Legazpiko trenbideko nasen arteko igarobidea kentzeko aurretiko lanak hasi dituzte
Adifek ostegun honetan hasi ditu Legazpiko (Gipuzkoa) tren-geltokian dagoen nasen arteko igarobidea kentzeko aurretiko lanak. Izan ere, lurpeko pasagunea jartzea da Legazpiko geralekuan egingo dituzten hobekuntza-lan horien helburu nagusia, erabiltzaileen segurtasuna bermatze aldera.
Gaur hasitako aurretiko lanak, ordea, hilabete batez luzatuko dira. Ildo horretatik, 2 zenbakidun nasan beste igarobide bat egingo dute, gaur egun dagoen sarbidearekin alderatuta zertxobait urrunago. Dena dela, lanak amaitu arteko epean, argiztapena hobetuko dute nasan, eta kartelez gain banda adierazgailuak jarriko dituzte.
Nasen arteko igarobidea kentzen duten bitartean indarrean egongo diren behin-behineko neurriak dira horiek. Adifek azaldu duenez, lurpeko igarobide berria egiteko proiektu horren bitartez tren-geltokira joan edo bertan itxaron behar duten bidaiari guztien segurtasuna hobetu nahi dute.
Renfek kudeatzen du Legazpiko geltokia, eta Irun-Brinkola aldiriko linean dago. Distantzia Erdiko zerbitzuak ere eskaintzen ditu, eta egunero, batez beste, 565 bidaiari izaten ditu.
Ildo horretatik, Adifek jakinarazi du Donostiatik irteten diren Distantzia Erdiko 21 tren inguru iristen direla egunero Legazpira. Halaber, Brinkola-Donostia zerbitzua eskaintzen duten beste horrenbeste tren Legazpiko tren-geltokitik igarotzen direla azaldu du.
Adifeko presidentea eta herriko alkatea joan den urtarrilaren 10ean bildu ziren proiektuaren inguruan hitz egiteko, 18 urteko neska bat tren-geltokian hil zenetik egun batzuk geroago. Izan ere, aldiriko tren batetik jaitsita, neska hori tren batek harrapatu zuen, hura nasen arteko igarobidea zeharkatzen ari zela.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.