Harrera Sareak migratzaileentzako irtenbideak galdegin ditu Donostian
Harrera Sareak Donostian astelehen honetan salatu duenez, hirian ez dago bertara iristen ari diren migratzaile guztientzako baliabiderik, eta eskatu dituzte "irtenbideak" lagun horiek ez geratzeko kalean. Bitartean, Eneko Goia alkateak adierazi du "oraingoz" Donostia "prest" dagoela, heltzen ari diren iragaitzazko migratzaileak hartzeko, baina onartu du "arazoa" egon litekeela "beste kopuru batzuk" jasoko balira; izan ere, Gipuzkoako hiriburuko harrera-baliabidean 40 plaza daude.
Donostiako Udaletxearen aurrean egindako prentsaurrekoan, Harrerako kideek, hirian dauden hainbat migratzailerekin batera, salatu dute iragaitzazko migratzaileentzat erakundeek abisatutako baliabidea, "praktikan, hiru egunetara dago mugatuta; horren ondorioz, gutxienez 20 lagun geratu dira kalean".
Esan dutenez, hiru eguneko muga hori bost egunekoa ere izan daiteke, baliabidean plazak egonez gero, "baina hiru egun bakarrik eman dituztenak ere geratu dira kalean". Hain zuzen ere, esan dute astearte honetan beste 20 lagunek beteko dituztela hiru egun baliabidean, eta, hortaz, aukera dago horiek ere baliabide horretatik kanpo izateko.
"Alkateak dio guztientzako baliabideak daudela; hemen gaude gu, hori ezeztatzeko", azpimarratu du. Gogorarazi dutenez, Donostiak, ofizialki, "harrera-hiritzat" hartu zuen bere burua, baina, hala ere, "ez dago prest baliabide gehiago eskaintzeko".
"Gizartean dagoen emari solidarioa mobilizatzeko prest"
Harrera Sareak azaldu du prest daudela "gizartean dagoen emari solidarioa mobilizatzeko, migratzaileek ez pairatzeko kalean lo egiteak dakarren erantsitako tratu txarra, eta bideratzeko, erakundeen aldetik, harrera duina eskaintzeko beharrezko baliabideak".
"Udalari galdegiten diogu premiazkoa den egoera honi berehalako erantzuna emateko", nabarmendu dute. Zehaztu dutenez, aurreko asteazkenean bilera izan zuten Udalarekin, Foru Aldundiarekin, eta Eusko Jaurlaritzarekin, migratzaileen egoeraz eztabaidatzeko, "eta erantzun baten zain gaude".
Harrera Sareak deia egin die Donostiako herritarrei, "pertsona hauen egoerarekin bat egin, erakundeen inplikazioa galdegin, eta ekimenak babesteko"; izan ere, Sareak hainbat ekimen abiatu dituzte, azken egun eta asteotan.
Goia: "Oraingoz, hiria prest dago"
Bitartean, Euskadi Irratian emandako elkarrizketa batean (Europa Pressek jaso du elkarrizketa hori), Eneko Goia Donostiako alkateak adierazi du ikusteke dagoela "nolako egoera izango dugun etorkizunean", baina, oraingoz, "ditugun datuak kontuan izanik", Gipuzkoako hiriburua "prest" dagoela hirira iristen ari direnak hartzeko.
Nolanahi ere, Goiak onartu du "arazoak" egon litezkeela, aurreikusitako migratzaile-kopurua gainditzekotan; Goiak gogorarazi duenez, Gurutze Gorriak Donostiak kudeatzen duen baliabidean (Zorroagan dago) 25 plaza daudela, eta, une jakin batzuetan, 40 ere egon litezkeela.
Zure interesekoa izan daiteke
Eroskik bat egin du EITB Maratoiarekin eta "zentimo solidarioa" zahartze osasuntsuaren ikerketara bideratuko du
Artea merkataritza-gunean dantza-tutorial batekin ospatu dute elkarlana. Abenduaren 18an izango da dirua biltzeko egun handia, baina dagoeneko BIZUM bidez 33478 zenbakira dohaintzak egin daitezke.
Hilik aurkitu dute joan den astelehenean Ekoran desagertutako gizona
Bilaketa zerbitzuek aurkitu dute gizonaren gorpua, 18:00ak aldera, iristeko zaila den gune batean.
Itzali dute goizaldean Gueñes inguruetan piztu den baso-sutea
Guztira 9 hektarea erre dituzte garrek. Ingurura iristeko zailtasunak eta haize-bolada gogorrek suhiltzaileen lana zaildu badute ere, arratsaldean erabat itzaltzea lortu dute. Ez dago etxerik inguru horretan, eta ez da inor zauritu, baina Bi-3651 errepidea itxita izan dute Zaramillo eta Quadra artean.
Santurtzin hondoratze baten eraginez kaltetutako bizilagunak etxera buelta daitezke jada
Asteazkenetik etxean konfinatuta zeuden horietako batzuk, eraikineko sarbideko patioan behealdea hondoratu ostean. Metalezko pasabidearen gainetik kontuz ibiltzeko eskatu die Santurtziko Udalak kaltetutako bizilagunei.
Osakidetzak 4.500 plaza baino gehiago eskainiko ditu hurrengo lan-eskaintza publikoan, birjartze tasa onartu ondoren
Hautaketa-prozesua datorren urtean egingo da, betetzen zailak diren lanpostuen lan-eskaintza publiko berri batekin batera.
Gripeak eragindako ospitaleratzeak murriztu egin dira Euskadin, txertaketak gora egin ondoren
Osakidetzak jakinarazi du herritarren % 16,7k jarri dutela txertoa, eta 60 urtetik beherakoei eskatu die jartzeko.
Arratoi ugari agertu dira Bilboko Deustu eta San Ignazio auzoetan
Izurrite honen jatorria Zorrotzaurreko obretan dago. Karraskariek bizilekuz aldatu behar izan dute, eta itsasadarraren beste aldera joan dira janari bila. Udalak esan du arratoien populazioa gutxitzeko lanean ari dela.
Madrildik eta Alacantetik zetozen bi hegaldik ezin izan dute Bilboko aireportuan lur hartu haizeagatik
Madrildik zetorren hegaldiak 07:40an lur hartu behar zuen Loiuko aireportuan, baina Madrilera itzuli da. Alacantetik zetorrena, berriz, Forondara desbideratu dute.
Albiste izango dira: Gau Beltza, 'Arestiren etxekoak' hizketaldi musikatua eta Bizkaiko 2026ko Aurrekontuak
Gaurkoan Orainen albiste izango direnen laburpena, bi hitzetan.
Gau Beltza: Non gozatu urteko gau iluneneko jarduera beldurgarrienez?
Halloween baino zaharragoa den euskal tradizioarekin bat egiten dute Euskal Herriko herri askok: uztaren amaiera eta neguaren hasiera ospatzeko eta hildakoak oroitzeko festa zen Gau Beltza edo Arimen Gaua deiturikoa, eta azken urteetan indarrez itzuli da gurera.