'Aquarius' ontziak erreskatatutako pertsona guztiak Valentzian daude jada
Txandaka iritsi dira igande honetan Valentziako portura, Aquarius ontziak Mediterraneoan erreskatatutako 629 pertsonak zekartzaten hiru ontziak.
'Aquarius'en flotako lehendabiziko ontzia, 'Dattilo' izenekoa, 06:40 inguruan iritsi da Valentziako portura, 274 pertsonarekin (182 gizon, 32 emakume eta 60 adin txikiko). Italiako Itsas Zaintzaren ontzi honetan bidaiatu dute adin txikiko gehienek.
Bigarrena, SOS Mediterraneo GKEaren 'Aquarius' ontzia, 10:30 aldera iritsi da. Open Arms itsasontzi humanitarioak lagunduta iritsi da ontzia 106 pertsonarekin: 51 emakume, 45 gizon eta 10 adin txikiko. Migratzailerik ahulenek bidaiatu dute Aquarius ontzian: haurdun dauden 6 emakume, 10 bat adin txikiko eta gasolioak itsasoko urarekin elkartzean erredurak eragin zizkien 20 bat lagun.
Hirugarrena, Italiako Itsas Marina Militarreko 'Orione', 13:20 aldera iritsi da 250 etorkinekin: 228 gizon eta 22 adin txikiko.
Arratsaldeko 17:40 aldera amaitu da guztien lehorreratze prozesua.
Laguntza
Etorkinak 20 pertsonako taldeetan jaitsi dira eta behin lurrean, hiru lagunek egin diete harrera, mediku bat eta itzultzaile bat tartean. Onik direnak Gurutze Gorriak prestatu duen karpa berezi batera eraman dituzte, arreta psikologikoa jasotzeko. Han 90 bat minutuz egon ondoren, datuak hartu dizkie Polizia Nazionalak.
Dattilo ontziko lehen etorkinak artatu dituzten medikuek adierazi dutenez, bidaiariak hasiera batean uste zena baino okerrago aurkitu dituzte. Guztira, 144 migrante ospitalera eraman dituzte, tartean 22 adin txikiko.
Jorge Suarez Valentziako Generalitateko Larrialdi zuzendariordeak azaldu duenez, bidaiariak "oso hunkituta eta nahastuta" iritsi dira, eta lehorreratutakoan osasun langileak maskarillak eta trajeak jantzita ikustean, eta igaro beharreko prozesu osoa ikusteak "shock" egoera eragin die askori.
Argazkia: EFE
2.300 pertsona aritu dira hiru ontzietan iritsi diren etorkinei laguntzeko dispositiboan. Gurutze gorriak mila kit prestatu ditu oinarrizko elementuak emateko etorkinei: oinetakoak, arropa, higiene elementuak, haurrentzako jana, eta 15 tona elikagai.
Valentziako portuan 100 ohe prestatu dituzte, beste 100 erreserban, eta 350 lagun hartzeko behin-behineko aterpea ere bai.
EAEk eta Nafarroak 'Aquarius'eko etorkinak hartzeko eskaintza egin dute
EAEn, "udal eta herritar ugari" prest agertu dira etorkinak hartzeko, Monica Hernando Eusko Jaurlaritzaren biktimak artatzeko bulegoaren arduradunak esan duenez.
Eusko Jaurlaritzak ACNUR erakundeari eta Espainiako Exekutiboari 'Aquarius' itsasontziko etorkinen % 10 hartzeko eskaintza egin die. Eta ez dutela partikularren etxerik erabiliko jakinarazi du.
Nafarroako Gobernua ere prest dago 'Aquarius' ontziko errefuxiatuak hartzeko eta hala jakinarazi dio arratsalde honetan Espainiako Gobernuari.
45 egunerako baimen berezia Espainian
Etorkinak Espainian geratuko ote diren edo ez galdetuta, Valentziako Gurutze Gorriak atzo esan zuen pertsona horiek dituzten helburuen araberako izango dela hori, bertan geratu edo Europarantz jo nahi dutenaren arabera, alegia.
Aquariuseko flotan etorri direnek Espainira sartzeko ezohiko baimena izango dute, arrazoi humanitarioengatik, 45 egunez Bernardo Alonso Madrilgo Atzerri eta Muga Komisaria Nagusiko buruzagiak. Gero, Espainiako Legearen araberako tratua jasoko dute.
Frantziak, bere aldetik, atzo iragarri zuen 629 etorkin horietakoren batzuk hara joan nahi badute, hartu egingo dituela.
Jatorria
Italia eta Maltako portuetan sartzea galarazi zioten joan den astelehenean 'Aquarius' ontziari, eta Espainiako Gobernuak Valentzian porturatzeko aukera eskaini zuen.
Ontzian doazen SOS Meditarranee eta Mugarik Gabeko Medikuen Erakundeko borondatezko lankideek ohartarazi zuten barkuak jende gehiegi zeramala barruan eta Valentziara arteko bidaia arriskutsua izan zitekeela adierazi zuen, areago etorkinen osasun egoera txarra eta eguraldiak okerrera egingo zuela jakinda.
Gauzak horrela, etorkinak hiru ontzitan banatu zituzten: 'Aquarius'en 229 lagun geratu ziren eta Italiako Armadaren bi barkuetara 400 pertsona eraman zituzten.
Zure interesekoa izan daiteke
Gripeak eragindako ospitaleratzeak murriztu egin dira Euskadin, txertaketak gora egin ondoren
Osakidetzak jakinarazi du herritarren % 16,7k jarri dutela txertoa, eta 60 urtetik beherakoei eskatu die jartzeko.
Arratoi ugari agertu dira Bilboko Deustu eta San Ignazio auzoetan
Izurrite honen jatorria Zorrotzaurreko obretan dago. Karraskariek bizilekuz aldatu behar izan dute, eta itsasadarraren beste aldera joan dira janari bila. Udalak esan du arratoien populazioa gutxitzeko lanean ari dela.
Kontrolpean dute goizaldean Gueñes inguruetan piztu den baso-sutea
Sutea ez da handia, baina iristeko leku zailean dago, eta horrek zaildu egiten du egoera, baita boladaka oso gogor jotzen duen haizeak ere. Haizea dela-eta, oraingoz ezin izan diote suari airez aurre egin. Ez dago etxerik inguru horretan, eta ez da inor zauritu, baina Bi-3651 errepidea itxi dute Zaramillo eta Quadra artean.
Madrildik eta Alacantetik zetozen bi hegaldik ezin izan dute Bilboko aireportuan lur hartu haizeagatik
Madrildik zetorren hegaldiak 07:40an lur hartu behar zuen Loiuko aireportuan, baina Madrilera itzuli da. Alacantetik zetorrena, berriz, Forondara desbideratu dute.
Albiste izango dira: Gau Beltza, 'Arestiren etxekoak' hizketaldi musikatua eta Bizkaiko 2026ko Aurrekontuak
Gaurkoan Orainen albiste izango direnen laburpena, bi hitzetan.
Gau Beltza: Non gozatu urteko gau iluneneko jarduera beldurgarrienez?
Halloween baino zaharragoa den euskal tradizioarekin bat egiten dute Euskal Herriko herri askok: uztaren amaiera eta neguaren hasiera ospatzeko eta hildakoak oroitzeko festa zen Gau Beltza edo Arimen Gaua deiturikoa, eta azken urteetan indarrez itzuli da gurera.
Nola bizi dute Hildakoen Eguna Euskal Herrian bizi diren mexikarrek? “Mexikon heriotza alaitasunez ospatzen dugu”
Tapachula jatetxeko Kattyk, Mexikotik urrun, Hildakoen Eguna nola bizi duen kontatu digu: “Bertan ez daudenak alaitasunez gogoratzeko ospakizuna da”.
Santurtziko Udalak aurreikusi du ostiralean sartu-irteerak egin ahal izango dituztela hondoratze baten ondorioz euren etxebizitzetan konfinatutako auzokideek
Debido a la gravedad del suceso, el Ayuntamiento de Santurtzi, de forma subsidiaria, va a acometer los trabajos, ya que se trata de una zona privada. Las labores ya se han iniciado y se espera que mañana los vecinos puedan acceder a las viviendas.
Espetxera bidali dituzte sexu-erasoa egiteagatik Iruñean atxilotutako lau gizonak
El auto afirma que existe “riesgo grave de fuga y de ocultación de pruebas” y se les imputa un delito de agresión sexual y otro de robo.
Zallan trenak harrapatuta hildako gidaria banatzaile lanetan ari zen, ELAren arabera
Sindikatuak zabaldu dituen datuek diote aurten lanean hil diren pertsonen % 29 gidariak izan direla eta jasaten dituzten “lan erritmo altuak” salatu ditu.