Eguneko zentro bat ere behar dela nabarmendu du Irungo migranteen harrera elkarteak
Irunen migratzaileei laguntza emateko sareko kideek prentsaurrekoa eman dute gaur San Juan plazan. Pozik hartu dute larunbat honetan Martindozenea aterpea ireki izana, "hori baita baliabiderik egokiena", baina eguneko zentro bat "berehala" irekitzea "behar-beharrezkoa" dela ohartarazi dute, migratzaileak egun osoan kalean egon ez daitezen: "Jateko eta lo egiteko aukera bakarrik ematen duen toki bat irekitzeak egun osoa kalean ematera behartzen ditu pertsona hauek" azaldu dute.
Aterpe horretan gehienez bost egun egon ahal izango dira migratzaileak eta muga hori arazoa dela nabarmendu dute, beste behin ere: "Migratzaile askok ezin dute Europara bidaiatzen jarraitu, Frantziako poliziak sistematikoki itzuli egiten baititu, baina egun horiek jada aterpetxean egin badituzte ezin dute berriz ere erabili eta kalean geratzen dira".
"Horregatik, aterpeetan oheak hutsik geratzen diren bitartean, jendeak kalean lo egiten" duela salatu dute, eta horrek "harrerara bideratzen ari diren baliabide publikoak gaizki erabiltzea" suposatzen duela. Bost eguneko epe-muga horregatik 15 bat pertsona Irungo gaztetxean lo egiten ari direla ere jakinarazi dute.
Uztailaren 27an harrera sarea eratu zutenetik, 750 otordu eskaini dituzte eta arropa ere banatu dute migratzaileen artean.
Gaurko prentsaurrekoan aste honetan izan diren pintadak ere salatu dituzte eta Udalari ikerketa sakona egiteko eskatu diote.
Albiste gehiago gizartea
Kanoikadaren eztandak 'lehertu' egin du Donostiako Aste Nagusia
Elikagaien Bankuaren eta Amara Berriko Auzo Elkartearen kanoikadak hasiera eman dio musikaz eta 380 jarduera baino gehiagoz beteriko zortzi eguneko jaiari; eta, nola ez, Su Artifizialen Nazioarteko lehiaketaren 60. edizioa izango dugu aurten.
Adingabe bat atxilotu eta hamar ikertzen ari dira uztailaren 20an Azpeitian izandako istiluengatik
Desordena publikoak eragitea eta agintaritzaren agenteen aurkako atentatua egitea egozten diete guztiei. Atxilotua, 16 urtekoa, aske utzi dute, beharrezko polizia-eginbideak bukatutakoan.
Beroak hauspotuta, zimitz izurritea Gorraitzen
Gorraitz herrian sekulako amesgaiztoa bizi dutela salatu dute bizilagunek. Beroak hauspotuta, astebete baino gehiago da zimitz izurrite batek herria hartu duela. Egoera horren aurrean, fumigatzeaz gain, prebentzio-neurriak ere exijitu dituzte herritarrek. Bideoan, Javier de Arbizu eta Ane Irigoien bizilagunek azaldu dute egoera.
Gasteiztarrak jaien amaiera borobilaz gozatzen ari dira, Zeledoni agur esan aurretik
Kalejirek eta txarangek hiriko kaleak girotu dituzte egunean zehar, aurreko egunetan bezala, eguraldia lagun zutela. Goizaldean, egunerokora itzuliko dira, txokolatea eta bizkotxoak hartu ondoren.
Ehunka lagun bildu dira Bilbon Palestinaren alde
Bilbo-Palestina herri ekimenak elkarretaratzea egin du Plaza Biribilean, Palestina askatzea eskatzeko eta Netanyahu "gizateriaren aurkako krimenengatik" salatzeko.
Bizkaiko hondartzak, karabela portugesik gabe
Larunbat honetan Bizkaiko kostaldeko hondartza guztietan bainua hartzeko aukera izango dugu, marmokarik gabe.
Auto-gidari bat hil da Tolosan, autobus batekin talka eginda
Lurraldebusek aldi baterako eten du zerbitzua Ibaiondo kaleko 1. eta Larramendi kaleko 8. atarien pareko geralekuetan.
30 bat pertsona etxetik atera dituzte Elgoibarren, eraikin batean piztutako sute baten ondorioz
Sua 00:30 aldera piztu da, San Bartolome kaleko eraikin batean, eta ez da inor zauritu. Kaltetutako pertsona gehienak goizean itzuli dira etxera.
Mozketak N-1 errepidean, Ordizia parean, pantaila akustikoak jartzeko obrengatik
Obrek eragina izango dute eskuineko erreian eta Gasteizko noranzkoan sartzeko adar batean, larunbat goizetik igandera arte.
Gizon bat atxilotu dute Donostian, hainbat adingaberi sexu-erasoak egitea egotzita
Gizon horrek 27 urte ditu, eta epaileak behin behinean espetxeratzeko agindu du, adingabe batzuen sexu-askatasunaren aurkako delituak egotzita.