UNICEFek 3.600 milioi dolar behar ditu 48 milioi haurri laguntzeko
UNICEFek Haurrentzako Ekintza Humanitarioa 2018 txostena kaleratu du. Horren arabera, 3.600 milioi dolar behar dira larrialdi egoeran dauden 51 herrialdetako 48 milioi haurri laguntza humanitarioa emateko. Gaur egun lau umetik bat gatazkaren bat jasaten ari den herrialde batean bizi da.
“2017a haurrentzako zorigaiztokoa izan da, eta ez dugu hori 2018an errepikatzerik nahi”, esan du Isidro Elezgarai UNICEF Euskal Herriko Batzordeko presidenteak. UNICEFen arabera, ume horiek, erasoen jomuga izateaz gain, oinarrizko zerbitzurik gabe daude, eskolak, ospitaleak eta azpiegitura zibilak oso kaltetuta baitaude, erasoen ondorioz.
“Larrialdi egoeretan haurrak beti dira talderik ahulena, biolentzia, esplotazio edo gaixotasun arrisku handiena pairatzen dutenak. Egoera txarrenetan, belaunaldi osoak euren oinarrizko osasun eta hezkuntza eskubide barik daude, etorkizunerako ondorio larriak izanik”, azaldu du Elsa Fuente UNICEF Euskal Herriko Batzordeko koordinatzaileak.
Haurrentzako Ekintza Humanitarioa 2018 txostenaren arabera, UNICEFek 3.600 milioi dolar (2.920 milioi euro) behar ditu 51 herrialdetako umeei ura, elikadura, heziketa, osasuna eta babesa emateko. Dirutza horren % 84 inguru biolentzia eta gatazken ondorioz laguntza humanitarioa behar duten herrialdeetan lan egiteko da, eta zatirik handiena Siriako gatazkan harrapatutako ume eta familientzat behar dute; izan ere, Elsa Fuenteren esanetan, “zeropeko tenperaturak dituen muturreko klima bati egin behar diote aurre, oso baldintza txarretan”.
Bestalde, horren zati bat (% 21 inguru) ura, saneamendua eta higienea hobetzeko lanetara bideratuko dute, uraren bitartez transmititzen diren gaixotasunak mehatxu handia baitira toki horietan bizi diren umeentzat. Hori ur eta saneamendu azpiegituretara egindako erasoen eta horretarako tokirik ez duten lekuetara nahitaez desplazatu behar izanaren ondorioa da, askotan ur kutsatuaren eta saneamendu arriskutsuen mende baitaude.
UNICEFek 2018an bere aliatu eta dohaintza emaileekin elkarlanean jarraituko du hurrengo helburuekin:
- 35,7 milioi pertsonarentzat ur edangarrirako sarbidea
- 4,2 milioi haurrentzat desnutrizio larriaren aurkako tratamendua
- 10 milioi haur elgorriaren aurka txertatu
- 3,9 milioi haurri laguntza psikosoziala eskaini
- 8,9 milioi haurrentzat hezkuntza sarbidea
Zure interesekoa izan daiteke
Adimen Artifiziala, bullyinga egiteko tresna berria: “Hezkuntza digitalean hezi behar ditugu haurrak”
Azken urtean, ziberbullyinga gauzatzeko adimen artifizialaren erabilerak nabarmen egin du gora, hainbat ikerketaren arabera. Gelakideren baten argazki, bideo edo audio bat manipulatuz bideo faltsuak sortzeko erabiltzen da AA, eta sare sozialen bidez zabaltzen dira. Mikel Cerezo gizarte hezitzaile eta adikzioetan adituak adierazi du orain "duela urte batzuk baino askoz bizkorrago" hedatzen direla edukiak, eta ondorioak suntsitzaileak izan daitezkeela.
Dani Alvarezek Euskal Kazetariak Saria jaso du
Dani Alvarez EITB taldeko kazetariarentzat izan da Kazetarien Euskal Elkargoaren aurtengo Euskal Kazetariak Saria. Bilboko BBK aretoan egindako sari-banaketa ekitaldian, pozik agertu da Alvarez, eta esan du "ohore" bat dela aitortza hau jasotzea. EITBren parte-hartzea duen "Natur Bizia" ikus-entzunezko lana ere nabarmendu dute Ingurumen Kazetaritza atalean.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.