Etxenikeren bizitzaren inguruko dokumental batek Naukas abiatuko du aste honetan
Bilbok zientzia jariatuko du aste honetan Naukas zientzia ekitaldiarekin. 'Naturaren sekretua' dokumentala estreinatuko dute aurten. Lanak Pedro Miguel Etxenike fisikaria protagonista du. Alicia Sintes fisikariak, Frances Mojica mikrobiologoak eta Juan Carlos Ortega umorista ezagunak parte hartuko dute jaialdian.
Naukas 2018 Bilbon aurkeztu dute gaur. Ekitaldian Etxenikek berak eta Maia Garcia-Vergniory DIPCko ikertzaileak parte hartu dute. García-Vergnioryk hitzaldia emango du aurtengo ekitaldian.
'Naturaren sekretua' dokumentalaren estreinakoak markatuko du jaialdiaren hasiera. Etxenike Donostia International Physics Center Fundazioaren (DIPC) presidentea eta EHUko Materia Kondentsatuaren Fisika katedraduna da. 80 minutuko filmak fisikariaren bizitzari eta lanari errepasoa egiten die.
Naukasen apustua goraipatu du Etxenikek, “zientzia modu errazean, baina zehatzean azaltzen duelako; komunikatzaileek egiten dute, baina baita zientziaren abangoardian dagoen jendea ere”. Fisikariaren hitzetan, funtsezkoa da; izan ere, “XXI. mendeko kultura zientifiko-teknologikoa izango da”.
Bestalde, Naukasen lana azpimarratu du Garcia-Vergnioryk, “zientzia gizarteari eramaten diolako; zientzialariek gizartearen babesa behar dugu, ikertzen jarraitu ahal izateko”.
Naukas 2018k 2017ko eskema bera errepikatuko du. Horrela, ostiraleko eta larunbateko hitzaldiei Naukas PRO gehituko zaie ostegun arratsaldean. Ikerketa zentroek, laborategiek, zientzialariek eta lantaldeek 20 minutu izango dituzte, euren lana azaltzeko. Etxeko txikienek Naukas Kids izango dute igande goizean.
Ostiral eta larunbateko hitzaldi orokorren baitan, horietako bakoitza 10 minutukoa, besteak beste, Jesus A. Gomezen ‘Zientziaterapia, ospitaleratutako umeentzako zientzia dibertigarria’ edo Daniel Marinen ‘Lasterketa espazialaren 5 mito’ txanda izango da. Era berean, Juan Carlos Ortega aurkezle eta umoristak NASAren inguruan hitz egingo du.
Gainera, bi zientzialari aipagarriri elkarrizketak egingo dizkiete: Alicia Sintes Espainiako fisikariari, grabitazio uhinen espezialistari, eta Frances Mojica mikrobiologoari.
Jarduera guztiak doakoak eta sarrera librea izango da. Honenbestez, izena ematea ez da beharrezkoa, bertara hurbiltzea soilik.
Zure interesekoa izan daiteke
Hil da Barakaldoko sutean leiho batetik erori zen gizona
Larri zauritutako gizona, 48 urteko gizonezkoa, Gurutzetako Ospitalera eraman zuten, eta larri ospitaleratu, leiho batetik erori eta sugarretatik ihes egin ostean. Beste hiru gizon zauritu ziren atzo goizaldean Barakaldoko El Carmen kalean izandako sutean.
Aldarrikapena eta elkartasuna izango dira nagusi Euskal Selekzioa – Palestinaren atarikoan San Mamesen
Mobilizazioak antolatu dituzte eta estadioaren sarrera guztiak saldu dira; lasaitasuna eta errespetua eskatu dute.
Arrautzaren prezioa % 5,1 igo da urrian, eta % 22,5 urtebetean
Behi haragia (% 17,8) eta kafea, kakaoa eta infusioak (% 16,2) ere asko garestitu dira; aitzitik, olioak eta koipeak (-% 33,5) eta azukrea (-% 13,5) merkatu egin dira.
Haizeak muturreko erregistroak utzi ditu Euskadin, 180 km/h-ko abiadurarekin haizeguneetan
Hego haizeak 180 km/h-ko ufadak utzi ditu Gorramendin, 160 km/h-ko abiadura hartu du Aralarren eta arazo puntualak eragin ditu aireportuetan.
51 urteko motozale bat hil da Urdazubin izandako istripu batean
?fmt=webp-alpha&qlt=80)
Albiste izango dira: Euskal Selekzioaren eta Palestinaren arteko partidaren atarikoa, abisu horia haizeagatik eta Herri Urratsen aurkezpena
Gaurkoan Orain-en albiste izango direnen laburpena, bi hitzetan.
Kontrolpean hartu dute Hondarribian 20 etxebizitza eta kanpin bat hutsarazi dituen sutea
Jaizkibel mendian piztutako sutea kontrolpean hartu dute, baina suhiltzaileek sua itzaltzeko lanean jarraitzen dute. Horrez gain, Higerreko itsasargirako bidea itxi dute.
33 abelburu hil dira Karrantzako abeltzaintza ustiategi batean piztutako sutean
7 abelburu bizirik atera ahal izan dituzte. Suhiltzaileak lanean ari dira sugarrak itzaltzen saiatzeko.
Konpondu dira AP-8an Basaurin, Irunerako noranzkoan, sortutako auto-ilarak
Hainbat ibilgailuren arteko istripua izan da eta gutxienez bederatzi kilometroko auto-ilara luzeak sortu dira AP-8an, Basauri parean, Donostiako noranzkoan. Pertsona bat zauritu da eta errei bat itxita dago.
Triangelurik ez aurrerantzean, V16 baliza berria hemen da eta
Gailu berriak larrialdiko triangeluak ordezkatuko ditu matxurak edo istripuak seinaleztatzeko. Ibilgailuaren sabaian jartzen da autotik irten beharrik gabe, harrapatzeko arriskua murrizten du eta automatikoki abisatzen die DGTri eta larrialdi-zerbitzuei.