Senar ohiak autoarekin harrapatu zuenean Leyre bizirik zegoela uste du Poliziak
Leyre Rodriguez bizirik zegoen, Jorge Mateos Prado senar ohiak autoarekin harrapatu zuenean. Hori uste du gaur epaiketan deklaratu duen eta hilketa argitzeko ikerketan parte hartu duen polizietako batek.
Hirugarren eguna du gaur epaiketak, eta Ertzaintzako agenteek eta Bilboko udaltzainek hitz egin dute epailearen aurrean. Ikerketak utzitako ondorioak agertu dituzte hogei bat agentek.
Ustezko hiltzaileak astelehenean deklaratu zuen, eta horren hitzetan, "istripuz" hil zen Rodriguez, bere etxean, bien arteko eztabaida baten ondoren. Bertsio hori inork sinetsiko ez ziola pentsatuta erabaki omen zuen autoarekin harrapatzea.
Fiskaltzaren eta akusazioaren arabera baina, Mateos Pradok gutxienez sei aldiz kolpatu zuen emakumea etxean, bainugelako eskailera-maila baten kontra, hark konortea galdu. Ondoren, errepidera eraman eta autoarekin hainbat aldiz harrapatu zuen, hiltzeraino, akusazioaren ustez.
Hilketa izan zenean harrapaketaren lekura joan ziren udaltzainek esan dutenez, hasieratik ikusi zuten ez zela "ohiko harrapaketa" bat, "hainbat zantzu susmagarri" zeudelako.
Ikerketak aurrera egin ahala, akusatuak bere bertsioa gutxienez lau aldiz aldatu duela ere esan dute agenteek. Gainera, "ikerketan laguntzeko borondaterik ez" duela inoiz erakutsi nabarmendu dute.
Hasieratik uste zuten hiltzailea Mateos Prado zela, baina ez zuten haren kontrako "froga objektiborik", salaketa egiteko.
Harrapaketa izan eta egun gutxira, ustezko hiltzailea autoaren gurpilak aldatzen saiatu zen, "frogak ezkutatzeko", ikertzaileek ziurtatu dutenez. Hilketagatik damurik ere ez duela inoiz agertu adierazi dute, eta dena "aurrez pentsatuta" zuela uste dute.
Ertzaintzako agenteek ere deklaratu dute, eta horien arabera, emakumearen etxebizitza miatu zutenean, odol arrastoak aurkitu zituzten bainugelan, pasilloan eta sarrerako atean.
Biharko saioan gorpuari autopsia egin zioten auzi-medikuek deklaratuko dute.
---
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.