Ronaldo Schemidt Venezuelako fotokazetariak World Press Photo irabazi du
Ronaldo Schemidt Venezuelako fotokazetariak World Press Photo saria jaso du gaur Amsterdamen. Oposizioko manifestari batek halabeharrez su hartu zuen Caracaseko liskarretan, 2017ko maiatzean, eta Schemidtek argazkia atera zion.
Argazkian 28 urteko Jose Victor Salazar korrikan, sutan, ikus daiteke, Venezuelako Guardia Nazionalaren moto bateko gasolina txorro batek harrapatu ondoren. Manifestariek beraiek motorrari su eman zioten molotov koktel batekin.
Gaztea, giza-zuzi bat bihurturik eta gas maskara batekin, bere gorputzeko sua itzaltzeko laguntza bila, korrikan doa irudian. Bitartean, argazkiaren atzealdean beltzez margotutako horma batean graffiti txiki bat ikus daiteke: pistola bat “bakea” hitzari apuntatzen.
France-Presse (AFP) agentziako fotokazetariak Mexikon lan egiten du normalean, bertan bizi baita, baina noizean behin jaioterrira itzultzen da, albiste esanguratsuen berri emateko. 2017ko maiatzean, Venezuelako Gobernuaren aurkako protesten jarraipena egiten ari zen, argazki saritua atera zuenean.
Schemidtek manifestaria atzean zuen, hura su bola batean bihurtu zenean, baina sugarren beroa sentitu eta buelta eman zuen. Segituan kamera hartu zuen, eta argazkiak ateratzen hasi zen, gertatzen ari zenaz oraindik jabetu barik.
Biktima fotokazetariaren albotik pasa zen korrikan, segundo batzuk geroago lurrera erori zen. Une horretan beste manifestari batzuek sua itzali zioten.
Anbulantzia batek biktima osasun zentro batera eraman eta bizitza salbatzea lortu zuen, nahiz eta erredura oso larriak izan.
Ronaldo Schemidt Venezuelako fotokazetaria World Press Photo sariarekin. Argazkia: EFE
Schemidten argazkiak beste bost izendatuak gainditu ditu: Wesminsterreko erasoa, Londresen; Boko Haram erakunde terroristako biktima bat, Nigerian; errefuxiatu rohinyen drama, Myanmarren; eta Mosuleko askapenaren beste bi argazki.
Era berean, 'Gaurkotasun Argazki' onenaren saria eskuratu du Ronaldo Schemidtek. Juan Barreto Venezuelako beste kazetariak hirugarren saria irabazi du 'Gaurkotasun Historiak' kategorian.
Bestalde, Juan D. Redondo Kolonbiako argazkilaria bigarren geratu da 'Kirol Historiak' kategorian, 'La Paz Futbol Club' lanagatik; eta Javier Arcenillas fotokazetari espainiarra hirugarren sailkatu da 'Epe Luzeko Proiektuak' sekzioan, 'Latidoamerica' lanagatik.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.