Ibaizabalek gainezka egin du Galdakaon
Ibaizabal ibaiak gainezka egin du Galdakaon, Ertzaintzako iturriek eitb.eus-i baieztatu diotenez. Ibaiak Olabarri auzoan egin du gainezka, baina oraingoz ez du aparteko arazorik sortu.
Maila laranjara igo da eta inguru batzuk hartu ditu urak, esaterako Zuhatzu zelaiko inguruak.
Nerbioi ibaia handituta jaitsi da, eta hainbat puntutan gainezka egin du, Etxebarrin esaterako. Garaje batzuetara ura sartu da.
Suhiltzaileak lanean ibili dira Mungian. Ura gerriraino, osasun langileei lagundu diete etxebizitza batera heltzen. Barruan, gaixo bat zegoen, medikuen zain.
Bizkaian, Zornotza eta Otxandio izan dira euri gehien jaso duten tokiak, 59 litro metro koadroko.
Bestalde, Soloarteko pasealekuaren eta hormaren zati bat behera etorri da Basaurin, azken orduetan izandako euriteen ostean. Pasealekua Nerbioi ibaiaren ondotik doa, eta itxita zegoen 2017ko abuztutik, ezegonkortasuna handia zegoen eta.
50 bat metroko zatia da erori dena, Soloarte ikastetxearen eta Mercabilbao azokaren aurrez aurre. Badaezpadako neurri gisa, pasealekuaren ondoan dagoen patioa ere zarratu du Udalak.
Behera etorri den zatiaren argazkiak. WhatsApp (identifikatu gabeko egilea).
Albiste gehiago gizartea
Gizon bat hil da Donostian, patinete batekin istripu larri bat izan ostean
55 urteko pertsona bat hil da Altza auzoan izandako istripuan. Familiak salatu duenez, patinetearen kontrola galdu zuen egoera txarrean zegoen estolda batetik pasatzean, eta ingurua konpontzeko eskatu diote Udalari.
Beroak ez du etenik Euskal Herrian
Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.
Garbitzaile bat hil da bero-bolada betean, Bartzelonan
Bartzelonako Udalak baieztatu egin du gertakaria, baina oraindik ezin da ziurtatu beroak eragin izana heriotza.
Lekeitiok bere egun handia ospatu du gaur Kaxarranka dantza tradizionalarekin
Zortzi arrantzalek eutsitako kutxaren gainean aritu da Olatz Maruri dantzaria. Bigarrengoz, emakume bat, duela bi urte Ane bere ahizpak egin ostean.
Pertsona bat atxilotu dute Donostian hiru edukiontzi erretzea egotzita
28 urteko gizonezko bat atxilotu dute, kalte-delituak egotzita.
Adina ez da oztopo euskal dantzak ikasten hasteko
Errenteriako Beti Bizkor erretiratuen elkarteko emakumeek adinari eta gaixotasunei aurre egin diete eta euskal dantzak ikasten dabiltza Nekane irakaslearekin. Ariketa fisikoa egitearekin batera, burua ere arin mantentzea da helburua.
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.