Ehunka pertsonak babesa agertu diote Alarde parekideari Irunen
Festa-giroa da nagusi gaur Irunen, San Martzial egunean. Jaietako egun handian, alarde parekideak eta 'Betikoa'k (emakumeak baztertzen dituena) herriko kaleak zeharkatu dituzte, bakoitzak bere aldetik, eta gorriz, zuriz eta beltzez jantzi dituzte Irungo bazterrak.
Gizonez bakarrik osatutako 'Betiko Alardea' (emakumeek kantinera gisa baino ezin dute parte hartu bertan; ez soldadu gisa) izan da irteten lehena, 07:45ean, euripean. Alarde hori 19 konpainiaz osatuta dago, bakoitzak bere kantinera du, eta 8.000 soldadu biltzen ditu. Juan Jose Martinez gastadoreen buruak Urdanibiatik Donibane plazara, udaletxe albora, eraman ditu soldaduak. Bertan, Paco Carrillo jeneralak tropak ikuskatu ditu eta soldaduek lehendabiziko deskargak egin dituzte. Segidan, tropak elizatik igaro dira Urdanibia plazara itzuli aurretik.
Alarde parekidea, emakumeak eta gizonak berdintasun osoz onartzen dituena, ostera, 10:15ean atera da 1.500 lagunekin (11 konpainia) Urdanibia plazatik, gorabeherarik gabe eta ehunka lagunen babesarekin. Emakumeak soldadu gisa ere parte hartzen duten alardeak ere Irungo kaleak zeharkatu ditu, alarde tradizionalak egindako ibilbide beretik. 2014tik jeneral kargua betetzen duen Inma Landak tropak ikuskatu ditu eta soldaduek deskargak egin dituzte.
Arratsaldean, alarde parekidea izan da kalera irteten lehena, 17:15ean, eta 'Betikoa', ostera, 18:30ean abiatu da.
Aurreko urteetan bezala, Jose Antonio Santano Irungo alkateak ez dio harrerarik egin alarde mistoari. Are gehiago, alkate sozialistak alarde baztertzaileari baino ez dio harrera egin Udalean. Alkatearekin batera, Javier de Andres Espainiako Gobernuak Euskal Autonomia Erkidegoan duen ordezkariak udaletxeko balkoitik jarraitu du alarde tradizionalaren desfilea. Hedabideen aurrean egindako adierazpenetan adierazi duenez, parte-hartzeari dagokionez eta alarde tradizionalarekin alderatuta, alarde mistoaren parte-hartzea "askoz apalagoa" da. "Badirudi Irungo jende gutxiagok parte hartzen duela", gaineratu du.
Bestalde, Manuel Lezertua Arartekoak eta Izaskun Landaida Emakundeko zuzendariak beren babesa eman diete alarde parekideko parte-hartzaileei. Manuel Lezertuaren esanetan, oraindik ere "badago zer konpondua" jaia parekidetasunean ospatzeko.
Halaber, alarde mistoa babestera gerturatu dira, besteak beste, Denis Itxaso Gipuzkoako Foru Aldundiko Kultura diputatua, EH Bilduren izenean, Xabier Olano Gipuzkoako Batzar Nagusietako bozeramailea eta Maddalen Iriarte Eusko Legebiltzarreko bozeramailea; Ezker Anitzako eta Ahal Duguko ordezkariak. Maddalen Iriartek alarde mistoa zoriondu du eta udaletxean zergatik ez dioten harrera egiten galdetu die Markel Olano ahaldun nagusiari eta Irungo alkateari.
Albiste gehiago gizartea
Euskal errepideak prest, ostiralean hasiko den udako lehen irteera operazioari ekiteko
Eusko Jaurlaritzak aurreikusita du nazioarteko trafikoa —iparraldetik sartu eta Euskal Herria zeharkatzen duena— % 3,8 haztea; barne-trafikoari begira, berriz, hazkunde-datua % 3koa da.
Isuria izan da Sopelako Arriatera-Atxabiribil hondartzan
Salbamendu- eta sorospen-zerbitzuek El Peñón tabernaren inguruan kaltetutako eremua balizatu dute. Gainera, establezimenduaren jabeari bertako saneamendu sistemaren berrikuspenari buruzko dokumentazioa eskatu diote.
Trailer gidari bat atxilotu dute, mozkor egonda Bilboko portuan ontziratzen saiatzeagatik
Aire litro bakoitzeko 1,19 miligramo alkohol bota ditu emakumeak, bide-segurtasunaren aurkako delitutzat jotzeko legeak ezartzen duen mugaren (0,60 mg/l) ia bikoitza.
Droga-trafikoan ziharduen sare bat desegin dute Iruñean, eta 18 pertsona atxilotu dituzte
Poliziaren arabera, San Fermin jaietarako egun gutxiren faltan, droga saltzeko 10 salmenta-gune desegitea lortu dute, Iruñea, Barañain, Orkoien, Antsoain eta Jakan. 18 atxilotuei droga-trafiko delitua eta erakunde kriminaleko kide izatea egozten dizkiete.
300 milioi pertsonak baino gehiagok kontsumitzen dituzte drogak munduan, helduen % 6k
2025eko Drogei buruzko Munduko Txostenak ohartarazi du kalamua dela gehien kontsumitzen den substantzia (% 77), eta horren atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Orain.eus-en aurkezpena: "Albisteak kontsumitzeko modu berriei erantzutea dagokigu"
Gaur aurkeztu da Orain.eus, EITBren plataforma digital berria. Informazioarekin eta gaurkotasunarekin zerikusia duten eduki guztiak bertan jasoko dira. Batez ere 40 urtetik beherakoen informazioa kontsumitzeko modu berrietara egokitutako euskarri jaioberria da.
Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
EHUk gidatutako ikerketa batek gaixotasun larriak detektatzeko 'ehunka' markatzaile identifikatu ditu, listuaren bidez
Ikerketa honek "diagnostiko goiztiarrerako eta doitasunezko medikuntzarako tresna indartsu eta ez-inbaditzaile" bat garatzea ahalbidetu lezake, eta kasu askotan odol-analisiak ordezkatu. "Listua fluido biologiko eskuraerrazenetariko bat da, baina oso gutxi erabiltzen da praktika klinikoan, oraingoz", adierazi du Jose Ramon Bilbao EHUko Genetika Medikoko irakasle eta azterlanaren egile nagusiak.
30 aeroponia-dorre jarri dituzte Biarrizko Aguilera klinikako aparkalekuan
Aeroponia landareak hazteko sistema bat da, aireko edo lainozko ingurune batean ereinda, lurzorurik erabili gabe. Biarritzen baratze bertikal horietako bat eraiki dute, Aguilera klinikako aparkalekuaren erdian, ospitaleko langileei on egiteko. Instalatutako 30 dorreek urtean tona eta erdi barazki ekoizten dituzte. Ekimenaren bultzatzaileek adierazi dutenez, beste laborantza mota batzuk baino sistema eraginkorragoa da.