Hirugarren pertsona bat atxilotu dute, Bilboko metroko erasoan parte hartzea egotzita
Ertzaintzak hirugarren pertsona bat atxilotu du ostegun arratsaldean, Barakaldon (Bizkaia), abenduaren 22an Bilboko Abandoko metro geltokian 23 urteko bi gaztek pairatu zuten lapurreta saiakera eta erasoaren egileak direlakoan.
Eraso horren ondorioz, gazteetako batek zauri larriak pairatu zituen: begi bateko ikusmena galdu zuen, hainbat ebaki egin zizkioten buruko larruazalean eta sudur hezurra hautsi zioten. Beste biktima ere artatu behar izan zuten, ezker begian hematoma bat eta beste hainbat traumatismo baitzituen gorputzean eta hortz bat galdu baitzuen.
Segurtasun Sailak jakitera eman duenez, Barakaldon ustezko egile nagusia atxilotu ostean (19 urte ditu), ordu batzuk geroago, beste gizonezko bat (23 urte ditu) atxilotu zuten.
Halaber, 16:30ak inguruan beste gizonezko bat (24 urte ditu) atxilotu zuten, Barakaldon.
"Taldekako erasoa"
Gertakariak abenduaren 22ko goizeko 07:00etan hasi ziren, Arbolantxa Bilboko kalean. Han, bi pertsona biktimetako bati telefono mugikorra osten saiatu ziren, eta bi gazteok lapurrei aurre egin zieten.
Jarrian, bi gazteak Abandoko metro geltokira abiatu ziren, talde handiago bat atzetik zutela kristalezko edalontzi eta botilak jaurtitzen.
Gazteok metro geltokira sartu ziren, Berastegi kaleko sarreratik, baina erasotzaile taldeak eskailera mekanikoen lehen zatian harrapatu zituen, eta bertan gauzatu zuten taldekako erasoa.
Akusatuek, gaur Barakaldon atxilotutako gizasemeek, polizia aurrekariak dituzte, lapurreta eta erasoak direla eta. Indarkeriaz lapurreta egitea eta lesio delitua leporatzen dizkiete.
"Herritarren laguntza"
Ertzaintzak herritarren laguntza eskertu du, beroriek emandako informazioari esker burutu ahal izan baita ikerketa.
Epailearen esku
Hiru gazteak epailearen esku gelditu dira gaur (abenduak 29, ostirala) eguerdian.
Albiste gehiago gizartea
'Aita Mari' ontziak migratzaileak zeramatzaten bi ontzi lagundu ditu, Mediterraneo erdialdera abiatu eta ordu gutxira
Horietako batek 15 migratzaile zeramatzan, tartean bost haur eta hiru emakume; besteak, 30 pertsona, horien artean zazpi adingabe. Aljeriatik iritsitakoak, bidaiari gehienak Saharaz hegoaldeko Afrikakoak dira.
40 gradutik gorako tenperaturak, Euskal Herriko hainbat herritan
Euskalmetek Zornotzan duen estazioan 41,6 ºC neurtu dituzte, Iurretakoan 41,5 eta Bilboko Zorrotza auzokoak, berriz, 40,8. Gipuzkoan, aldiz, termometroak 40,6 gradura iritsi dira Arrasaten. Araban eta Nafarroan ere, termometroak 40 ºC-tik gertu ibili dira.
Lodosako langile bat hil da Bartzelonako Ebroko lantegian
Langilea asteartean hil zen, eta enpresak "doluminak" helarazi dizkie haren senide eta lagunei. Lodosa Kirol Elkarteak ere doluminak eman dizkie haren ingurukoei, elkarteko jokalari ohia baitzen.
:eitb-banner?$eitb-banner$&fmt=webp-alpha&qlt=80)
Araban, Erriberagoitiko hainbat herrik basoa garbitu eta segurtasun perimetroa egin dute etxebizitzen inguruan
Lasierra Erriberagoitian (Araba) artadiz inguratutako herri bat da, dozena bat biztanlekoa. Orain dela bi urte, hiru hektareako segurtasun perimetroa egin zuten. Aldundiaren dirulaguntzarekin, astebetez zortzi langilek basoa garbitu zuten. Lan horiek mantentzeko, ordea, ganadua eta artzainak beharrezkoak direla adierazi dute herritarrek.
Juan Mari Aburtok Aste Nagusi zirraragarri, aske eta seguru baten alde egin du
Bilboko alkate Juan Mari Aburtok herritarrek Aste Nagusiaz askatasun eta segurtasun giroan gozatzea nahi du. Horren arabera, Jai Batzordea ikuspuntu ezberdinak batzeaz arduratzen da, "munduko jairik onenak" izateko. Gainera, errespetua eta bizikidetza eskatu ditu, Aste Nagusiaz harmonian gozatzeko.
Ostiral epela Euskal Herrian, 45 ºC inguruko tenperaturekin
Bero itogarriak ez du etenik emango asteburuan. Hala ere, alerta laranjak Arabara eta Nafarroara mugatuko dira.
Pasealeku Berriko igeriketa zeharkaldian parte hartzen ari zen gizon bat hil da
Igerilariak geldialdi kardiobaskularra izan du uretan, eta Kontxako hondartzara eraman dute. Larrialdi zerbitzuko kideak gizona suspertzen saiatu dira, baina ez dute lortu haren bizia salbatzea.
Juan Mari Aburtok ohorezko aurreskua dantzatu du aurten ere
Urtero bezala, Bilboko alkateak ohorezko aurreskua dantzatu du Begoñako Ama Birjinaren egunean. Beroa handia izan bada ere, alkateak ez du hutsik egin nahi izan.
Sei egunez aktibo egon den Zarrakazteluko baso-sutea, itzalita
Astelehenera arte ez zen lortu asteazkenean kontrolpean izan zuten sua inguratzea eta egonkortzea. Nafarroan sute-arriskua oso handia edo muturrekoa da oraindik.
Asteazkenetik desagertuta zegoen gizon baten gorpua aurkitu dute Legazpin
07:00ak baino lehentxeago, Legazpin gorpu bat agertu dela jakin du Ertzaintzak. Deba Urolako ertzain-etxeko agenteak eta mediku bat bertaratu dira, eta hilda zegoela baieztatu dute. EITBk jakin duenez, hilketa bat izan daiteke.