Atentatuetako biktimen omenez meza handia egin da Familia Santuko Basilikan
Katalunian aste honetan bizi izandako minaren ondotik, "bereizkeri eta bazterkeri oro gainditu eta giza eskubideak errespetatzen dituen elkarbizitzaren alde" egitea eskatu du igande honetan Sebastian Taltavull Bartzelonako apezpiku laguntzaileak, Bartzelonan eta Cambrilsen joan den ostegunean izandako eraso terroristetan hildako biktimen omenez egindako meza handian.
Aurretik aipatutako mezu horrekin, 10:00ak aldera hasi da gaur egindako "Adiskidetasun eta Bakearen aldeko Meza". Zehazki, Jose Omella Bartzelonako kardinal artzapezpikuak zuzendu du Familia Santuko Basilikan egindako meza handia, Katalunian abuztuaren 17an izandako eraso terroristak utzitako biktimen omenez.
"Bakearen artisauak" izateko deia egin die Juan Jose Omella Bartzelonako kardinal artzapezpikuak herritarrei. Halaber, "maitasuna, errespetua eta senidetasuna" oinarri hartuta "batera" egoteko eskatu du. "Batasunak indartsuago egiten gaituen bitartean zatiketak suntsitu egiten gaitu", gaineratu du kardinal artzapezpikuak.
Era berean, Familia Santuko Basilikan Francisco aita santuak helarazitako mezu bat irakurri du, kaltetutako pertsona guztiei bere samina eta babesa agertzeko. Halaber, "halako pertsona errugabeen eta haurren kontra" eraso egitea "bekatu larritzat" jo du. Gainera, "harrizko bihotzak hartu eta bakez, errukiz eta anaitasunez betetako beste batez" ordezkatzeko eskatu dio Jainkoari.
Espainiako eta Kataluniako agintariak, erlijio desberdinetako ordezkariak, politikariak eta herritarrak izan dira Familia Santuko Basilikan egindako meza handi horretan. Etorkizunari esperantzarekin begiratu ahal izateko "batasuna" eskatu die Bartzelonako kardinalak.
Joan den ostegunean izandako erasoek utzitako biktimen omenez egindako meza handia. Argazkia: EFE
Besteak beste, ondorengo agintariak izan dira bertan: Espainiako erregeak, Mariano Rajoy Espainiako Gobernuko presidentea, Soraya Saenz de Santamaria Espainiako Gobernuko presidenteordea, Carles Puigdemont Kataluniako Generalitateko presidentea eta Ada Colau Bartzelonako alkatea.
Nazioarteko agintariak ere izan dira meza handi horretan, eta Espainiako errege Felipe VI.ak harrera egin die Portugalgo Lehen Ministro Antonio Costari eta Portugalgo presidente Marcelo Rebello de Sousari.
Halaber, Manuela Carmena Madrilgo alkatea, Oriol Junquera Kataluniako Gobernuko presidenteordea, Dolors Montserrat Osasun ministroa eta Carmi Mendoza Cambrilseko alkatea ere meza handian izan dira, beste agintari batzuen artean.
Joan den ostegunean, Bartzelonako Rambla pasealekuan zeuden ehunka pertsona aurretik eraman zituen furgoneta batek. Erasotzaileak 14 lagun hil eta ehunka zauritu zituen.
Ordu batzuk geroago, beste auto batek gauza bera egin zuen Cambrilsen: abiadura bizian bertan zeuden pertsonak harrapatu zituen. Eraso horretan pertsona bat hil eta beste lau zauritu ziren.
Joan den ostegunean izandako erasoek utzitako biktimen omenez egindako meza handia. Argazkia: EFE
Manifestazioa deitu dute larunbaterako
Kataluniako Generalitateak eta Bartzelonako Udalak elkarretaratzea deitu dute hurrengo larunbaterako, abuztuak 26, 18:00etan, bakearen alde eta aste honetan Kataluniako hiriburuan eta Cambrilsen (Tarragona) izandako eraso terroristen kontra.
'No tinc por' (Ez dut beldurrik) lelopean, manifestazioa Bartzelonako Catalunya plazan amaituko da. Ostiralean egindako minutu bateko isilunea txalo artean eta garrasi ozen horrekin amaitu zen. Ondorioz, aste honetan izandako erasoa salatzeko 'leloa' bihurtu da milaka herritarrek sare sozialetan egindako garrasi hori.
53 zaurituk ospitaleratuta jarraitzen dute
Guztira 53 lagunek ospitaleratuta jarraitzen dute Kataluniako hainbat erietxetan, eta horietatik 13 egoera kritikoan daude, ostegunean Bartzelonan eta Cambrilsen (Tarragona) izandako atentatuen ondorioz.
Zure interesekoa izan daiteke
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.