Donostia, Estatuan bizitzeko bigarren hiribururik garestiena
Donostia Estatuko bigarren hiribururik garestiena da bizitzeko, eta Gasteiz eta Bilbo 6. eta 19. postuan daude, Kelisto.es webguneak egindako indizearen arabera. Produktu eta zerbitzu berberak izateko kontsumitzaileek zenbat ordaindu behar duten aztertzen du hiriburuetan.
Modu honetan, Bartzelonan bizitzaren kostua batezbesteko nazionala baino % 35,5 altuagoa da, Estatuko hiribururik garestiena izanik. Donostiak (% 29,9 gehiago batez bestekotik) eta Madrilek (% 25,22 gehiago batez bestekotik) jarraitzen dute.
Txostena egiteko, bost kategoriatako 14 produktu eta zerbitzuri buruzko zifrak aztertu dituzte: etxebizitza (erosketa eta alokairua), zergak (IBIa, zirkulazio zerga eta zaborren tasa), garraio publikoa eta pribatua (autobuseko ohiko txartelaren eta 10eko bonoen prezioa, taxiena eta gasolinarena), erosketa (erosketa-saskia, ogi-barra baten eta esne litro baten kostua) eta aisialdia (zinema sarrera baten eta zerbeza baten kostua).
Etxebizitza
Etxebizitzari dagokionez, Donostia, Bartzelona eta Madril etxe bat erosteko hiribururik garestienak dira. Hiri horietan, 80 metro karratuko pisu batek 282.000 eta 371.000 euro balio ditu batez beste; Estatuan, batezbestekoa 144.432 euroan dago. Bilbo da laugarren hiria, batez beste 243.888 euro balio baititu; Gasteiz seigarren postuan dago, 179.000 eurorekin.
Higiezinen kategorian, IBIa 88,96 euroan dago batez beste Estatuan. Euskadiko hiru hiriburuak zerrendako azken postuetan daude.
Garraioa
Garraioaren arloan, batez beste, 10 bidaiako autobus bono batek 7,36 euro balio ditu. Donostia seigarren hiribururik garestiena da; Bilbo eta Gasteiz 21. eta 26. postuan daude.
Erosketa-saskia
Erosketa-saskia betetzeak urtean 4.480,63 euroko kostua du batez beste. Las Palmasen, hiribururik garestienean, 4.770,72 euro balio ditu (batezbestekoa baino % 6,47 gehiago). Donostia (4.571 euro) eta Bilbo (4.557 euro) ere ohikotik gorago daude. Gasteizen, aldiz, 4.463 euroko kostua du (% 0,39 gutxiago).
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.