100 erakusletik gora, martxoaren 2tik 4ra BECen egingo den Stock Euskadi azokan
Stock Euskadi azokaren hamalaugarren ekitaldia egingo da martxoaren 2tik 4ra bitartean Barakaldoko Bilbao Exhibition Centre (BEC) erakustazokan eta ehun erakusle baino gehiago elkartuko dira bertan.
Lehen mailako marketan eskaintzak eta % 80 arteko deskontuak izango dira: moda, osagaiak, oinetakoak, edertasuna, etxea, kirolak, elektronika eta aisia. Stock Euskadik BECeko lehen pabiloian egongo da 11:00etatik 21:00etara arte.
Aurtengo berritasunei dagokienez, Privalia taldeak lehen aldiz parte hartuko du Stock Euskadi azokan. 300 metro koadroko stand handia izango du eta bertan gizonentzako, emakumeentzako eta umeentzako moda, osagai eta oinetako marka ezagunak eskainiko ditu.
Gainera, app bat estreinatu dute erakusle guztiei buruzko informazioa eta eskaintzak bilduko dituena. Aplikazioa doakoa da eta Apple Store eta Google Play dendetan eskuratu daiteke. Gainera, aplikazioaren erabiltzaile direnen artean zozketa bereziak egingo dituzte.
Horrez gain, 3.000 euro zozkatuko dira, eta erosketa eta erosketa artean food truck deituriko furgonetatan zerbait dastatzeko aukera izango da.
Bestalde, familia osoarentzako aisialdi gune bat ere egongo da. Etxeko txikienentzako jarduerak, puzgarriak eta bideo-jokoak izango dira. Bisitariek bi euro ordaindu beharko dituzte bertara sartzeko, 14 urtetik beherakoek izan ezik, horiek doan sartu ahalko baitira.
Azkenik, Stock Euskadi azokak 3.000 euroko dohaintza egingo dio Bilboko La Gota de Leche ongintza elkarteari. Aipaturiko elkarteak gizarte bazterketa egoeran dauden 680 familiari eta euren 1.280 umeei arreta eskaintzen die.
Albiste gehiago gizartea
Isuri bat atzeman dute Sopelako Arrietara-Atxabiribil hondartzan
El Peñón tabernaren inguruan kaltetutako eremua balizatatu dute salbamendu eta sorospen zerbitzuek. Gainera, establezimenduaren jabeari bere saneamendu sistemaren berrikupenari buruzko dokumentazioa eskatu diote.
Droga-trafikoan ziharduen sare bat desegin dute Iruñean, eta 18 pertsona atxilotu dituzte
Poliziaren arabera, San Fermin jaietarako egun gutxiren faltan, droga saltzeko 10 salmenta-gune desegitea lortu dute, Iruñea, Barañain, Orkoien, Antsoain eta Jakan. 18 atxilotuei droga-trafiko delitua eta erakunde kriminaleko kide izatea egozten dizkiete.
300 milioi pertsonak baino gehiagok kontsumitzen dituzte drogak munduan, helduen % 6k
Drogei buruzko 2025 Munduko Txostenak ohartarazi du kanabisa dela gehien kontsumitzen den substantzia (% 77), eta bere atzetik daude opioideak (61 milioi), anfetaminak (30,7 milioi), kokaina (25 milioi) eta estasia (21 milioi).
Orain.eus-en aurkezpena: "Albisteak kontsumitzeko modu berriei erantzutea dagokigu"
Gaur aurkeztu da Orain.eus, EITBren plataforma digital berria. Informazioarekin eta gaurkotasunarekin zerikusia duten eduki guztiak bertan jasoko dira. Batez ere 40 urtetik beherakoen informazioa kontsumitzeko modu berrietara egokitutako euskarri jaioberria da.
Fiskaltzak 37 urteko kartzela-zigorra eskatu du emaztea eta bi alabak bortxatu zituen gizonarentzat
Epaiketako asteazken honetako saioan biktimek, akusatuak eta kasuko perituek deklaratu dute. Guztiei entzun ostean, fiskalak frogatutzat jo ditu delituak. Defentsak, bestalde, absoluzioa eskatu du, uste baitu ez direla frogatu leporatzen zaizkion delituak egin zituenik.
EHUk gidatutako ikerketa batek gaixotasun larriak detektatzeko 'ehunka' markatzaile identifikatu ditu, listuaren bidez
Ikerketa honek "diagnostiko goiztiarrerako eta doitasunezko medikuntzarako tresna indartsu eta ez-inbaditzaile" bat garatzea ahalbidetu lezake, eta kasu askotan odol-analisiak ordezkatu. "Listua fluido biologiko eskuraerrazenetariko bat da, baina oso gutxi erabiltzen da praktika klinikoan, oraingoz", adierazi du Jose Ramon Bilbao EHUko Genetika Medikoko irakasle eta azterlanaren egile nagusiak.
30 aeroponia-dorre jarri dituzte Biarrizko Aguilera klinikako aparkalekuan
Aeroponia landareak hazteko sistema bat da, aireko edo lainozko ingurune batean ereinda, lurzorurik erabili gabe. Biarritzen baratze bertikal horietako bat eraiki dute, Aguilera klinikako aparkalekuaren erdian, ospitaleko langileei on egiteko. Instalatutako 30 dorreek urtean tona eta erdi barazki ekoizten dituzte. Ekimenaren bultzatzaileek adierazi dutenez, beste laborantza mota batzuk baino sistema eraginkorragoa da.
Bizkaiko Foru Aldundiak Arrontegin A-8 autobidea nola estali aztertuko du, horretarako ikerketa bat bultzatuta
Azterlana beren-beregi kontratatuko da, ez baitago proiektuan sartuta. Eremua estaltzeko alternatibak aztertuko ditu, zarata-mapetan eta bideragarritasun-irizpideetan oinarrituta.
Atxilotu bat Bilboko aireportuan, Suediara arma bat bidaltzeagatik
Suediako segurtasun-indarrek atzeman zuten arma. gizona identifikatu eta atxilotzeko eta entregatzeko agindua eman zuten, Europa mailan.