Osakidetzak ez du tuberkulosi kasu gehiago antzeman Gurutzetan
Osakidetza osasun zerbitzuak tuberkulosiaren programan ezarritako jarduketa protokoloa aktibatu zuen irailaren 8an, Gurutzetako Ospitaleko langile bati biriketako tuberkulosia hauteman ondoren, eta ostiral honetan jakinarazi du Bizkaiko ospitaleko Jaioberrien Unitatean otsailetik irailera bitartean egon diren 200 adingaberi egindako proba guztien emaitzak "negatiboak" izan direla.
Gurutzetako Jaioberrien Unitatean lan egiten duen osasun langile bati biriketako tuberkulosia antzeman ondoren jarri zituzten martxan protokoloan ezarritako prebentzio neurriak Eusko Jaurlaritzako Osasun Publikoaren Zuzendaritzak eta Osakidetzak.
Kasu hori hauteman zenetik, beraz, eta jarduketa protokoloan jasotakoei jarraituz, 50 adingaberi egunero egin zaizkie kutsatu ote diren jakiteko beharrezko probak, eta egindako proba horien guztien emaitzak negatiboak izan dira. Halere, adingabe horien senidekoak aztertzen jarraitzen dute bigarren mailako kasuak goiz hautemateko, eta orain arte ez da positiborik egon.
Era berean, Gurutzetako Unibertsitate Ospitaleko Segurtasun eta Osasun Batzordeak dagozkion neurriak hartu ditu aste honetan, tuberkulosiaren eraginpean egon ahal izan diren ospitaleko 100 bat langileri behar den informazioa eman ondoren, eta horien artean ere ez da orain arte tuberkulosiaren baziloaren kasu positiborik hauteman.
Azkenik, Osasun Sailak eta Osakidetzak adierazi dute jarraitu egingo dutela datozen egunotan Euskal Autonomia Erkidegoko Tuberkulosiaren Programako jarduketa protokoloan jasotako prebentzio neurriak ezartzen.
Albiste gehiago gizartea
Istilurik gabeko gaua Torre Pachecon, baina tentsioak jarraitzen du ultraeskuindarren deialdi berriengatik
Ultraeskuindarrek kontzentrazioa deitu zuten atzo, baina ez zen istilurik izan, poliziaren presentziagatik. Deialdi berrien aurrean segurtasuna indartu dute. Hainbat hedabidetako kazetariek ehun bat ultraren jazarpena sufritu dute.
Donostiako Udala salatu dute Xabi Alonsoren txaletaren eraikuntzan prebarikazioa egin dutelakoan
Haritzalde eta Ekologistak Martxan elkarteek salaketa jarri dute Gipuzkoako Fiskaltzaren aurrean Donostiako Udalaren aurka, futbolari ohiaren txaletaren obretan Igeldon sarbide mugatu bat erabiltzea baimentzeagatik.
Albiste izango dira: Karmen Eguna, Torre Pacheco eta Sitgesko zinema jaialdiaren aurkezpena
Gaurkoan albiste izango direnen laburpena, bi hitzetan.
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Bakioko udalekuetako gurasoak: "Enpresarekin harremanetan jartzen saiatu gara baina inork ez digu erantzuten"
Udalekura iritsi eta berehala, haurrek deitu zieten gurasoei haien bila joan zitezela eskatzeko. Gurasoen salatzen dutenez, Veranoaventura udalekuak antolatzen dituen enpresarekin harremanetan jartzen saiatu dira, baina inork ez die azalpenik eman. Erakundeei iruzurra argitzeko laguntza eskatzen diete.
Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.