Tentsioa Olympiqueko jarraitzaileak San Mamesera heltzean
Marseillako Olympiqueren ehunka jarraitzaile Bilboko Kale Nagusitik heldu ziren San Mamesera ostegun arratsaldean, Ertzaintzak babestuta. Ibilbidean, Frantziako taldearen zaleek bengalaren bat piztu eta petardo batzuk bota zituzten. Gainera, ertzainek labanak, borrak eta golf pilotak atzeman zizkieten.
Olympiqueko ultrek pankarta handi baten atzean egin zuten bidea. Ertzainek San Mameseraino eraman zituzten, ibilbide osoan zehar zainduta.
Ordu batzuk lehenago, Ertzaintzak Marseillako Olympique taldeko jarraitzaile erradikalak Zorrotzaurren elkartu zituen, San Mames zelaitik gertu, Athletic eta Marseillako Olympique taldeek 19:00etan jokatu zehar zuten Europa Ligako final-zortzirenetako itzulerako partida hasi aurretik.
Horrela, talde frantsesaren eta zuri-gorriaren zaleak banatu nahi zituzten, istiluak saihesteko, eta Ertzaintzak hainbat neurri hartu zituen horretarako.
Ertzaintzak San Mames futbol zelaiko zabalgunea hesitu zuen eta kontrolak egin zituen EAEko errepideetan, segurtasun neurri handiak ezarrita.
Europa Ligako final-zortzirenetako itzulerako partida zen atzokoa, eta "arrisku handikoa" jo zuten. Polizia autonomikoak asteazkenean aurkeztu zuen partida horretarako prestatutako segurtasun dispositiboa. Neurrietako batzuk asteazkenean bertan jarri zituzten martxan, eta talde frantsesa eta horren zaleak (mila inguru) Bilbotik joan arte izan dute aktibatuta.
Athleticen partidan ez zaitzatela ezertan nahasi. Saihestu edozein probokazio edo gorabehera, eta gozatu! pic.twitter.com/8kI1Q8yenV
— Ertzaintza (@ertzaintzaEJGV) 15 de marzo de 2018
Dispositiboan parte hartu zuten agenteen kopurua beste partiduetakoen parekoa izan zen. Bilboko Udaltzaingoarekin eta Athletic Clubekin ez ezik, Marseillako Poliziarekin ere aritu zen elkarlanean Ertzaintza, dena koordinatzeko.
Josu Bujanda, dispositiboaren aurkezpenean. Argazkia: Iker Salgado.
Kezka, Olympiqueko jarraitzaileen inguruan
Athletic eta Marseillako Olympique taldeek duela bi denboraldi neurtu zituzten indarrak Europa Ligan, eta istiluak izan ziren orduan bi taldeetako zaleen artean. Hori dela eta, segurtasun neurriak indartu dituzte oraingoan, orduan gertatu ziren modukoak ez errepikatzeko.
Ostalariei eskaria
Bilboko eta, batez ere, San Mames inguruko ostalariekin ere harremanetan jarri zen Ertzaintza. Partida hasi aurreko orduetan bezeroei kristalezko edalontzirik eta botilarik ez emateko eskatu zieten.
Horrez gain, Udaleko langileek erretiratu egin zituzten estadioaren inguruan beira batzeko dauden edukiontziak.
Athleticek ere dispositibo berezia prestatu zuen, segurtasun pribatua handituta, zelai barruan indarkeriazko irudirik ez izateko berriro.
Segurtasun indarrek eta klubak eskari berbera egin zieten zaleei, liskarrik gabe, futbolaz goza dezaten.
Albiste gehiago gizartea
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.
90 urteko emakume bat hil da Gasteizen, oinezkoen pasabide batean auto batek harrapatuta
Ezbeharra astearte honetan gertatu zen, 16:00etan, semafororik gabeko oinezkoentzako pasabide batean. Udaltzaingoaren iturriek azaldu dutenez, argiketa talde bat istripuaren nondik norakoak ikertzen ari da.
TVEko kazetari bat jazarri dute Torre Pachecon, Pedro Sanchezen aurkako irainen artean
TVEko kazetari bati Poliziak lagundu behar izan dio Torre Pachecon, hainbat pertsonen jazarpenagatik. Bildutakoek "Pedro Sanchez, puta semea!" oihukatzen ari ziren.
Sexu-zerbitzuen iragarki faltsuen bidez gizonak estortsionatzen zituen talde kriminal bat desegin dute
Guardia Zibilak lau emakume identifikatu ditu ustez estortsioagatik, talde kriminaleko kide izateagatik eta dirua zuritzeagatik. Biktimak sei probintziatan daude; dirudienez, mehatxatu egiten zituzten sexu-zerbitzuen ustezko iragarkien bitartez harremanetan jarri ondoren.