari dagokionez, tiketa doakoa izango da lehenengo hilabetean. Taxia hartzea erabakitzen dutenek 20 euroko tarifa laua ordaindu beharko dute, aireportura iristeko edo bertatik erdigunera joateko.
Loiutik Edinburgora, Tenerifera edota Casablancara joateko aukera
Bestetik, Loiuko aireportuak hiru hegaldi estreinatuko ditu honako toki hauetara: Edinburgora, Tenerifera eta Casablancara. Halere, bertan behera geratuko da udan Loiutik Palmara joaten zen hegaldia.
Gainera, Bizkaiko aireportuan Vueling eta Norwegian Airways operadoreek duten lehiaren ondorioz, astelehen honetatik aurrera 12 hegaldi aterako dira astegunetan Bartzelonarantz, eta beste 12 izango dira handik itzultzeko. Asteburuetan, aldiz, bederatzi; inoiz baino gehiago.
Albiste gehiago gizartea
Gizon bat atxilotu dute Bilbon emakume bat itotzen eta labankatzen saiatzeagatik
Eztabaidan ari zirela, gizona emakumea itotzen saiatu da, eta konorterik gabe utzi du. Ondoren, labana bat hartu du sastatzeko, baina pisukide batek eragotzi egin dio.
Dozenaka lagun bildu dira Iruñeko udaletxearen aurrean, "odolik gabeko" sanfermin batzuen aldeko protestan
Bi egun bakarrik falta dira sanferminetako lehen entzierrorako. Hori horrela, dozenaka pertsona bildu dira Iruñeko udaletxearen aurrean, entzierroen amaiera eskatzeko. Bertan, Anima Naturalis eta PETA taldeetako ordezkariek antzezpen artistikoa egin dute, 11:00etan. Kontzentrazio baketsua izan den arren, oinezko batek iraindu egin ditu bertan bildutakoak.
Sanferminetako izaera herrikoia sendotu nahi izan dutela dio Joseba Asiron Iruñeko alkateak
Sanferminak abiatuko dituen txupinazoaren bezperan, prestatu dituzten aurtengo "jai herrikoi, irisgarri eta inklusiboei" buruz mintzatu da Joseba Asiron Iruñeko alkatea. Tasa turistikoa eta zezenketen gainean ere argi hitz egin du.
Renfek 8.000 autobus baino gehiago programatuko ditu uztailaren 25etik irailaren 21era, Gipuzkoan, obrengatik
Konpainiak ohar batean adierazi duenez, lan horien ondorioz, uztailaren 25etik irailaren 21era bitartean eten egin behar da tren zerbitzua aldirietako zerbitzuaren tarte jakin batzuetan eta distantzia ertain eta luzeko ibilbideetan.
Behin-behineko espetxealdia 71 urteko gizon batentzat, neska adingabe bati sexu-erasoa egiteagatik
Uztailaren 1ean, adingabe batek Ertzaintzan jarritako salaketa baten ondorioz, jakin zen 2024. urtearen amaieratik salatzailea adineko gizon batekin sexu-harremanak izatera behartu zuela hirugarren batek, diru-truke.
Luizi handi batek Panticosako (Huesca) bainuetxera doan errepidea moztu du
A-2606 errepidea itxi duen luizi handia ostegunean gertatu zen, ekaitz gogor bat izan ondoren. 300 pertsona inguru geratu dira Panticosako bainuetxean harrapatuta. Langileak lanean ari dira errepidea asteburu honetan bertan ireki ahal izateko.
Arrasaten sute batean zauritutako gizona hil egin da
Sutea ostegunean jazo zen, etxebizitza-bloke bateko sotoetan. 41 urteko gizona Gurutzetako Ospitalean hil da.
Renfe programa más de 8000 circulaciones de autobuses del 25 de julio al 21 de septiembre en Gipuzkoa por obras
En un comunicado, Renfe ha indicado que estos trabajos obligan a la interrupción del servicio ferroviario entre el 25 de julio y el 21 de septiembre en determinados tramos del servicio de Cercanías y los trayectos de Media y Larga Distancia.
Iruñea goitik behera prestatzen ari da igandean lehertuko den festa hartzeko
Bisitariak iritsi eta iritsi ari direlarik, lanean jo eta su ari dira hiritar asko eta asko, festan murgiltzerako dena prest egon dadin. Ostalariak, dendariak, ostatuetako langileak, segurtasun langileak, Udal-brigadak... Izan ere, ez da ezer falta jaia lehertzeko.
Uztailaren 7ko entzierroa, zuzenean
Uztailaren 7ko entzierroa, zuzenean Orainen, 7: 45etatik aurrera.