Elurteak inkomunikatuta utzi zuen Gasteiz
Elur denboraleak hainbat arazo sortu zituen Araban, eta hiriburua, Gasteiz, inkomunikatuta utzi zuen.
Lurraldea zurituta esnatu zen, eta elurra kentzeko makinak lanean aritu ziren bideak garbitzen. Gainera, kamioiek zenbait orduz debekatuta izan zuten zirkulatzea, eta hainbat errepide blokeatuta egon ziren.
Gasteizen, Tuvisako autobusak eta tranbia martxan egon ziren, baina atzerapen handiak izan ziren linea guztietan.
Errepideen egoera
Hiriburuko irteera eta sarreretan, itogune handiak egon ziren, batik bat Euskal Herria bulebarrean, Madril kalean eta Latinoamerika plazan.
Industriaguneetarako sarbideetan ere izan ziren arazoak, baina elurra kentzeko makinen lehentasuna horietarako sarbideak garbitzea izan zen.
Lurraldean, errepide sare nagusian arazo asko sortu ziren, Eusko Jaurlaritzako Segurtasun Sailetik jakinarazi zutenez. Horregatik, ezinbestekoa izan ezean, ibilgailua ez hartzeko gomendatu zuten.
Goizean, kamioiek debekatuta izan zuten zirkulatzea errepide guztietan, baina eguerdian bertan behera utzi zuten debekua. AP-1ean eta N-1ean, gainerako ibilgailuek kateak behar izan zituzten.
Gainera, A-1ean, 30 kilometroko tarte bat itxita egon zen, Egino eta Argomaiz artean, haizeak gogor jo zuelako. Ondorioz, hainbat ibilgailu harrapatuta geratu ziren bertan.
Bigarren mailako errepide sarean, hainbat mendate itxita egon ziren; Altube, Bernedo, Opakua eta Urduña, tartean. Gainerakoetan, kateak behar izan ziren.
Dena den, errepideetan ez zen istripu larririk gertatu.
Aireportua, autobusak, ikastetxeak eta zerbitzuak
Gasteizko garraio zerbitzuetan, atzerapenak egon ziren, eta Eusko Legebiltzarrean eta Batzar Nagusietan bertan behera utzi zuten ohiko jarduera.
La Union konpainiak zerbitzu guztiak eten zituen, baina 12:30ean berriro jarri zituen martxan Gasteiz-Bilbo eta Bilbo-Gasteiz lineak.
Forondako Aireportuan, merkantziak eramateko hegazkinak arazo barik ibili ziren gauez, eta bakarra desbideratu behar izan zuten, Lisboara zihoan bat.
Atzorako ez da bidaiari-hegaldirik aurreikusita egon bertan.
Ikastetxeen egoerari buruz, lau zentro itxi zituzten, Hezkuntza Sailaren arabera. Oraingoan, baina, ikastetxe bakoitzak izan du ixtea edo irekitzea erabakitzeko ahalmena.
Zure interesekoa izan daiteke
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak Guggenheim Museoa Urdaibain zabaltzeko 'ezetza' islatzen du, baina 'baietza' eskualdeko garapenari
Herritarren artean entzute prozesua gidatu duen Agirre Lehendakaria Centerrek azaldu duenez, "hasierako narratiba" horien zati esanguratsu bat "beste joera batera" mugitu da hilabeteetan zehar. Izan ere, Urdaibaiko Guggenheimaren aurkako iritziak jaso dira, baina baita eskualdearen garapenaren aldeko jarrerak.
Korrika egitea, osasuntsu zahartzeko: Fernando eta Leopoldo, 81 eta 76 urterekin korrika egiten jarraitzen duten beteranoak
Fernandok 31 Behodia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik bere ongizate fisikoagatik, gaixotasunak prebenitzen eta zahartzea atzeratzen ere laguntzen baitie.
Ziberindarkeria matxistak ezagutzen laguntzeko gida argitaratu du Emakundek
"Jarri izena" gira gazteei zuzenduta dago, eta bere helburua da ingurune digitaleko indarkeria matxistak identifikatzea, askotan oharkabean pasatzen dira eta, eta alfabetatze digitala eskaintzea, sareetan gertatzen diren indarkeria matxista mota guztiak hautemateko eta horiei izena jartzeko.
Espainiako Gobernuak iragarritako garraio-abonu bateratua urtarrilaren 19tik aurrera erabili ahal izango da
Oscar Puente Garraioetako eta Mugikortasun Iraunkorreko ministroak adierazi duenez, Gobernuaren asmoa gainerako administrazioekin lan egitea da, hala nola autonomia-erkidegoekin eta udalekin, etorkizunean hiri barruko eta hiriarteko abonuak bateratu zein integratzeko eta garraio-txartel bakarrarekin funtzionatu ahal izateko, Europako beste herrialde batzuetan gertatzen den bezala.
Etxegabe bat hil da Donostiako Easo plazan
Hasierako zantzuen arabera, autopsiaren zain, berez hil da. Plazako kioskoan lurrera erori da, antza denez, gaua bertan igaro ostean.