Errepide sare nagusia zabalik, baina 6 mendate itxita daude elurragatik
Larunbat honetan elurra egiten ari da han-hemenka goizean goizetik Euskal Herrian, baina errepide sare nagusia irekita dago. Hori bai, bigarren mailako hainbat mendate itxita daude, eta beste hainbatetan kateak behar dira.
Elurra kentzeko makinak topera ari dira lanean eta gutxinaka-gutxinaka arintzen doaz arazoak. Hala, hau da egoera 19:10ean:
Erabat itxita dauden mendate eta errepideak EAEn
Otsaurte, Lizarrusti, Elosua, Bernedo, Opakua eta A-2622 tartea Langraiz Oka parean.
Kateak behar dituzte autoek eta itxita daude kamioientzat EAEn
Herreran
Kateak behar dituzte ibilgailu guztiek EAEn
Kurtzeta, Pagatza (Elgeta) eta Urizaharra.
Erabat itxita dauden errepideak Nafarroan
Izaba eta Zuriza arteko errepidea (Na-2000), Otsagabia eta Irati artekoa (Na-2012), Aralarko San Migelerako errepidea (Na-7510), Zaraitzukoa muga aldera (Na-2011) eta Gorritikoa (Na-4011).
Kateak behar diren mendate eta errepideak Nafarroan
Burgi-Izaba errepidea, mugarantz (Na-137).
Ertzaintzak, bestalde, zuhurtziaz gidatzeko eskatu du errepide guztietan, baita nagusietan ere, elurra hasten duelako tarteka A-1ean Gasteiz eta Nafarroa artean, N-1ean Etzegaraten, eta A-15ean.
Momentuz ez da istripu larririk izan.
Luizia eta zuloa Gipuzkoan
Gogoan izan behar da, gainera, atzoko prezipitazioek luizi bat eragin zutela AP-8 autobidean, Deban (Gipuzkoa) eta arrazoi berarengatik zulo handi bat zabaldu zela Zumaian, GI-3811 errepidean.
Ondorioz, errepidea itxita egon zen eta une honetan trafikoa desbideratzen ari dira. Badirudi konponketa egun batzuk luzatuko dela.
Izotz arriskua
Alerta laranjan egon gara arratsaldeko 15:00ak arte, eta gero abisu horira igaro da egoera. Aurreikuspenen arabera, elur-kota 300-400 metrora igoko da eta prezipitazioak gutxitzen joango dira.
Hori bai, elurteak atzean utzi ondoren, hotz handia egingo du datozen egunetan eta izotz galantak botako ditu. Izotz gardena ere izan dezakegu.
Kontsulta ezazu informazio gehiago eitb.eus-eko Eguraldia eta Trafikoko orrietan eta trafikoko webkameren orrian.
Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.