Elkarretaratze jendetsua egin dute Sopelan, sexu-erasoa salatzeko
Larunbat honetan Sopelako jaietan gazte batek pairatutako sexu-erasoa gaitzesteko elkarretaratzea egin dute igande eguerdi honetan Sopelako auzokideek.
Udalerri horretako Udaletxearen aurrean bildu dira. Gontzal Hermosilla Sopelako alkatea pozik azaldu da herritarren parte-hartzea ikusita. "Emakumeekiko edozein erasoren aurrean kontzientziatuta daude Sopelako auzokideak", azpimarratu du alkateak.
Hermosillak azaldu duenez, Ertzaintzak ikerketa abiatu zuen, eta 21 urteko gazte bat atxilotu du. Epailearen aurrera eraman ostean, aske utzi dute, epaiketaren zain. Dirudienez, ustezko erasotzailea eta emakumezkoa "jaietan zeozer hartzeko sare sozialen bitartez geratu ziren". Elkarrekin zeudela, txosnetatik urrundu ziren, eta mutilak eraso egin zion neskari. Biktimak alde egitea lortu zuen.
Udalaren gaitzespena
Sopelako alkateak "sendo" gaitzetsi du erasoa. Horren hitzetan, "nazkagarria da bereziki hori jaietan gertatu izanagatik, herri osorako ospakizun une batean, hain zuzen ere".
Hilabete guztietako lehen astelehenetan genero-indarkeriaren aurkako elkarretaratzea egin ohi da Sopelan bertan, Urgitxieta Plazan. Biharkoa, alkateak esan duenez, sexu-erasoa gaitzesteko izango da.
Bestalde, Sopelako Udaleko Bozeramaileen Batzordeak "erabateko gaitzespena" azaldu du, eta laguntza eta elkartasuna adierazi die bai emakumezkoari baita horren senideei ere.
Gainera, gertatutakoa argitzeko asmoz, "ikerketa azkar eta zehatza egitea" exijitu du, eta herritarrek "eraso sexisten konplizitate keinu guztiak arbuiatu ditzatela" eskatu du.
----------------------------------------
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.