Mugi txartela Baionan ere erabili ahal izango da
Gipuzkoako Mugi txartela Baionako autobusetan ordaintzeko ere erabili ahal izango da “hiru edo lau urteko epean”, eta alderantziz, Europan garraio publiko iraunkorra sustatzen duen E-Mobask proiektuari esker. 1.182.000 euroko diru-laguntza bideratu dute proiektu horretara, eta herrialde mugakideen arteko garraio publikoa eta mugaren alde bietako mugikortasun iraunkorra hobetzea du helburu.
Hiru erakundek hartu dute parte ekimenean: Gipuzkoako Garraioaren Lurralde Agintaritza, Donostiako hiri garraio publikoa kudeatzen duen DBus enpresa eta Baionako Aglomerazioaren Garraio Sindikatua. Hiru erakunde horiek sortutako partzuergoa POCTEFA 2014-2020 programaren deialdian onartu dute.
Marisol Garmendia Mugikortasuna eta Lurralde Antolaketa Departamentuko diputatuak azaldu duenez, informazioa “Baiona-Donostia eurohiriko” herritar guztientzat eskuragarri izateko egingo dute. Beraz, garraio publikoari buruzko informazioa gaztelaniaz, frantsesez eta euskaraz azalduko da, eta baita seinaleak ere.
Lurraldeen arteko eraginkortasuna da proiektuaren bigarren ardatza, eta hiru urteko iraupena izango du, 2018ko urtarrilean hasita. Horren harian, Garmendiak nabarmendu du lan egingo dutela hasieran Mugi txartela, eta geroago Gasteizko Bat txartela eta Bizkaiko Barik txartela,
Baionan erabili ahal izateko, eta alderantziz. Hala ere, aitortu du Baionako garraio publikoaren sistema ez dagoela hain aurreratuta.
Gainera, ibilbideak banku-txartelekin ordaintzeko aukera ematea aztertzen ari dira, eta Donostiako 16 eta 45 lineatan probatzen ari dira.
Bestalde, eraginkortasun energetikoa hobetzeko Donostian eta Baionan jarri diren autobus elektrikoei buruzko ikerketa bat egitea aurreikusi dute, eta baita Start-Stop sistema ezartzea ere, ibilgailua geldituta edo semaforo batean dagoenean motorra geldiarazten duen sistema, hain zuzen.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.