Marten aurkitutako lakuak bideragarriago egiten du bizia han, adituek diotenez
Marten izozpean ur gazizko laku bat aurkitu izanak handitu egin ditu planeta gorrian bizia aurkitzeko probabilitateak, zenbait zientzialarik Eferi adierazi diotenez. Urteko zientzia aurkikuntza nagusiena dela esan dute.
Italiako ikertzaileek iragarri zuten atzo, asteazkena, historian lehen aldiz frogatu ahal izan dela Marten ur likidoa dagoela, izotz geruza baten azpian dagoen aintzira batean. Aurkikuntza Europako Espazio Agentziaren (ESA) Mars Express zundako radarrari esker egin dute.
Zientzialariek egindako aurkikuntzaren arabera, Plamun Australe deitutako eskualde batean, Marteko hego poloan dagoen izotz geruza batean, radarrak marraztutako irudia eta Antartida zein Groenlandiaren azpian aurkitutakoak oso antzekoak dira.
Alberto Gonzalez Fairen Madrileko CAB zentroko kidearen ustean, "urteko aurkikuntza da" eta ur likidoa topatu eta gero "aukera gehiago daude Marten bizitza izateko". Uste berekoa izan da Jose Antonio Rodriguez Manfredi CABeko kidea: "Honek bizitza topatzeko aukerak zabaldu ditu; lehen susmoa besterik ez zegoen, baina ez zegoen froga enpirikorik".
Gonzalez Fairenen hitzetan, aurkikuntza honekin eta Curiosity roverrek duela hilabete egindako aurkikuntzarekin, "orain badakigu Marten bizidun guztiok ditugun osagaiak dituela: ur likidoa eta osagai organikoak".
Lehen emaitza izan da oraingoa, esan du CABeko ikerlari horrek, baina, adierazi duenez, "baliteke Marteko beste gune batzuetan ere zingirak lur-azpian egotea, eta gure robotek sartzeko errazago izan lezakete (poloak heltzeko zailak dira)".
Aurkikuntza egin duen zientzialari taldea:
Hori dela eta, lurrazalaren azpian bizitza arrastoak edo frogak bilatzea "da Marteren esplorazioaren hurrengo helburu ukaezina".
Horren ildotik azaldu duenez, Martera 2020ean bidaltzekoak diren hurrengo bi roverrek (ExoMars ESAk bidaliko du, eta Mars2020 NASAk) helburu bera izango dute: "Hau une apartekoa da planeten esplorazioan".
Horiez gain, Javier Armentia Iruñeko planetarioaren zuzendari eta astronomoak ere bat egin du gainerako zientzialariekin eta Marten eta urte honetan egin diren aurkikuntza "nagusienetakoa" da.
Gainera, adierazi duenez, Mar Expres zundan jarrita dagoen MARSIS radarrak baieztatu du Lurrean gertatzen den fenomenoa han ere existitzen dela, hau da, izotz geruza handietan zingirak daudela.
"Radar horren datuak nahiko fidagarriak dira, eta lurrazaletik kilometro eta pikura ura baldin badago, horrek esan nahi du mekanismoak han daudela eta posible direla. Bizitzarako baldintzan egon litezke? Orain zilegi da galdegitea", gaineratu du.
Albiste gehiago gizartea
Txupinazoa, entzierroak eta askoz gehiago, hamar egunez, edukiz betetako EITBren programazio berezian
San Fermin jaiak abiapuntu hartuta, programa berriak, jaiekin eta kulturarekin lotutako emanaldiak eta kirol eskaintza zabala izango ditugu uda honetan ETBn. Iazko arrakastaren ondotik, EITBk zuzenean eskainiko ditu Faltzesko entzierroak.
31.000 euroko iruzurra egin dute "tokomotxoaren" bidez, Bilbon
71 eta 80 urteko bi emakumek eta 82 urteko gizon batek egin dituzte iruzurrak Deustu, Santutxu eta Zabala auzoetan
150.000 euroko kalte ordaina eskatu diote Bilboko ikastetxe bati, bullying kasu baten aurrean ezer ez egiteagatik
Eskola jazarpena jasan zuen ikaslearen abokatuak adierazi duenez, ikastetxeak ez zuen ezer egin neskari ondorio psikiatriko eta fisiko larriak eragin dizkioten erasoak saihesteko.
Pertsona bat zauritu da Arrasateko etxebizitza eraikin batean izandako sute batean
Sua 23:30 aldera piztu da San Josepe kaleko etxebizitza eraikin baten beheko aldean. Lehen unean, lau atari jendez hustu dituzte, baina hiru ataritako bizilagunak etxera itzuli ahal izan dira gauean zehar.
Pasaporteekin izandako arazoa konponduta, Saharako haurrak datorren astean iritsiko dira Euskal Herrira
Saharatik uda igarotzera etortzen diren haurrak aste honetan ziren iristekoak Euskal Herrira. Baina pasaporteekin izandako arazoen ondorioz, ezin izan dute hegazkinik hartu.
San Ferminetan legez kanpo saltzeko abanikoak, txanoak eta arropa atzeman dituzte aireportuan
Mila artikulu baino gehiago konfiskatu dituzte Noaingo aireportuan, tartean 500 abaniko eta 500 txano, ustez sanferminetan legez kanpo saltzeko.
Heldu da zure paketea: erosketak itsu-itsuan egiteko eroaldia Bilbora iritsi da
Pakete misteriotsuen fenomeno europarra uztailaren 7tik 14ra helduko da Zubiarte merkataritza gunera. Esperientzia paregabea da, benetako ustekabeak lortzeko. Intuizioa eta zortea dira horretarako gakoak.
Motor-gidari bat zauritu da Muxikan, auto batekin talka egin eta ibaira erorita
Istripua 19:50ean gertatu da, motor batek auto baten aurka talka egin du N-635 errepidean, Muxikan, Gernikarako noranzkoan. Kolpearen ondorioz, motor-gidaria Mundaka ibaira erori da, Ariatza auzoaren parean.
Donostiako suhiltzaileen buruak dimisioa eman du, Fermin Muguruzaren kontzertuan semea sarrerarik gabe sartzeagatik
Donostiako suhiltzaileen zerbitzua bururik gabe geratu da oraingoz, Fermin Muguruzaren kontzertuan izandako jokabide txarragatik. Ander Gomezek dimisioa eman behar izan du Anoetako kontzertuan suhiltzailez jantzitako semea sarreratik gabe sartzeagatik.
Joxe Azurmendik euskal pentsamenduari egindako ekarpena azpimarratu dute Agirrebaltzategik eta Zulaikak
Filosofoa, saiogilea eta hainbat belaunaldirentzako erreferente intelektuala, Joxe Azurmendiren lanak Euskadiko pentsamendu kritikoa markatu du mende erdi baino gehiagoan. Azurmendik sekulako ondarea utzi du euskaran, ideietan... eta herria ulertzeko moduan.