Julenen heriotza argitzeko froga bat epaiketatik erretiratu dute
Antiguan hildako mutikoaren kasua argitzeko epaiketan ezusteko erabakia hartu du epaileak: semea hilda agertu ondorengo zazpi egunetan aitak egin zuena epaiketan froga bezala ez erabiltzea onartu du, Miguel Castells akusatuaren abokatuak hala eskatuta.
Castellsek joan den ostegunean egin zuen aipatu eskaera, gertaerak berritzeko izapideak abokatu baten laguntzarik gabe egin zituelako auzipetuak eta horrek bere oinarrizko eskubideak urratu zituela argudiatuta.
Julen aitak bere borondatez erabaki zuen abokatu baten laguntzarik gabe kontatzea umea hil ondorengo zazpi egunetan non egon zen eta zer egin. Alabaina, Castellsek dio abokatu baten asistentzia izateko eskubideari ezin zaiola uko egin, are gutxiago ertzainek bere testigantza froga moduan jaso zutela kontuan hartuta.
Gainerako aldeak harrituta agertu ziren Castellsek egindako planteamenduarekin eta Iñigo Iruin akusazio partikularraren abokatua haserre azaldu zen. Iruinen ustez, oinarrizko eskubideak urratu direla antzematen denean, “berehala aurkeztu behar dira alegazioak, ahozko epaiketara itxaron gabe”.
Ildo horretan, Iruinek azpimarratu defentsak “epez kanpo” jardun duela, epaiketa hasita dagoelako, eta kritikatu du akusazio partikularra “babes gabe” utzi duela, froga hori bere estrategian garrantzitsua zelako.
Jorge Bermudez fiskalak ere kritikatu du erabakia, instrukzio fasea duela urte batzuk abiarazi zelako eta, beraz, denbora nahikoa egon delako horrelako froga bat baliorik gabe uztea eskatzeko.
Augusto Maeso epaileak eskaera horren inguruko erabakia hartzeko epea gaur arte atzeratu zuen, gaia ondo aztertu ahal izateko. Gaur berriro entzun ditu batzuen eta besteen azalpenak eta azkenean Julen hilda agertu eta ondoren zazpi egunetan akusatuak egin zuena kontutan ez hartzea ebatzi du.
Albiste gehiago gizartea
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.