Errefuxiatuekiko Euskadik duen 'elkartasuna' azpimarratu du Eusko Jaurlaritzak
"Errefuxiatuen arazoarekiko" Euskadik erakutsi duen "elkartasuna" nabarmendu du larunbat honetan Josu Erkoreka Eusko Jaurlaritzako bozeramaileak eta Gobernantza Publikorako eta Autogobernurako sailburuak. Horrekin lotuta, talde sozialek erakundeen babesa jasotzearen "garrantzia" ere aipatu du.
CEAR-Euskadik antolatutako 'Bilbo Aterpea' lasterketa solidarioan parte hartu du Erkorekak, Monika Hernando Biktimen eta Giza Eskubideen zuzendariarekin batera. Guggenheim Museotik abiatu da lasterketa, eta ehunka lagunek parte hartu dute, tartean, Iñigo Pompo eta Itziar Urtasun Bilboko Udaleko zinegotziek.
Erkorekak adierazi duenez, bera lasterketa horretan egotea "errefuxiatuekiko Eusko Jaurlaritzaren babesa eta elkartasunaren adierazle da, asilo-eskubideari atxikitzen direnak bereziki". Jaurlaritzako bozeramaileak deitoratu duenez, "gerra, indarkeria, jazarpena eta errepresio arrazoiengatik euren etxetik ihes egin behar izan duten pertsonak dira".
"Erakundeak hemen egotea funtsezkoa da, elkartasun sentimendua partekatzeko eta islatzeko, gizartea ez baita mobilizatu behar den bakarra", esan du, "Euskadi eskuzabala da, eta errefuxiatuen arazoarekiko sentibera".
Bestalde, Javier Calparsoro CEAR Euskadiko presidentearen hitzetan, munduan 68 errefuxiatu baino gehiago daude, eta horiei "aurpegia jarri behar diegu, emigratzera bere burua behartuta ikusi duten horiek istorio errepikaezinak dituztelako".
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.