Luis Muñoz, Zorrotzako bizilaguna: 'Iragarritako heriotza izan da'
Luis Muñoz Bilboko Zorroza auzoko Landa eremuko Bizilagunen Elkarteko bozeramaileak lau hildako utzi dituen sutearen inguruan Radio Euskadin esan duenez, "ikusita zegoen ezbeharra gertatuko zela, iragarritako heriotzaren kronika da".
Lau pertsona hil dira sutean. Horrez gain, beste bederatzi pertsona ospitalera eraman dituzte larri, eta horietatik bi oso larri daude.
Hiru solairu eta egurrezko egitura zuen eraikin zahar batean piztu da sutea. Bizilagunen bozeramailearen arabera, "berrogei urte daramatzagu Udaletxean egoera salatzen, irtenbidea eskatzeko. Eremu degradatua da, hala urbanismo nola gizarte arloan".
"Bizilagunak ezin sinetsita gaude, erabat lur jota gaude auzoan. Aspaldi eman genuen egoeraren berri, etxe zaharrak izateaz gain, ez dituzte baldintza osasungarriak. Gainera, bizikidetza arazoak" daudela salatu du.
Bestalde, Carlos Rodriguez Zorrotza Auzo Elkarteko kideak ere auzoaren inguruan hitz egin du Euskadi Irratian. Horren hitzetan, ezbeharra izan den lekua "oso degradatuta dago, eraikin ia guztiak egurrezkoak eta zaharrak dira".
Bilboko Udalak gaur erre den eraikina eraisteko asmoa zuela ziurtatu du Rodriguezek. "Apirilean izan genuen bilera alkatearekin eta hainbat zinegotzirekin, auzoaren egoeraren inguruan hitz egiteko. Bileran esan ziguten eraikin hori eta aldamenean dagoen beste bat bota egingo zituztela. Eraikinen egitura oso kaltetua zegoen", esan du.
Auzoaren egoeraz kezkatuta agertu da bizilaguna, eta Udalari, proiektu urbanistikoez haratago, auzoa biziberritzeko "esku-hartze integrala" eskatu diote elkartetik, besteak beste, elkarbizitza bideratzeko.
za bideratzeko.Albiste gehiago gizartea
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.