Ernaik zaborra jaurti du EAJren Donostiako egoitzan
Aurpegia estalita zeramaten Ernaiko zazpi kidek zaborra jaurti dute gaur arratsaldean EAJren Donostiako egoitzan. Gainera, pintada bat egin dute eta Ernairen sinadura duen pankarta bat jarri dute.
EAJtik azaldu dutenez, kaputxadunek egoitzaren lorategian barrena egin dute, baina ez dira eraikinaren barruan sartu.
Bertan, hondakinak jaurti dituzte, eta "Erraustegia geldituko dugu" idatzi dute horma batean.
Argazkia: EiTB
Era berean, "mafiosoak" eta beste hainbat irain dituen pankarta bat jarri dute.
Kanpoaldetik, kaputxadunekin batera zegoen pertsona batek egindakoa grabatu du.
EAJk salaketa jarri du, eta Ertzaintza bertaratu egin da, ikerketa abiatzeko.
Sorturi erantzuteko deia
EAJren GBBk erasoaren aurrean duen iritzia agertzeko eskatu dio Sorturi. Era berean, prentsa-ohar batean salatu du "errealitatetik eta herri honen martxatik eta etorkizunetik kanpo" daudela "eraso zuzenak egiten dituztenak eta kaputxaren atzean koldarki ezkutatzen direnak".
"Kasu honetan, kaputxa horrek izena du, Ernai, Sorturen gazte erakundea. Erratu egin dira bai formetan (mehatxu pintaketak eta zaborra jaurtitzea) eta sakonean, gipuzkoarren gehiengoak dagozkion erakundeen bitartez hartutako erabakiaren kontra doazelako", gaineratu du.
Ernaik bere gain hartu du erasoa
Donostiako Ernaik bideo bat argitaratu du Twitterreko kontuan erasoa bere gain hartzeko.
Era berean, bideoarekin batera hainbat mezu zabaldu dituzte: "Mafiosoak, zuenak egin du! Zaborra zarete!".
Zure interesekoa izan daiteke
Auto-ilarak izan dira goizean Villabonan, Irunerako noranzkoan, N-1 errepidean istripua izan da eta
Lau ibilgailuk istripua izan dute, 09:00ak jo barik zeudela, eta errepidearen ezkerreko erreia itxi behar izan dute. 7 kilometrorainoko auto-ilarak sortu dira, nahiz eta 09:40ak aldera amaitu diren.
Gizon batek bikotekidea hil du, jipoia eman eta ondorioz hiru egunez ZIUn egon ondoren, Catarrojan
Erasoaren ustezko egilea atxilotu egin zuten, eta asteartean epaileak aske utzi zuen kautelazko neurriekin; erabakia hartu eta ordu batzuetara hil da emakumea, zaurien ondorioz. Asteazken goiz honetan, atxilotzeko agindua eman du epaileak, ihes egiteko arriskuagatik, eta erasotzailea berriro atxilotu dute.
Ertzaintza muga eta Bilborako sarrerak zaintzen ari da, PSGren zale erradikalak atzemateko
Athletic Cluben eta PSGren arteko Txapeldunen Ligako futbol partidaren segurtasuna bermatzeko, 600 ertzain inguru zabalduko dituzte. 17:00etatik aurrera trafikoa etengo da San Mames, Euskalduna Zubia eta Jesusen Bihotza inguruetan. PSGren 2.500 zale inguru espero dira Bilbon.
Eskizaletasuna, Tolosaren eta Norvegiaren arteko lokarri, Mendifilm jaialdian
Eskia 1906an iritsi zen Tolosara, lan egitera etorri zen norvegiar talde batek ekarria. Kirol horrekiko zaletasuna errotuz joan zen tolosarren artean, eta bertan sortu zen Estatuko lehen eski kluba. Mendifilm jaialdian estreinatu den Tras la huella Noruega filmak bi herriek urteetan zehar izandako loturaz dihardu.
Auto-ilarak izan dira N-1 errepidean, Legorreta parean, kamioi bat bidetik atera ondoren
Eusko Jaurlaritzako Segurtasun Sailak jakinarazi duenez, bi kilometrorainoko auto-ilarak sortu dira bi noranzkoetan.
Haizeak eragindako kalteen ondorioz, Trapagarango igerileku estaliak aldi baterako itxi behar izan dituzte
Azken orduetako haize-bolada gogorren ondorioz, Trapagarango (Bizkaia) igerilekuetako estalkien zati bat erori da, eta itxi egin behar izan dituzte, segurtasunagatik. Zerbitzua ematen duen enpresa esleipendunak iragarri duenez, abonatuak doan joan ahal izango dira Portugalete eta Barakaldoko igerilekuetara, itxita dagoen bitartean. Uretako jarduerak eta ikastaroak etenda egongo dira instalazioa ireki arte.
EITB Maratoia kalera irten da Bilbon
Botoi gorria sakatu eta zahartzaro aktibo baten alde dantzan aritu da jendea Bilboko kaleetan. BBK Gizarte Ekintzak dantza bakoitzagatik bi euro gehitu ditu Maratoiaren kontagailuan.
Gizon bat atxilotu dute Gasteizen, taberna bateko langile bati sexu-erasoa egitea egotzita
Iturrien arabera, emakumea bi bezerori establezimendua itxiko zela jakinaraztera terrazara irten zenean, haietako batek parteak ukitu zizkion irmotasunez eta komentario zakarra egin zion.
Arabako lurrikararen jatorriari buruz, hainbat hipotesi dituzte adituek
Lurrikara lurrazaletik gertu gertatu bada, barrunbe handi bat kolapsatu delako izan da. Hori da lehenengo hipotesia. Izan ere, eremu karstikoa da, eta haitzulo ugari ditu. Badago bigarren hipotesi bat, eta horren arabera, beriz, lurrikararen hipozentroa 5 kilometroko sakoneran egongo litzateke, eta lurpeko gatz poltsa handi bat mugitu izanak eragin zezakeen mugimendua.
EHUko ikasle talde batek gitarra bat egin dio Gatiburi
EHUko Bilboko Ingeniaritza eskolako irakasle eta ikasle talde batek gitarra bat egin dio Haimar Arejita Gatiburen gitarra-jotzaileari, abenduaren 13an, azken kontzertuan jo dezan. Udako gau batean, Boiseko Euskal Jaialdian sortu zen ideia; izan ere, orduko hartan Gatibuk eta Estitxu Garai EHUko errektoreordeak bat egin zuten.