Celaak LOMCE aldatuko du, erlijioari eta itunpeko ikastetxeei garrantzia kentzeko
Hezkuntzaren Kalitatea Hobetzeko Lege Organikoan (LOMCE) egingo dituen aldaketen berri eman du gaur Isabel Celaa Hezkuntza eta Lanbide Heziketako ministroak, Diputatuen Kongresuan. Aldaketok Erlijio irakasgaiari eta itunpeko zentroei eragingo diete gehienbat.
Hezkuntza Batzordean aurreneko agerraldia egin du ministroak. Neurriak adosteko eskatu die Celaak talde politikoei, baina Espainiako Gobernuak legearen alderik “aztoragarrienak” aldatuko dituela azpimarratu du, sektoreko langileak, ikasleak zein gurasoak horien aurka agertu direlako.
LOMCE ordezkatzeko lege organiko batean lanean hasi bitartean, aukeren berdintasuna urratzen ez duen eredu bat defendatu du ministroak. “Beste barik indargabetzea ez da posible, legedi gabe geratuko ginateke, eta ez litzateke zentzuzkoa”, adierazi du.
Horrela, sexuaren arabera bereizten duten, hau da, neskatoak eta mutikoak banantzen dituzten itunpeko ikastetxeekin “elkarrizketa bat” bultzatuko du ministroak, Auzitegi Konstituzionalak babestu dituelako. “Oso gutxi” dira, baina “hezkuntza inklusiboaren printzipio orokorrak” urratzen dituzte, nabarmendu duenez.
Itunpeko eskolak sare publikoaren “osagarri” izan behar direla onartu du Celaak. “Itunpeko hezkuntza egon liteke ala ez, baina publikoa derrigorrez egon behar da, bestela Estatuak ez du bere eginbeharra betetzen”, gogorarazi du.
LOMCEren 109. artikulua aldatuko duela esan du ministroak. Itunpeko lekuen programazioa “eskari sozialaren bidez” egin behar dela aurreikusten du artikuluak, baina itunpeko hezkuntza publikoaren aurretik jartzen duen “eufemismo” bat dela uste du Celaak. Era berean, itunpeko zentroei lurzoru publikoa emateko egin diren “gehiegikeriak” kritikatu ditu buruzagiak; “ezin dira berriz errepikatu”.
Erlijioari dagokionez, derrigorrezko irakasgaia izaten jarraituko du zentroentzako, baina borondatezkoa ikasleentzako, eta ez du ondorio akademikorik izango, ezta irakasgai alternatiborik ere. Gizalege eta Balio Etikoen derrigorrezko irakasgai bat sortuko da, giza eskubide eta bertute demokratikoetan oinarriturik.
Errebalidak edo amaierako azterketak kenduko dituzte. Aurreko ministroak geldiarazi zituen dagoeneko. Azterketa diagnostikoak itzuliko dira, konkretuki, Lehen Hezkuntzako laugarren eta Bigarren Hezkuntzako bigarren mailan, zentroak hobetzeko egitasmoei laguntzeko.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.